جوابوو چەتەکا دریاوە: ٣ چەتێ کوشیێ .
ئەنجوومەنی سەروازیی منبجی جوابوو هجوومەکانی داوە و ٣ چەتێ کوشیێ.
چەتەکاو دەوڵەتی ئەرەگیرکەرو تورکی ئاویرشا وەنەو کاڵگە کشتوکاڵییەکاو دەگاو یالانلی سەر بە منبجی وەردا.
ئایرەکە هەڵای بەردەواما، تیمەکاو ئایرکوشنایوە بەردەوامێنێ جە هەوڵەکاشا پەی ئەوەکوشنای ئایرەکەی، دیاری کریا، کە بۆنەو وایوە ئایرەکە بەرەو یاگە ئەرەنیشتەییەکا ملۆ.
لاو دەوڵەتی ئەرەگیرکەرو تورکی و چەتەکاشۆ، دەگاو ئوم ئەلقورەو شەهبای بە تۆپێ بۆردومانە کریا.
ئەنجوومەنی سەروازیی منبجی چوارچوەو پارێزنای ڕەواینە جوابوو چەتەکاش داوە.
بەپاو ئا زانیارییا دەسێ کەوتێنی، ئەنجاموو جوابوو دژوو چەتەکانە، ٣ چەتێ کوشیێنێ و سەیارێوی بۆمبچنشا دلێنە بریان.
"خەڵکەکەیما مپارێزنمێ"
"ڕاوەبەریی وێمانەی دیموکراتیکوو کانتۆنوو منبجی سەبارەت بە هجوومە بەردەوامەکاو دەوڵەتی ئەرەگیرکەرو تورک بەرش وست.
ئایەت دەندەل، هامسەرۆکوو ئەنجوومەنوو ڕاوەبەریی کانتۆنەکەی بەیاننامێوەش بە ئامادەبییەی ئەنداماو ڕاوبەری، ئەنجوومەنوو کۆبییەیوە ژەناو زەنۆبیای، ئەنجوومەنوو بنەیانەو گەشمەردا و لایەنەکاش واناوە.
بەیاننامەکەنە جارێوی تەر هجووم و ئەرەگیرکارییەکاو دەوڵەتوو تورکی پەی سەروو هەرێمەکەی شەرمەزارێ کریێ و واتش، دەوڵەتوو تورکی گەرەکشا پی هجووما ئیرادەو گەلەکەیما بماڕۆنێ.
بەیاننامەکەیچەنە ئامان، کە دەوڵەتوو تورکی بە تۆپواران و سۆچنای کاڵگە کشتوکاڵییەکا لوان قۆناغوو بەئامانجگێرتەی بژێویی گەلاو سووریایوە و ئخرۆ واتش، ئەرەنیشتاو کانتۆنەکەی زەمینەکاشا چۆڵ نمەکەرانێ، بەڵکوم وێشا و هەرێمەکاشا جە هجوومە هامبەشەکا چەنی چەتەکا مپارێزنانێ."
