کتیٛبو کانگاو ڕازاو هەورامانی جە ئامادەکەردەی و بەرویری ماموٙسا مەلا موٙمن هەجیجی کە بەرهەمو زیاتەر جە چوار ساڵان گیٛڵوای و کوٙشای نامبریایهن، چاپ و پەخش بییەوە.
نامبریا جەدمای مانیای فرەی سەرئەنجام تاواش ٧٢ ڕازیٛ هەورامانی گلیٛریٛ بکەروٙنوە و بە چاپشان بیاونوٙ و بە ئی جۆرە جە فوٙتییای بپاریٛزنوٙشان، ماموٙسا مەلا موٙمن هەجیجی باسش جە ئانەی کەردەن: سەدان ڕازێ تەر دلیٛ سینەو کەسە پیرەکامانە فوٙتیێنیٛ و کەس نەبی گلیٛریٛشا بکەروٙنوە. ئی کتیٛبە ٤٥٠ پەلیٛن بە قەوارەی وەزیری وزیان وەرو دەسی.