جەنگاوەراو ئیبراهیم کایپاکایاو جمیەری شۆڕشگێڵنی یۊگێرتەو گەلا (هەبەدەهە)ی ئەرەیاۋناشا، "٨و ئایاری جە مەنتیقەو ئینەگۆلی بورساینە نزیک بە سەعات ٠٦:٠٠ ی مەعمەلێوە رستە و چنیەیما جە مەنتیقەو رێکوستەی پیشەسازینە ئێر وەردانەنە، جە ئاکاموو ئێرەکەینە زەرەرۍ فرە ۋەروو مەعمەلەکەی کەوتەن".

جە ئەرەیاۋناکەو هەبەدەهەینە ئامان: "ئا چالاکیە پېسە جوابێوە جە ۋەرا ۋەر بە ئۆپراسیۆنی سەروازی دژوو گەریلاکاو ئازاڎیینە ئەنجامدریان. جە دژوو هجوومەکا نکۆڵی کەردەی و ئەسڕیەیۆ، گرڎوو یەکینەکاما و گەلەکەما دەسوەڵێوستەی گێرانە دەس و جە دژوو دوژمنی گنانە جموجوڵۆ.

ڕۆ، ڕۆو ماڕای گۆشەگیریا، مسۆگەرکەردەی ئازاڎیی رابەروو گەلوو کوردی عەبدوڵا ئۆجالانی و ڕۊو پاککەردەیۆ کوردسانیا جە ئەرەگیرا".