ئەندامی کۊمیتەو ڕاوەبەریی پەکەکە دوران کاڵکان جە میانەو بەرنامێوە مەدیا خەبەر تی ڤی-ینە سەبارەت بە گۊشەگیری، هەڵمەتەو ١٥ئاب (تەباخ)ی، مدرامانوو شەنگالی و کۊشیایی ئایدۊلۊژیکی ورسەنگنایش کەرد.

قسەکاو کاڵکان ئینێنێ: "بەر لە هەموو چێوێوەنە بە ڕازۊ سڵام جە مدرامانوو ئیمراڵی و ڕابەر ئاپۊی کەروو. گۊشەگیری جە ئیمراڵینە بەرڎەواما. چا بابەتەنە حیچ وەڵێکەوتەیێوە نییا. سیستموو ئیمراڵی گۊشەگیریین. سیستموو گۊشەگیری، ئەشکەنجە و جینۊسایدین. مشۊم بەدروسی چانیەی بیاومێنە. مەکریۊ کە ئێمە جە دۊخوو ئیسەینە چەمەڕوانۍ فاڕیایۍ بیمۍ. وەروو ئانەیە دەسەڵاتوو ئیساتۍ دروۍ کەرا. کرد. ئەرەیاوناێوەشا پەی ڕای گرڎینی دا. سەروو نامۍ وەزیروو دادی و سەرۊککۊماری قسێشا کەرڎۍ و واتشا حیچ کێشێوە یاسایی نییا. وەلۍ ئیساتۍ بە پاو یاسۍ مەجووڵیاوە. فرتوفێڵ بە یاسایای کەرا. گرڎوو کرڎەوەکا  ئینا چێروو نامۍ سزاو دیسپلینینە، ئینە دروێنە، گەرەکشانە فرتوفێڵۍ کەرا. باسما جە ئامانجوو ئادیشا کەرد. ڕا وەنەو دیدارەکا گێرا. گەرەکشانە ساڵەو ٢٥مینینە  بە بەهانۍ یاساکاو ئەورووپایۊ وەختۍ سەرجەنۊ دۊخوو ڕابەر ئاپۊی ورسەنگنا نازا ڕابەر ئاپۊ ئازادیی جەستەییش بەدەس بارۊوە. بە سزاو دیسپلینی گەرەکشانە ئانەیە کەرا. ماچا ئانۍ گرڎ یاسایێنۍ. ئانە فرتوفێڵێنۍ و ساختەکاریێنۍ، پا مانۍ مۍ، کە فرتوفێڵۍ جە یاسۍ کەرا.

هێزەکۍ تەرۍ، کە چاگە وەرپەرسێنۍ ئادێچ بێدەنگێنۍ. کەڕ، کۊرۍ و لاڵێنۍ. سی پی تی، ئەنجوومەنوو ئەورووپای و هێزەکۍ تەرۍ بێدەنگێنۍ. ئا ئەرەمەرزیۍ میاننەتەوەیۍ سیستموو ئیمراڵیشا سازنان بێدەنگێنۍ و نقەشا چۊوە نمۍ. بێگومان ئا بێدەنگییە بە ماناو ئانەیە مۍ کە ڕێکۍ گەوتێنۍ. موینیۊ کە کە ئا ئەرەمەرزیۍ پەشتیوانی جە کرڎەوەکاو فاشیزموو ئاکەپەی و مەهەپەی ئیمراڵینە کەرا، پاڵپەشتی بابەتەکەین.

ئینسانیەت گەرەکشا دەنگوو ڕابەر ئاپۊی بژنەوۊ  

لێوە تەرۊ کۊشیای دژوو گۊشەگیری، دژوو سیستمی ئیمراڵینە، ئەشکەنجە و جینۊساید و کۊشیای پەی ئازادیی جەستەیی ڕابەر ئاپۊی گرڎ مەیدانێوەنە گەشتەر بۊ. چی ساڵاو دماینە، بەتایبەتی بەروو وەڵاتیوە چالاکیۍ گرنگۍ هەنۍ. پەی نموونەی، کۊنفڕانسی ڕۊنامەوانیی ٢٦ی تەمووزی بروکسەلنە. داوا پەی چالاکی کەرۊ پەی ئازادیی جەستەیی ڕابەر ئاپۊی، کە لاو سەندیکا، ڕۊشنویرا و سەرۊکشارەوانییەکاوە پێوە ڕێکوزییان و داواکاریی پەی ئازادیی ڕابەر ئاپۊی کەرا.  

دماتەر کۊنفڕانسەکەو کۊلۊمبیای ساز کریا. گەنجۍ ئەورووپانە و هامڕۍ ئینتەرناسیۊناڵیستەکۍ دووۍ جارۍ چالاکییشا کەرد؛ ئاخروو حەفتەی وەڵینی و و هەم چند ڕۊی ویەرڎەیچنە. ئیتالیانە کۊنسێرتێوە بۍ. سەندیکاکاو ئیتالیای و سکۊتلەندای ئەرەیاونایشا بۍ. گرڎ شۊنێوە بەروو وەڵاتینە وڵات پەی ئازادیی جەستەیی ڕابەر ئاپۊی داوا و خەبات  هەن. واتما ئینسانیەت گەرەکشا دەنگوو ڕابەر ئاپۊی بژنەوۊ، فرە گۊششا پانەیە نەدا. ئینۍ گرڎ بەڕۊشنی نیشانەش مدا. کە ئینسانیەت، لایەنە دیموکراتیکەکۍ، ڕۊشنویرۍ، سیاسەتمەدارۍ، فەیلەسووفەکۍ، ژەنی، گەنجۍ و گرڎوو دنیۍ پێویستییشا بە ئەرەمەنەی و ئەندێشەکاو ڕابەر ئاپۊی هەن. ئانەیە ڕاستەوخۊ ماچا "کمانەگەرە دەنگیش بژنەومۍ و ویرۊکەرڎەی تازەیش بزانمێ". وەروو ئانەیە ڕابەر ئاپۊ، چارەسەروو پەرسەو کوردی بەتایبەتی، چارەسەروو گرڎوو کێشەکا بەگرڎی ڕۊشن کەرۊوە. خەتەو نەتەوەی دیموکراتیکی، سیستموو کۊنفیدڕاڵیزمی دیموکراتیکی، جە ڕاسینە ئا سیستمە، کە سەروو بنەماو وێڕاوەبەری دیموکراتیکی موازۊ وەڵی وزیۊ، ساعیبوو ئا هێزەیە کە پەی کێشەی سیستموو دەسەڵاتداری و دەوڵەتی بەتایبەتی، پەی گرڎوو کێشەکاو نەتەوە-دەوڵەتی مۊدێرنیتەی سەرمایەداری چارەسەر وێزۊوە. پاڕادیگمایەکە کە گلێرگەی پەروەرڎە کەرۊ، ڕێکش وزۊ و گلێرگەی ڕێکوزیای مارۊ ئاراوە. سەروو ئا بنەمۍ داوا هەنە. گرڎ کەس موینۊش کە قسەکێما بێبنەمۍ و هەڕەمەکیۍ نیەنۍ. بەڕاسییچ بەکرڎەوە ئاشکرا بۊ، بەکرڎەوەیچ سەلەمیان.  

