جوانا کورڎەسانیۍ و ئینتەرناسیۆناڵیستی پەی بەشداری جە ڕاپیمای درێژمەوداینە کە جە مابەینو ١٥-٢٠و ئەیلولینە بە دروشمەو 'ئازاڎیی پەی رابەر ئاپۆی، چارەسەری پەی پەرسو کورڎی' جە ئەڵمانیانە ملۆڕاوە، بانگەوازو بەشداربیەیشا ئەرەیاۋنا.
پەی بەشداربیەی جە ڕاپیمای درێژمەوداینە کە جە بیلەفێڵدۆ دەسپنە مکەرۆ و تا شارو دویسبورگی بەردەوام مبۆ، جوانۍ جە ئەیالەتو نۆردراین وێستفالێنینە بانگەوازو بەشداربیەیشا ئەرەیاۋنا.
جوانۍ ئاماژەشا بە گۆشەگیری سەرو رابەرو گەلوو کورڎی عەبدوڵا ئۆجالانی کەرڎ و ئەرەیاۋناشا، "جە ئەیالەتو نۆردراین وێستفالێنینە پەی رابەر ئاپۆی کە ٢٦ ساڵێن گۆشەگیرکریان، چالاکی سازمکەرمۍ".
جوانا کورڎەسان و دوسێلدۆرفی ناوەڼو ئەیالەتەکەینە کوۍ بیێوە و ئەرەیاۋنێوەشا دا و واتشا، "پەی مسۆگەرکەرڎەی ئازاڎیی جەستەیی رابەر ئاپۆی ئێمە داوا جە گەلی و جوانا کورڎەسانی مکەرمۍ کە بەشداری جە چالاکی ڕاپیمای درێژمەوداینە بکەرا".
ئەرەیاۋناکەی بە دروشمەو "بژیۋۆ سەرۆک ئاپۆ" دمایش پنە ئاما.
