یەکینەکاو پارێزنای ژەنێ (یەپەژە) کانتۆنوو ڕەقەینە بە بۆنەو ٨ ئاداریوە چالاکیێوەشا کەرد. ئەندامەو فەرماندەیی گردینوو یەپەژەی، ڕۆهیڵات عەفرینە و ژمارێوە فەرماندێ تەرێ بەشدارێ بێنێ.

چالاکییەکەنە جەنگەواناو یەپەژەی نمایشێوە سەروازییشا کەرد، دمایی ئەندامەو فەرماندەیی گردینوو یەپەژەی، ڕۆهیڵات عەفرینە ئی ڕوەشە جە تەماموو ژەنا مەبارەک کەرد و واتش: "ژەنی جە وەرگێریی تیرۆری و داعش و دەوڵەتی ئەرەگیروو تورکینە دەورێوە گرنگشا گێڵنا. نەک تەنیا هەرێمەکەش پارێزنا، بەڵکوم گردوو ژەناو جیهانیشا بە درووشموو "ژەنی، ژیوای، ئازادی"یوە پارێزنێ".

دمایی ئەنداماو فەرماندەیی گردینوو یەپەژەی ولیشا سەروو جەنگەواناو یەپەژەیرە بەشێ کەردێ، دمایی بە جادەکاو ڕەقەیرە تا چوارڕاو  ئەلنەعیمی ڕاشا پیما،  کە چاگە یەپەژە ساڵەو ٢٠١٧ ڕزگاریی ڕەقەیش دەسوو داعشیوە ئەرەیاونا.

چوارڕاکەنە فەرماندەیی ئەرەیاوناێوەشا یاونا و ئەوەخوایشا کەردۆ، کە کۆشیای گەورەتەر کەرانێ تا ئازادیی وەڵاتی  دەس وزا.