سەرتاسەروو کوردستانینە بڕۍ چالاکیۍ هەنۍ. پێسە گەلەکەما جە وەرنیشتنە بەرڎەوام ئینا سەروو پایاوە و هەستیارا. ماوە ماوە چالاکییۍ جەماوەریۍ گەورۍ سازۍ کەرا. چا چوارچوەنە سەرنیشتنە چالاکیۍ جیاجیۍ سازۍ کریا. پانیشتنە بڕۍ جارۍ مەیا ئاراوە. وەرکەوتیچنە ماوێوە سەرەورڎای کریا، ئیساتۍ بۊنەو فشارەکاوە بڕۍ کز بییەن، وەلۍ سەدا ٩٠ هەڵوێستوو گەلوو کوردی خاس مزانیۊ.

چی ڕووەوە ئا بابەتۍ کە مەیائاراوە. هەڵوێستێوە گەورە هەن. جە چوار پارچەو کوردستانینە و بەروو وەڵاتینە جە چوار لاو دنیێوە یۊبییەی سەندیکاکاو کوردی، ژەنا، گەنجا، ڕۊشنویرا و هونەرمەندا، سیاسەتمەدارا هەنۍ. دژوو سیستموو ئەشکەنجەی، گۊشەگیری و جینۊسایدوو ئیمراڵینە. ئازادیی جەستەیی ڕابەر ئاپۊیشا گەرەکا.  سەروو ئا بنەمێوە گەرەکشانە پەرسەو کوردی چارەسەرە کریۊ، گەلوو کوردی مافوو ئازادی و دیموکراسیی وێش بەدەس بارۊ. چایچۊ وەرکەوتوو دلێڕاسەی دیموکراتیک و مرۊڤایەتیچ ئازاد بۊ. گرڎ مەیدانێونە شۊڕشوو ئازادیی ژەنا وەڵێوە ملۊ، سەروو بنەماو ئازادیی ژەنا، ژیوای ئازادی گرڎ شۊنێوەنە وەڵا بۊوە، کاریگەری سەرشاوە منیۊرە.  

گرڎ چێوۍ پەرسەو کوردینە و پەرسەو کوردیچ ڕژێموو ئیمراڵینە ئاسۍ بییەن

گرڎ چێوۍ پەرسەو کوردینە ئاسۍ و قەتیسە مەنێنۊ. جەنگوو یوەموو جیهانی ئا سیستمەشە ئارد ئاراوە. پەیماننامەکاو دماو جەنگوو یوەموو جیهانی؛ ڕێکەوتەی مۊندۊرۊسی و سیڤەری نەیاویۍ یاگۍ. ئا پەیمانۍ یاوا یاگۍ لۊزانە بۍ. حەرپاسە جە ڕاو پەیمانەو ئەنقەرەیۊ بەریتانیا ساڵەو ١٩٢٦ سنوورەکێش چەنی تورکیای و عێراقی دیاریۍ کەرڎۍ. دیارا ئەرەمەرزنای کۊماروو تورکیای ئارۊ سەروو جینۊسایدوو کورڎاوە، سەروو بنەماو دوژمنایەتیی کورڎا بییەن. ئانە کاریگەری  کەرۊ سەروو گرڎوو لایەکا. وەر بە دیموکراتیکبییەی وەرکەوتوو دلێراسەی گێرۊ و جە مردنای تیرۊری فاشیستینە هەڕەشۍ جە ئینسانیەتی کەرۊ.  ئانەما وات و بانگەشەما پەی ئانەیە کەرد. ئەگەر ئەرەمەرزنای کۊمارێوە چانەی یان پەیمانەو لۊزانی، کە سەروو بنەماو دوژمنایەتیی کورڎا جینۊساید قبووڵ کەرۊ، پێک نامایۍ، ڕەنگا هیتلەر و موسیلینیچ بەرۍ نەکەوتێنۍ و جەنگوو دووەموو جیهانیچ ئەوروپانە ڕووەش نەدۍ، ئا گرڎە کۊکوشییە ملوو ئینسانیرە نامۍ. ئا دۊخا پێسە گرنگا. گرڎ چێوۍ جە دۊزوو کوردینە ئاسۍ بییەن و گیرش وارڎەن. دۊزوو کورڎایچ ڕژێموو جینۊسایدوو ئیمراڵینە ئاسۍ بییەن. وەروو ئانەیە ئیرادەو گەلوو کوردی ئینا ئیمراڵیینە و ڕابەر ئاپۊینە. ڕابەر ئاپۊ هێزوو چارەسەروو پەرسەو کوردین، بەرڎەوام ئانەما واتەن.

٢٩ مانگە حیچ زانیاریێوەش بارەوە نییا. ئی جارە مشۊم ئێمە چێش کەرمێ؟ مشۊم هاوار پەی بۊ ڕاسیی کەرمۍ. مشۊم ئێمە ورسەنگنای و شرۊڤەی قەوەتتەر کەرمۍ. مشۊم کۊشیای گەورەتەر کەرمۍ و گرڎوو مەیدانەکانە وەڵاش کەرمێوە. مشۊم دەس جە کۊشیای ورنەگێرمۍ، نەمردمۍ و نەوسمۍ. هەڵوێستی ڕاس و دروس ئینەنە. بەڕاسییچ ئشیا تا ئیساتۍ پێسە بیۍ. وەلۍ مشۊم جە ئیساتۍ بەدماوە زیادتەر پاسە بۊ. ژییوایێوە تەر چێش هەن؟ ئینسان متاوۊ نامۍ ژیوایش وەنە بنیۊ؟ بەتەنیا پێسە ئینسان تاوۊ ڕا وەرڎەموو ژیواینە کەرۊوە. بە پیمانەو بنەما دیموکراتیکەکاو ژیوای ئازادی، ڕاوەبەریێوە دیموکراتیک متاوۊ بۍ ئاراوە، ئاشکران کە ئانە بەنۊعێوە تەر نمۍ ئاراوە. ئانەیچ بەرش وزۊ، کە زانیاری ورگێرتەی جە ئیمراڵینە، بییەی ڕژێموو قڕکەرڎەی پێسە چەنی تورکیانە دیکتاتۊریەتی فاشیستیش ئارڎەن، وەرکەوتوو دلێڕاسەیچنە بیەن لەمپەر وەرڎەموو دیموکراتیکبییەینە. گرڎوو ئینسانیەتی چێروو هەڕەشۍ چەتە فاشیستەکانە مازۊوە. ئینسانیەت گەرەکشا جە ڕابەرایەتیوە فێر بۊ، ئادۍ مەژنەوا. ئێمە متاومۍ بە کۊشیای ئانەیە بیاونمۍ یاگۍ. ئا کۊشیایە کە کریۊ ئا داوۍ پەی ئازادیی جەستەیی ڕابەر ئاپۊی کریا، بە مانادار منیەورە و سڵامشا وەنە کەروو. بە نامۍ پارتەکەیماوە داوا جە گرڎوو گەلەکەیما، ژەنا، گەنجا، هامڕایا و گرڎ کەسێوەو کەروو، حەرشۊنێوەنە هەنۍ، زیادتەر بەشدارۍ کۊشیای مەبارەکی، کۊشیای بنچینەیی دیموکراسی با و بە ڕێبازی تازەئامانە گوڕ بە کۊشیای بدا.

