هامسەرۆکا دەم پارتی تولای حاتەم ئۆغیولاریە و تونجەر باقرخان دەربارەو ١و ئەیلولی 'ڕۆو ئاشتی جیهانی' پەیامێوەشا وەڵا کەرڎۆ و واتشا: "تا ئیساتۍ قوربانیۍ فرۍ دریێنۍ و ئێشی فرەما چەشتەن، جگە جە چەسپنای ئاشتی چارێوەتەر نیا."
هامسەرۆکا دەم پارتی تولای حاتەم ئۆغیولاریە و تونجەر باقرخان دەربارەو ١و ئەیلولی 'ڕۆو ئاشتی جیهانی' پەیامێوەشا وەڵا کەرڎۆ و جە پەیامەکەنە باس جە ۋەرفراوانبیەی جەنگەکا جیهانی و ۋەرکۊتوو مېیامینی کریان و ئامان: "ماناڎارتەرین چێو جە دژوو ئا جەنگا، ئانەنە کە ئەرەکۊشایما پەی ئاشتی فرە زیاتەر بکەرمۍ. عالتەرین کارۍ کە بکریۆ وەشکەرڎەی ژیۋایۍ تازەین کە چنەشەنە مرۆڤەکۍ بەشێوێوە یەکسان و ئاشتی بژیۋا."
هەر جە پەیامەکەنە ئامان: " تا ئیساتۍ قوربانیۍ فرۍ دریێنۍ و ئێشی فرەما چەشتەن، جگە جە چەسپنای ئاشتی چارێوەتەر نیا. پەی ئینەیچ هێز و باوەڕیما هەن."
' دژوو گۆشەگیری داواکاما بەرزۍ بکەرمێوە'
جە دمادمایی پەیامەکەینە داواو بەشداری جە ڕاپیمای و مجیایرە مېڎانەکا کریان و ئامان: "جە ١و ئەیلولینە جە دژو جەنگی، جە دژوو گۆشەگیری، دژوو فشاری و نەژاڎپەرسی بە ملیۆنان کەسۍ مجیارە مېڎانەکا و داواکاما بەرزۍ بکەرمێوە."
