جمیەروو زانایا ئیسلامی کورڎیی ئەرەیاۋنېوەشا ۋەڵاکەرڎۊ و چنەشەنە داواشا جە پەدەکەی کەرڎەن پەی ئانەی کورڎسان دلېنە نەشۊ و کورڎۍ نەکوشیا، ۋەرپەرسانە مامەڵەکەرا.

جە ئەرەیاۋناکەنە ئامان، چن ساڵېوەن گەلەکەما بە شېۋېوە دڕنڎانە جە لایەن و دوژمنەکاماوە گەشمەرڎۍ کریا. دۊڵەتەکۍ تورکیای، ئېرانی، عېراقی، سوریای سەرەمڕە درېژە پا کۊکوشیا مڎا. دۊڵەت حیچ سنورېوە پۍ جینۊسایدی و کوشتەی کورڎا مەشناسۊ. دۊڵەتو ترکی خوڎا نەشناس و بۍ دینا. پەنەوازەن گەلوو کورڎیی ئی دوژمنە ترسنۊک و درنڎەیە بشناسۊ!

جمیەروو زانایا ئیسلامی کورڎیی ئاماژەش پانەیچ کەرڎەن، جە ماوەو ٤٠ساڵا ۋیەرڎەینە، زیاڎ جە ٥٠هەزار گەشمەرڎۍ، دژ پی دۊڵەتە ئەرەگیرەیە دریېنۍ. کوڕو کناچۍ کورڎی گەشمەرڎۍ بیېنۍ و تا ئیسەیچ ۋەردەواما. ئا هېزۍ ۋېشا بە هېزوو کورڎی مزانا، مشۊم ئا دوژمنا بشناسا و بەپاو ئا ڕاسیا درېژە بە سیاسەتەکاشا بڎا.

ئانەیچ وزیان ڕووە کە مشۊم دەس جە هامکاری کەرڎەی ترکی و عەرەبی و ئېرانی هۊرگیریۊ. کورڎ واڵەو برۍ یۊترینینۍ، نە وەک واڵەو برۍ دوژمنەکاشا. جە پانیشتوو کورڎسانی ماوەو چن ساڵېن شۊڕشگېڵنۍ جمیەری نەتەوەیی(پەکەکە)ی و خەڵک و دەگایەکا گەشمەرڎۍ کریا. بەڵام ۋینمۍ جە پانیشتوو کورڎسانی بەتایبەتی ئانۍ کە بە ۋېشا ماچا شۊن کۊتۍ شېخ ئەحمەڎی بارزانی حیچ دەنگېشا چۊوە نمۍ. بە پېچەوانۊ هامکاری دەوڵەتو ترکی کەرا.

جە بەشېوەتەرو ئەرەیاۋناکەینە ئامان، ئەگەر ۋەرپەرسېوە پەدەکەی بۍ جە یاۋنەریاکاوە گلەیۍ جە دۊڵەتوو ترکی کەرۊ و واچۆ شمە چی سەرکردەکا پەکەکەی مەکوشدۍ، ئا ئاژە مشۊم جە لایەنوو کورڎی و کورڎسانیاوە چنی مامەڵەش چنی کریۊ؟ جەماوەری باوەڕمەنڎ پېوەرە گنا دلۍ ئاشتی و شۊنەو نەیارا نەگنا.

جمیەروو زانایا ئیسلامی کورڎیی تەئکیدش کەرڎەنۊ، مشۊم گرڎ کورڎېوە، پۍ ئانەی ڕا جە جەنگی براکوشی گېرا گنا ۋۍ! کوشتەی کورڎا بە دەسوو کورڎی تاوانېوە گۊرېنە، مشۊم ڕا نەڎریۊ ئا تاوانە گۊرۍ واوەی کریۊوە. مشۊم کورڎەکۍ قۊرتەکاشا بە گفتووگۊ چارە کەرا. نەک بە فیتوو دوژمنەکاشا جماوە. داوا جە پەدەکەی کەرمۍ کە پەی ئانەی کورڎسان دلېنە نەشۊ و کورڎۍ نەکوشیا، ۋەرپەرسانە مامەڵە کەرۊ! داواجە گرڎوو لایەنە سیاسیەکا تەری کەرمۍ پەی ئاشتیۍ هەمیشەیی دلۍ کورڎانەدەموو دەس بەشڎاری جە هەرمانوو کاری ئاشتی دلېینەینە کەرا. داوا جە گرڎوو زانایا ئاینی کەرمۍ، پۍ یەکڕیزی و ئاشتەوایی کورڎا حۊڵەکاشا وزا هەرمانە.

هـ.ش