وەروو ئانەیە پەدەکە چەنی داعشی ڕێک کەوتەبۍ شەنگالنە ورئاما

گلێرگەی کوردیی ئێزدی شەنگالنە ماوەو ٩ ساڵانە سەروو خەتەو ئازادی و دیموکراسیوە فاڕیای جیددییش وێشۊ دی. بەتایبەتی وەراوەروو هجووموو کۊکوشیی ساعیبۍ هەڵوێستیبێنی. دماو ئانەیە چەتە کۊکوشکارانەکاو داعشی جە ئەنجاموو پەشتیوانیی هەپەگە، یەپەژە و یەپەگەیۊ شکسشا وارد.  دلۍ گلێرگەی ئێزدینە دلۍ ژەنا و گەنجانە هۊشیاری، ڕێکوستەی و مدرامانی گەورە ئامۍ ئاراوە. سڵام چا مدرامانەیە کەروو. جە کەسایەتیی هامڕا مام زەکینە گرڎوو گەشمەرڎە قارەماناو ئا کۊشیایە مبارەکەیە بە ڕاز، وەشەویسی و پەنەزانیۊیاد کەرووە. بەڕاسییچ ئادۍ بیۍ گەشمەرڎۍ ئازادیی، گەشمەرڎاو دیموکراسی، گەشمەرڎاو ئینسانیەتی و یۊگێرتەی. گرڎ وەختێوەیچ پاسە مەناوە.

٩ ساڵۍ ویەرد، قاچش نیا ساڵەو دەیەمینیوە. چالاکییەکۍ جە نۊیەم ساڵیادوو ئا کۊکوشینە و مدرامان دژوو ئانەیە گرنگ بۍ. گلێرگەی کوردیی ئێزدی بە ئەرەیاونیا، ڕاپیمای و چالاکیەکێشا هەڵوێستی ڕۊشنشا نیشانە دا. ئەرەمەرزیۍ دیموکراتیکەکۍ هەڵوێستی ڕۊشنشا گێرتەرە وەر. ئانەیچە فرە گرنگ و مانادارا. ئەرەیاوناشا کە هەنگامە پەی دمای مەنیا و تا سەر کۊشیای ڕزگاری و دیموکراتیکبییەی درێژە پەنە مدا.

سەروو ئەو بنەمێوە بەغدانە کۊنفڕانسێوە ساز کریا. بە بەشداری نەک هەر گلێرگەی ئێزدی، بەڵکوم گلێرگەکای تەروو عێراقی، کە پێسە کەمە نەتەوەی منریارە، ساز کریا. ئا کۊنفڕانسەیچە گرنگ بۍ. ئەنجامی گرنگش چنە کەوتۊ. بۊنەو ساڵیادەکەیۊ قەراری ڕۊشنشا دا و داواکارییەکێشا ئاشکرۍ کەرڎۍ. داواکارییەکاو گلێرگەی ئێزدی و کەمەنە تەوەکا تەروو عێراقیشا بەڕۊشنی وستۍ وەروو باسی. گەرەکشانە دیموکراتیکبییەی وێڕاوەبەری وزا وەڵی، بەڕاسیچ گەرەکشانە دەستووری هەمیشەیی عێراقی بە گرڎوو ورڎەکارییەکاوە  بیاونیۊ یاگۍ. بڕۍ مەنتێقانە هەرمانەس پەنە مەکەرا و ئانەیجە ئا قۊرتا وەش کەرۊ، جەڕاسینە پاسە فکرۍ کەرمێوە، کە ڕاوەبەروو عێراقی ئا دۊخەیە ورسەنگنۊ و پاسیچ بۊ.

هەڵوێست دژوو خیانەتی، ئانەیچە بەدڵنیاییوە گرنگا. گەرەکشانە پەدەکە دادگایی بکریۊ. داواکاریێوە گرنگا. جەڕاسیینە ئا ورئامایە  کە داعشی کۊکوشیی ئێزدییەکاش کەرد، مشۊم بلۊرە دادگا. تا ئانە نەکریۊ، تاوانوو کۊکوشیی شەرمەزار مەکریۊ و مەویەریۊ. چی ورئامێ؟ چەنی داعش ڕێکۍ کەوتێبێنۍ، پەوکای ورئامۍ. وەڵتەرۍ واتەبێما، ئایار یا نیسانوو٢٠١٤ بۍ. ئەرەیاونیا، کە جە پایتەختوو وەڵاتێوە هامساو سوریاینە کۊبییەیۊیۍ کریان. قەرارش چەنە دریا و داعش دەسش بە هجوومەکاش کەرد. وچیۊ چا دیدارەنە مەسعود بارزانییچ ئامادە بییەن. بووە. ڕاسی ئانە تەنیا قسۍ نییەنە، بەدڵنیاییوە پاسەن. چا چەنی داعشی ڕێکۍ کەوتۍ. چە کاریگەریێوەش کەرد سەروو ئێمە؟ ئێمە جە نیمەو مانگەو ئایارینە کۊنفڕانسوو سەرنیشتیما گێرت.  جە ڕاو پەیوەندییەکاو بەریوە زانیاریما پەنە یاوا.  ئەرەیاونیا، کە هێزێوە وەش بییەن هجووم کەرۊ. عێراق و سوریای کەرۊ بە یەرۍ پارچێوە. داعش جە ١٢ حوزەیرانینە هجوومش کەرد سەروو موسڵی. مانگەو ئابینە هجوومش کەرد سەروو شەنگالی. نەک هەر شەنگال، سەروو مەخموریچ. سەروو کەرکووکیچ، دماتەریچ پەلامارەو وەرنیشتیش دا. هجوومش کەرد سەروو کورڎا. پاسە وچیابۍ. بە ڕاسییچ کۊبییەیۊکەینە ڕێککەوتەێوە بەینوو داعشی و پەدەکەینە ئامابۍ ئاراوە و پەدەکە ئەوەڵۊ ڕازی بی، کە چند یاگیوە بدا بە داعشی و دمایی پەشیمانۍ بیێوە. داعشیچ کارڎایۊش نیشانە دا و وەروو ئانەیە فشار ساز کەرۊ هجوومش کەرد سەر. گەر ئینسان سەرنجە بدۊ پەدەکە حیچ چێوۍ نیشانە مەدۊ. پەدەکە حیچ یاگێنە جەنگش نەکەرد. پا جۊرە نیشانە دەدریۍ، کە بڕۍ یاگێنە جەنگش کەرڎەن، کە بڕۍ پەشتیوانی و هامکاری بەدەس بارۊ، خەڵکی خەڵەتنۍ.  

