ئەنداماو جمېیەرو جوانا شۆڕشگێڵنی (تەجەشە)ی و ژەنا جوانۍ کۆششکاری (تەکۆژن)ی پەی بەشداری جە ڕاپیمای گۆرەو ١٦و تشرینو دووەمی جە کۆڵنەنە بانگەوازیشا ئەرەیاۋنا.
جە چوارچێوەو هەڵمەتۆو "ئازادی پەی رابەر ئاپۆی، چارەسەری پەی پرسو کوردی" بە دەیان هەزار کەسۍ جە هەر چوار لاو ئۆروپایۆ جە کۆڵنەنە ڕاپیمایۍ سازمکەرا. پەی بەشداری جە ڕاپیماکەینە بانگەواز ئەرەیاۋییا.
ئەندامو تەجەشەی ئیلهامی زاپ ئەرەیاۋناش، "١٦و تشرینو دووەمی پەی ئازادیی جەسەیی رابەر ئاپۆی بە ڕاپیمایما کۆڵنی شڵەقنمۍ، جوابو دژمنی مڎەیمێوە گۆشەگیری ماڕمێنە".
ئەندامەو تەکۆژنی مەلەک گونەشیشە واتش، "١٦و تشرینو دووەمی پېسە جوانا شۆڕشگێڵنی، کوردەسانیا و ئینترناسیۆناڵیستی کۆڵنەنە کوۍ بیمێوە. جاڎەکا کۆڵنی بە ئێرو ئازادی تەنمۍ و گۆشەگیری سەرو رابەر ئاپۆی ماڕمۍ".
ئەندامو تەجەشەی محەمەد ئامانۆسیش باسش چانەی کەرڎ کە مشۆم گرڎ کەسۍ جە ١٦و تشرینو دووەمینە کۆڵنەنە با. عەزیز پاکسۆیچ باسش چانەی کەرڎ کە ١٦و تشرینو دووەمی پېسە جوانا کوردەسانی پەی ئازادیی رابەر ئاپۆی بەشداری جە ڕاپیماکەینە مکەرمۍ.
جوانۍ باسشا چانەی کەرڎ کە ئامادەکارییەکۍ ڕاپیماکەی تا ١٦و تشرینو دووەمی بەردەوامۍ با.
