جە بانلیویای گریگنی پاریسو پایتەختو فەرەنسای، جوانۍ کوردی چالاکی نافەرمانی مەدەنیشا ئەنجامدا.

جوانۍ دیڎارو عومەر ئۆجالانی پەرلەمانتارو دەم پارتی-شا چنی ڕابەر ئاپۆی  پێرۆز کەرڎ و لافیتەو "هەزاران جارۍ سڵامت ۋنە بۆ ئەی سەرۆک ئاپۆ، جوانۍ فیدایۍ تۆنێ"شا بەرز کەردۆ و بە دروشمەکا "بژیۋۆ سەرۆک ئاپو"، "بێ سەرۆکی ژیۋای نمەبۆ" داواو ئازادی جەسەیی ڕابەر ئاپۆیشا کەرڎ.

جە بەیاننامێوەنە کە جە چالاکییەکەنە ۋنیاوە، ئاماژە پانەی کریا کە گۆشەگیریی ڕابەر ئاپۆی هەڵای نەمەڕیان، ئێمە بە هیچ جۆرۍ مېڎانەکا جیا نمازمۍ تا ئا کاتەی ئازادی جەسەیی ڕابەر ئاپۆی مسۆگەر بۆنە."

جە دما دمایی چالاکییەکەینە جوانۍ بانگەوازو بەشداربیەیشا جە ڕاپیما و گلێرۆبیەی گۆرەو کۆڵنی کەرڎ کە جە ١٦و کەڵەهەرزینە پەی ئازادی ڕابەر ئاپۆی ملۆڕاوە.