کورڎۍ پەشتیوانیشا جە جەنگی دژ بە داعشی کەرد. فرەو ئا کۊشیایا کوردی کەرڎۍ. ئانۍ گەرەکشابۍ هامکاری و پەشتیوانی کورڎا کەرا، پەدەکەشا پێسە ڕاوەبەرایەتیی کوردی ئشناسابۍ. وەروو ئانەی یاوا بە سەرکەوتەی، بەدروۍ وەراوەروو داعشیوە مرڎێنێوە. مشۊم هەست پانەی کریۊ. سەروو ئا بنەمێوە داواکاریی دادگاییکەرڎەی گرنگا، بەتایبەتی جە ڕاو کۊنفڕانسێوە چانەو گلێرگەی ئێزدیوە.

کەمپینەکەو کەژەکەی یارای زیاتەرش بە ژەنا بەخشا

کەژەکەیچ بەینوو ٣-١٥ ئابینە کەمپینێوەش ئەرەیاونا، بە ئامانجوو پەشتیوانی جە ژەناو شەنگالی و ئەفغانستانی کە دژوو هجوومەکاو پیاسالاری ڕێک وزیا. ئانە بی مایۍ ئانەیە شەنگالیچنە جموجووڵێوە بۍ ئاراوە. زیادتەر یارای بە ژەنا بەخشا. جەڕاسیینە ژەنی سەرمەشقۍ ورچەرخیاینۍ شەنگالنە. وەروو ئانەیە ئی کەمپینەشا کاریگەر کەرد. کەمپینەکەیچ بەرڎەواما،. دماو چنڎ ڕوۍ، ماچا جە ٧ مانگێنە ڕەقانە کۊڕبەندێوە ساز کەرا. بەرنامەشا هەن. ئەفغانستانیچ گرنگا، شەنگالیچ گرنگا.  ڕاسینە هجوومە دەسەلاتوازانەکۍ پیای پەی سەروو ژەنۍ ئانێنۍ. کە گرڎ یاگێوەنە هەنۍ. چاگە بە زۊرەملۍ و بڕۍ یاگێچەنە بە وردی و شاریاوەیی ئەنجامۍ مدریا. بە خەڵەتنای موازیۊ ئانە کریۊ. وەراوەروو ئانەینە گرڎوو مەیدانەکانە کۊشیای ئازاڎیی ژەنۍ هەن. ئارۊنە ئایدۊلۊژیاو ئازاڎیی ژەنۍ، کۊشیای ئازاڎیی ژەنۍ، شۊڕشوو ئازاڎیی ژەنۍ، کە دژوو گرڎ نۊعە فشار و ئەرەگیریێوە دەسەڵاتداری و سیستمی دەوڵەتپارێزنی پەنج هەزار ساڵێن نوێنەرایەتیی ڕزگاریی ژەنۍ کەرۊ و بنەمایەکاو ژیوای ئازاڎی وزۊ وەروو چەما. ڕابەر ئاپۊ ئانەش وست وەروو ورسەنگنای و شرۊڤەی فرە وەرفراوانی. وەڵی گرڎ چێوێوەنە جە وەلیوەلوایەکانە کوردستاننە و هاموەخت فاکتەرە سەرەکییەکاو کۊشیاینە پەی چارەسەروو پەرسەو کوردی و شکستنارڎەی شۊڕشوو ئازاڎیی کوردی، کۊشیای ئازاڎیی ژەنۍ، بەشداربییەی ژەنا شۊڕشنە و خولقنای سەرمەشقایەتیی ژەنا، کۊشیای گرڎوو ئاستەکانە، ئانەیچ فرە گرنگا.

ئانە داعشی کەرد قڕکەرڎەین، ئاخۊم هجووموو ئاکەپەی و مەهەپەی و پەدەکەی چێشا؟

بڕۍ دەوڵەتۍ هەرمانەکۍ داعشیشا شەنگالنە بە کۊکوشی ئشناسا، ئینگلتەرا بە بۊنەو ٣ ی ئابیوە، قڕکەرڎەکەیش ئشناسا، وەڵۍ ئادیچەنە ئەڵمانیا، ماچا ئەمریکا ئەوەڵۊ ئی قەرارشە دان، موچیۊ ١٣ دەوڵەتێنۍ، بڕۍ ماچا ١٦ دەوڵەتێنۍ، ئەم دەوڵەتۍ قڕکردنەکەیشا ئشناسان، چێش کەرا، مشۊم ئینسان سەرنجەو بڕۍ چێوا بدۊ، هجوومەکەو داعشی قڕکەرڎەی بۍ، ڕۊڵەو جڤاکی ئێزدیی کوشێنۍ،دماتەر، ئاکەپە و مەهەپە و پەدەکە درێژە پی هجووما مدا بێمرڎای هجوومۍ کەرا.  ئەگەر هجوومەکەو داعشی قڕکەرڎەی بۊ، ئەی هجووموو ئاکەپەی و مەهەپەی و پەدەکەی چێشا؟ هەر قڕکەرڎەی نییا؟ ئانۍ بە قڕکەرڎەیش مشناسا، ئاخۊم پەشتیوانیی ئیدارەو وێڕاوەبەریی دیموکراتیکوو شەنگالی کەرا و سەقامگیری و بونیادنیای سیستمێوە پارێزریای ڕەخسنا؟ بێجگە چی خاڵە گرنگا تەنیا واتەی"قڕکەرڎەی بەڕسمی مشناسمێ"ی وەسۍ نییا، ڕەنگە خەڵەتنایچبۊ. جە ڕوانگەو منۊ، گەلوو ئێزدیما مشۊم هەستیار بۊ، ئەڵمانیا ئەوەڵۊ گەرەکشا کوردستاننە کۊچ کەرا بەرەو ئەورووپا، جیای ئانەی پەشتیوانیی هۊشیاری و ڕێکوستەی و ئیدارەو وێڕاوەبەریی جڤاکی ئێزدی کەرۊ، کۊششی زیاتەر کەرا تا جڤاکی ئێزدی پەرتەوازەتەر کەرا دلۍ دنیێرە پژگناش، پەوکای مشۊم گەلوو ئێزدیما هەستیارۍ با چی ڕووەوە، پێویسا هۊشیاری و ڕێکوستەی وێشا زیاتەر پەرە پەنە بدا و باوڕ بە هێزی سرووشتیی وێشا بکەران. بێگومان، مشۊم هامپەیمانەکاشا خاس ورچنا مشۊم باوڕ بە ژیوای دیموکراتیکی و ئازاڎیی گەلا بارا و پەیوەندیی دۊسانە و هامپەیمانیشا چەنی بەسا. چونکوم هێزی سرووشتیشا و هامپەیمانێتییشا چەنی گەلا هەڵوێستی سەرەکیین پەی پارێزنای جڤاکی ئێزدی جە قڕکەرڎەی و ئازاڎکەرڎەیشا جە ترسەو قڕکەرڎەی. مەبۊ ئی هێزە جە هیچ یاگێوە تەرنە وینیۊ، پەوکای پەروەرڎە و ڕێکوستەی، هەرمانۍ پەروەرڎەیی و هۊشیارکەرڎەیۊ جە عومروو ٧ پەی ٧٠ ساڵینە گرنگا پەی خەڵکی تا با بە جڤاکێوە ڕێکوزیا و ساعیبوو پارێزنای سرووشتی، چێگەوە، مشۊم هۊشیاری و ڕێکوستەی جە بەرزتەرین ئاستەنە بۊ، هومێدوو سەرکەوتەی پەی جڤاکی کوردیی ئێزدی موازوو.

ڤێتنامییەکۍ ۋەران ۋەر بە یەرۍ دەوڵەتا جەنگشا کەرڎ، کورڎ ۋەران ۋەر بە گرڎو ناتۆی ئینا جەنگەنە

سەرەتا، سڵام کەرو چا مدرامانە قارەمانانەو گەلوو کورڎی بە سەرمەشقی ڕابەر ئاپۆی و پەکەکەی، ئا مدرامانەی ٣٩ ساڵېن بۍ پڕچیای ۋەردەواما. جە ڕاسینە، ئی مدرامانە لایەق بە ستایش کەرڎەیا. وەختو گفتوگۆکەرڎەی سەبارەڎ بە دەسپنەکەرڎەو ئی مدرامانەیە، کۊشیای گەلوو ڤیەتنامی بی بە ڕۆژەڤ. کاریگەریش سەرو گرڎ لایۍ نیارە. وچیۍ، ١٥ ساڵۍ بەبۍ پڕچیای مدرامانشا کەرڎ، دژوو یابانی و فەرەنسی و ئەمریکییەکا جەنگشا کەرڎ. چ گەلێوەن متاۋۊ هێزو مدرامانی گۊرەی بەرز کەرۊوە؟ کورڎەکۍ ٣٩ ساڵېن بۍ پڕچیای مدرامان کەرا. گورزەی گۊرۍ دریېنە جە ڕژێمو فاشیستی سەرو بناغەو جەنگی گەریلایی. ئی جەنگە دژ بە ستەم و قڕکەرڎەی و سەرکوتی و فاشیزمی دەوڵەتو تورکی، تەنیا دژوو دەوڵەتی نییا. ڤیەتنامییەکۍ دژ بە یابانی و فەرەنسای و ئەمریکای جەنگشا کەرڎ، کورڎ ۋەران ۋەر بە گرڎو ناتۆی ئینا جەنگەنە، چونکی ناتۆ جە ساڵەو ١٩٨٥ یۊن جەنگش ئەرەیاۋنان. مانگەی ۋیەرڎۍ، فەرمانڎەیۍ هەماهەنگیشا پێکئارڎ دژوو پەکەکەی و کورڎی. ڕاسی ۋەڵتەریچ بۍ. ئینە ٣٨ ساڵېن درێژەش کێشتەن. ئیسە بە ڕەسمی ئەرەیاۋنانشا. کورڎ دژ بە ئەوەمەنڎەیی جەهانی مدرامان کەرۊ. حەرپاسە کورڎ دژوو زیهنیەتی و سیاسەتی فاشیستی و قڕکەرڎەی و چەوەسیایۊ مدرامان کەرۊ. ئی مدرامانە حەقا وەسف و سەنا کریۊ.

سەرەتا سڵام پۍ ئی مدرامانەیە. ٣٩ ەمین ساڵوەگېڵ و ١٥ و ئابی سەرەتا جە ڕابەر ئاپۆی مبارەک کەرو. جەژنەو گەریلای و ژیۋایۊ ١٥ و ئابی جە گرڎو هامڕایا پارتەکەی و گەلی وڵاڎپارێزی و هامڕایاما مبارەک کەرو. بەتایبەت مبارەک بایی جە هێزەکا یەژاستاری و هەپەگەی و گرڎوو گەریلاکا ڕاو ئازاڎیی کەرو. جە کەسایەتی هەڤاڵا عەگیدی و زیلانېنە، بە ڕێز و پنەزانایۊ یاڎو گرڎو گەشمەرڎا قافڵەو قارەمانێتی ١٥ و ئابی بەرزڕاگېرو.

جە ماوەو ٣٩ ساڵا کۊشیاینە، ژمارەو گەشمەرڎەکاما یاۋا ٥٠ هەزارۍ

ژمارەو گەشمەرڎەکاما یاۋا ٥٠ هەزارۍ. ئی کۊشیا ٣٩ ساڵە، جە وېشۊ پەیڎا نەبیەن. پەنەوازش بە قوربانی بۍ، کورڎ ئی قوربانییەشە بەخشا. پەنەوازش بە قارەمانی و قوربانیدای بۍ، سەرەتا گلېرگەو کورڎی و ژەنا و گەنجا کورڎی ئی قارەمانی و قوربانیدایشا نیشانە دا. قارەمانانە مدرامانشا کەرڎ دژ بە هجومە فاشیستیەکا کە بە پەشتیوانی گرڎوو هێزەکا بەری بەرە و خیانەتی هجومشا کەرڎ. گۊشگیرۍ ڕابەر ئاپۆی بېنۍ و قەناعەتشا بە گەریلای کەرڎ، هیواو ۋېشا بە گەریلای بەست و پەشتیوانیشا ۋنە کەرڎ. ژیۋایۊ کورڎی پی جۆرە بۍ. ١٥ و ئابی ژیۋایۊ تاریخو کورڎین. خەتەو ئاپۆچیش وست جمای.

قەراری گۊرەو مدرامانو زینڎانەکا ساڵەو ١٩٨٢ فاڕیا پۍ ڕێکوستەی و چالاکی. بەڵام بەدەس ئاما و پەرەئەسای پراکتیکییەکا بەشێۋېوە ئەساسی چنی هەنگامەو ١٥ و ئابی و گەریلای چەسپیا. ئیسە جە سایەو ٣٩ ساڵا پەرەسانای دیموکراسی و ئازاڎیی جە کوردسانەنە، مدرامانو گەریلای هەن. هەنگامەو ١٥ و ئابی هەن. کۊشیایۍ گۊرە سەرو ئی بناغەیە ۋەردەواما.

ئەگەر کەسانۍ با گەرەکشابۊ بزانا، ئیسفاڎەو ١٥ و ئابی جە ڕوو تاریخیۊ چېشا و چ ئەنجامێوەش بیەن، متاۋا پی مقارنەیە ئەنجامگیریۍ دەس وزا.

ئەگەر هەنگامەو ١٥ و ئابی نەبیۍ، چېش ڕووە دۍ؟

با ۋیر چانەی کەرمېوە ئەگەر هەنگامەو ١٥ و ئابو ١٩٨٤ نەبیۍ، چېش ڕۋە دۍ، جە کوڎسان، تورکیا، جەهانەنە چېش ڕووە دۍ؟ مشۊم ئینە ۋینیۊ. ڕۊشنما کەرڎۊ، دماو جەنگی جەهانیی یۋەمی، جەهان دەسو فاشیزمیۊ ناڵناش، چونکی سیاسەتو دوژمنایەتی کورڎی جە ئەنقەرە قبووڵکریا. ئەگەر ئی کۊشیا گۊرە دژ بە فاشیزمی نەبیۍ، چېش جە ئەوروپانە پەرە سانۍ، ڕاسیزم یاۋۍ کۊگە، فاشیزم چېش کەرۍ، جەهان چنی بۍ، حیچ ڕۊشن نییا. مەبۊ تەنیا جە گۆشەنیگاو کورڎیوە تەماشەش کەرمۍ. تورکیا دەوڵەتو دروا بۍ. واچېنۍ "گرڎ تورکېنۍ. گرڎ کەسێوە دلۍ ئی سنوورەیە، گرڎ هاموڵاتیېوە تورکیای، تورکېنۍ. کورڎ بیەیش نییا، عەشیرەتێوە تورکینۍ. چەمکو کورڎ بیەی نییا. وەختۍ سەرو ۋەروېرە ملا دەنگو کرتە کرتیشا مۍ و نامېشا نیان کورڎ". ئی ئایدیا غەڵەت و خراپەشا ۋەڵاکەرڎۊ و پرۆپاگەندەی چی جۆرەشا کەرڎ، دەیان و سەڎان کتێبېشا نۋیستۍ. فرېوە سەرەچەرمۍ و بۍ ئەخلاقۍ کە ۋېشا بە پرۆفیسۆر و پسپۆڕ و هونەرمەنڎ مشناسا ئی هەرمانېشا کەرڎە... ئی دروۍ سەرو گەلوو تورکیایرە سەپیا. کۊشیای ١٥ و ئابی ڕاش ڕۆشنە کەرڎۊ، ئایدیاکۍ ڕابەر ئاپۆی بەرکۊتۍ، جەنگی گەریلایی ۋەڵۍ کۊت. مشۊم پی جۆرە تەماشەو گەریلای کریۊ. مەبۊ ۋچیۊ "ئینەیچ جەنگا، پۊکەی دژوو جەنگینۍ". مشۊم ئینسان چی قسە پووچا دوور گنۊوە. چنی دژوو گرڎ جەنگېنۍ؟ جەنگی ستەمکاری هەن، جەنگی سەرد هەن، جەنگی ناداڎپەروەرانە هەن. مدرامان هەن. تەماشەو هجومو داعشی پۍ سەرو شەنگالی. ئی جەنگە مدرامان بۍ دژوو قڕکەرڎەی. گەریلا جەنگش کەرڎ. دژش مرڎۊ و ۋینە چېشت سەر مۍ؟ حیچ چېۋۍ بەنامۍ مرۆڤایەتییوە جە تۆنە مەنۊوە؟ پۊکاتی مشۊم گرڎ کڵاوەکاشا گېرارە و بە عالی ۋیرکەراوە. ڕاسی، کوردسان قەڵاو ئەوەمەنەینە. ۋەڵۍ ٣٩ ساڵانە، ڕژێمی فاشیستی سەروازی جە ١٢ و ئەیلولینە هجومش کەرڎ سەرو گرڎ یاگۍ و ۋاتشا: دلېمانە بەرڎۍ، ئەگەر سەرە بەرزبکەراوە بە نەعلەکاما سەرەشا پان کەرمېوە. قەڵای ئەوەمەنۍ ئیسە بیېنە بە یاگۍ ئازاڎیی و دیموکراسی. بیەن بە یاگۍ کۊشیای ئازاڎیی و دیموکراسی.   

مدرامانو ١٥ و ئابی هەر مژیۋۊ

گرڎ ڕووەکەرانە ئێگە. ئیلهام چی کۊشیایە هۊرگېرا. جە کۊشیای گەلی و کۊشیای ژەنۍ و کۊشیای گەنجو کورڎیۊ ئیلهام هۊرگېرا. ڕابەر ئاپۆ ئی کۊشیا گۊرەشە خوڵقنا. ڕابەر ڕاو ڕزگاریش بە گرڎو چەوەسیاکا نیشانەدا، ڕا غەڵەتەکۍ کۊشیای ئازاڎییش دلېنەبەرڎ، فاڕای پارادایمی سەرنجو گرڎیش کېشت. گرڎ لایۍ ئانەی گەرەکشانە جە فەلسەفە و پارادایم و فکرو ڕابەر ئاپۊیۊ دەسشا گنۊ. پۊکەی گەرەکشانە دەنگش بژنەۋا. جە گرڎ یاگۍ دنیېنە گفتوگۆ سەرو ئایدیاکا ڕابەر ئاپۆی کریۊ. دەوڵەتو فاشیستی تورکی گەرەکش بۍ بە وستەیرەی دیوارەکا ئیمراڵی کاریگەری فکرو ڕابەر ئاپۆی نازۊ. ئیسە ڕابەر ئاپۆ جە کۆڵۆمبیانە باس کریۊ. ڕابەر جە ئەمریکای لاتین و ئەفریقا و ئاسیا و ئەوروپا و گرڎ یاگېوەن. چېگەنە سەرکەوت و دیوارەکۍ ئیمراڵیش ماڕۍ. ئینە بە هێزو ١٥ و ئابی و هێزو کۊشیای پێکئاما. گلېرگەو کورڎی و گەنجا و ژەنا و کرێکارا تورکی و کورڎی کە ڕووبەڕوو گرڎ قڕکەرڎەیۍ بیېنېوە، بیۍ بە خۊتان هوشیاری و ڕێکوستەی و ئیراڎەی گۊرەی. کەس مەتاۋۊ پېسە ۋەڵتەری تەماشەو کورڎی کەرۊ. ئیسە گرڎ ماچا کورڎەکۍ ئیتر کوردۍ ۋەڵتەری نیەنۍ. ئینە گۊرەن، چنی فاڕیا، کۍ فاڕا؟ قەیڎم چېشا؟ تازە چېشا؟ فرېوە ئی فاڕیایە مەوینا. فاڕیای و دەسکۊتەکا مەۋینا. کەچی گەرەکشانە دەسکۊتەکا پۍ ۋېشا بەرا. ئینە دزیین. گەل ۋەردەواما جە کۊشیای. خەتەو ١٥ و ئابی زینڎەن. مدرامانو ١٥ و ئابی زینڎەن، گەریلایەتی زینڎەن. پۊکەی ڕا بە دزی مەڎریۊ.

مدرامانو گەریلای جە گرڎوو کوردسانی ۋەردەواما. بەتایبەت جە هەرێمەکا پارېزنای مەدیای و زاپی و ئاڤاشینی ومەتینای و خواکورکی. گەریلایەتی ١٥ و ئابی مدرامان کەرۊ. پېسە چنی جە ١٥ و ئابی، دژوو فاشیزمی و قڕکەرڎەی بە قارەمانی و فیڎاکارییوە لۋایمۍ ۋەڵۍ، جە بەرزتەرین ئاستەنە درێژە پی قارەمانی و فیداکارییەیە مڎەیمۍ. چی ئاستەنە. بڕۍ ماچا گەریلایەتی دلېنەبەرا. سلێمان سۆیلۆ پاسە واچۍ، گرڎ مانگێوە چېۋۍ واچۍ، بەڵام ئیسە کەس باسش مەکەرۊ. بەڵام گەریلاو کورڎیی ۋەردەواما و جە گرڎ یاگېنە جەنگ کەرا. گەلوو کورڎی مدرامان کەرۊ. ژەنی و گەنجۍ کۊشیا و جە گرڎو جەهانینە فاڕیای خوڵقنا. کوردەکۍ ۋەردەوامېنۍ جە کۊشیای، ئانۍ ۋاچېنۍ دلېشانەبەرمۍ چېشا سەر ئاما، لۋېنۍ و گومۍ بیېنۍ. فرەو ۋەرپەرسا ۋاتشا چنڎین جەنراڵۍ پلەشا چنە سنیاوە. پېچی کەس جە تورکیا چئنەی مەکۊڵۊوە؟ چن حکومەتۍ لۋۍ؟ مشۊم ئینەی ۋینمۍ.

ئارۊ جە زاپ و ئاڤاشین و مەتینانە مدرامان هەن. ڕۆحو ١٥ و ئابی، خەتە و کۊشیای گەریلایی ١٥ و ئابی ۋەردەواما. نەک حەر چی ناوەنڎەنە، بەڵکم جە مێردینۊ تا ئامەد، جە بۆتان تا سەرحەد، تا خەرزان، جەنگ ئینا گرڎ یاگېنە. دەسەڵاتو فاشیستی ئەردۆگانی، پاسەش کەرڎەن گەل نەتاۋا جە یانەکاشانە بەربشا. سلێمان سۆیلۆش دمایی پنە ئارڎ. ئی دژبە یۊیە چېشا؟ چ فێڵ و درۋېوەن. ئەگەر پاسەن، ئیسە ئینا چکۊ؟

گەریلا جە گرڎ یاگېنە مدرامان کەرۊ. بەڵۍ، چنی پەرەئەسای تەکنیکی و پەشتیوانی هێزو بێگانەی و هامکاری خیانەتی هامبەشو کورڎی پەدەکەی، کە گرڎ هامکاریېشا پێشکەش کەرا. گەریلا پېسە نەوەڎەکا جە هەرێمە کەشیەکا سەرنیشتینە مەجوڵیۊوە. شێوازەکە پاسە نییا. ڕۊشن نییا، پېسە یەکەی گۊرەی نییا. فاڕیان. وەختۍ دوژمن ئاستەنگیش خوڵقنا، شێوازو دلېنەبەرڎەو ئاستەنگیەکا پەرەش سانا. گرووپەکۍ پێکئامۍ و لۋۍ چېر زەمین. ئەگەر جە کەشەکانە نەبا، ئینۍ شارەکانە. لۋۍ پارچەکا تەرو کوردسانی. ئیسە زیاتەر جە هەرێمەکانە ۋەڵابیېنۍ. تواناش جە ۋەڵتەری زیاتەرا. ژمارەیچشا جە جارانی فرەتەرا. کاریگەری خەباتەکەیش زیاتەرا. مشۊم گرڎو ئی چېوا ۋینمۍ. جەنگېوە پی جۆرە هەن، گەریلا هەن.

ئی جەنگە ئانڎە ئاسان نییا

دەسەی جابەجېکەرڎەی ئەنجامو مانگەو تەمموزیش ئاشکرا کەرڎ. ئانۍ گەرەکشانە کەمۍ یاۋانە، پەنەوازەن لانی کەم تەماشەو ئەنجامو ۋېشا کەرا. مامەڵەکەرڎەی چنی ئی کەسا بە ۋاتەو "فرەو چېۋیما کەرڎ جە جەنگەنە" ئینە پۍ کەسێوە دیموکراتیکی و ئازاڎی مەگونجیۊ. بەڵام مشۊم پۍ ئانیشاش ڕۊشن کەراوە کە مەیاۋانە. سمە تەماشەو ئەنجامەکەی کەرڎۍ. گەریلا جە مانگېنە، ١٣٠ چالاکیېش ئەنجامدېنۍ. واتە جە ڕۋېنە ٥ چالاکیۍ ئەنجام مڎا. ٧٠_٨٠ ئەرەگیرۍ کوشیېنۍ، ئاڎۍ تاۋاشا دەسنیشانش کەرا. فرە نییا، بەڵام ئەگەر دۋۍ کەسېچ کوشیا، ئینە هەر جەنگا. مەبۊ بە ژمارە پیمیۊ. ٧ گەشمەرڎۍ بېنۍ. پۊکەی جەنگەکە ئاسان نییا. ٦ بۊمبۍ ئەتۆمیۍ تاکتیکی بەکارئامېنۍ. مەزانو چن جارۍ چەکی کیماۋیی و قەدەغەکریا بەکارئامان. هەزاران جارۍ بە فڕۆکە و تانک و تۆپ هجومشا کەرڎەن. گەریلا دژشا مدرامان کەرۊ. ۋاتما جە ڕېخۊ لەرزنمېشا، بڕۍ واچېنۍ مەبەسشا چېشا. ڕاسی ئاژەکەی پا جۆرەنە. ئەرەگیرەکۍ واوەی گەرەکشابۍ چن یاگۍ ئەرەگیر کەرا. وەختۍ هەنگامۍ منیۊ، گورزێوەش ۋەرگنۊ. بەڵام بڕۍ گۊش مەگېرا، بڕۍ مەیا ۋانە. پۊکەی پەنەوازەن جار دماو جاری ئی ڕاسیۍ واوەی کریاوە، ناچارېنمۍ شرۆڤەش کەرمۍ.

گەریلۍ هەپەگەی و یەژاستاری هێزوو ۋېشا بەروزا

جە ئاکامەنە، فەرمانڎە و جەنگەوانۍ گەریلۍ هەپەگەی و یەژاستاری نوێنەرایەتی ڕۆحو سەرکۊتەی هەنگامەو ١٥ و ئابی کەرا و پەرەش پنە مڎا. ئاڎۍ سەرو خەتەو سەرکۊتەی ۋەردەوامېنۍ. خەتەو فیداکاری گرڎوو هجوم و ئۆپەراسیۆنەکا قڕکەرڎەیش پووچۍ کەرڎېۋە. چن جارۍ ئی ئۆپەراسیۆنۍ ڕۋەشادا؟ جە سەرنیشتو و پانیشتوو کوردسانی ڕۋەشدا. سەڎان و هەزاران و دەیان هەزار جارۍ ئەنجامشا دا. گەریلا گرڎش پووچۍ کەرڎۍ، هێزو ۋېش نیشانەدا.

پەنەوازەن گرڎ ئانەی قبووڵ کەرا، ئاڎۍ نەتاۋانشا ٢٠٠_٢٥٠ گەریلایا دلېنەبەرا کە هۊرئېستۍ بە هەنگامەو ١٥ و ئابی، ئیسە دماو ٣٩ ساڵا، گەریلا زیاتەر پەرەش ئەسا و جە گرڎ یاگېنە ۋەڵابیۊ، کەواتە ئا قسۍ کە ماچا دلېشانە بەرمۍ  واقیعیە نییەنە. وەختۍ پاسە ماچا، کەس باوەڕشا پنە مەکەرۊ. ئینە ئاژەی ڕاسەقینەن. سەرو ئی بناغەیە، سڵام جە مدرامانو گەریلای کەرو جە گرڎ بوارێنە. واوەی جە ١٥ و ئابینە، مبارەک بایی جە فەرمانڎە و گەریلاکا هەپەگەی و یەژاستاری کەرو. ئاڎۍ سەختەرین ئەرکو ئازاڎیی و پەرەسانای دیموکراسی ڕاۋەبەر کەرا کە تەئسیر کەرۊ سەرو مرۆڤایەتی و جە گرڎوو جەهانینە ۋەڵابۊوە. ئاڎۍ نوێنەرایەتی گەشمەرڎەبیەی کەرا. ئارۊ ئشناسنامەو گەشمەرڎا، ڕۆژهاتی و ڕۆژدای و شۆڕشی ئاشکرا کریا. جە کەسایەتی ئی هەڤاڵانە، یاڎو گرڎو گەشمەرڎا کەروە کە دژ بە هجومو فاشیزمی ئاکەپە و مەهەپەی جە زاپ و ئاڤاشین و مەتینا و خواکوڕک و گارزان و لجێ و باکوک جەنگشا کەرڎ  و گەشمەرڎۍ بیۍ.

چېش ۋچیۊ سەرو ٤٠ ساڵا؟ ژمارە ٤٠، ژمارېوە گرنگا جە ئەخلاقو گلېرگەیمانە. قۆناغێوە گرنگا. عمری ٤٠ ساڵی جە ژیۋای ئینسانینە ماناو فاڕیای و دەسکۊتەی هۆشیاری و هێزین. پارتەکەما و گەلوو کوڎی و تەڤگەرو ژەنا و گەنجا پی هێز و هۆشیاریۊ تێکەڵ پی یاڎە یە با. ئەگەر باس چانەی نەکریۊ چېش ڕۋەمڎۊ، مەتاومۍ دەسنیشانش کەرمۍ. ئا وەختە ئیدارەو ئەردۆگانی فاشیستی و هامپەیمانی کۆماری دەسنیشانش کەرا، هجوم کەرا و زیاتەرش کەرا و حۊڵی زیاتەر مڎا. سلێمان سۆیلۆ لۋا، سلێمان سۆیلۆیۍ تازە ئاما. هەمان بانگەشە و قسۍ کەراوە. هجوم کەرا. کۊشیای ۋەردەوام بۊ. ئەگەر هجوم ۋەردەوام بۊ، مدرامانیچ ۋەردەوام بۊ. مدرامان پەرەمسانۊ و تەشەنە کەرۊ. چلەمین ساڵ، ساڵەو کۊشیای گۊرەتەر بۊ. کۊشیای بە ٣٩ ساڵو قوربانیدای بەقوەتتەر بۊ. چلەمین ساڵ پەرەسانای گۊرە بە ۋېشۊ ۋینۊ. پەرەسانای سەروازی و سیاسی. مشۊم بە هومېڎۊ جە مەسەلەکۍ نزیک باوە. پەنەوازەن گرڎ بە باوەڕ و هومېڎۊ رووەکەرا کۊشیای. سەرو ئی بناغەیە، هیواو سەرکۊتەی پۍ گرڎو ئانیشا وازو پەی ئازاڎیی و دیموکراسی کۊشیا.