عەدنان کاراکاشی عمر ٦٣ ساڵ کە جە ساڵەو ١٩٩٣ یوە جە مەنتیقەو نسېبین و مېردینی گیریابۍ جە داڎگاو ئاسایش و دەوڵەتو ترکینە جە ئامەڎ سزاو زینڎانی هەتاهەتایش سەرەرە سەپیابۍ، دماو ٣٠ ساڵا جە گېرتەیش هېزی جە زینڎانو جۊرو ئېفی چنی موسا شاناکی و محەمەڎ ئیناکی ئازاڎ کریا.

کاراکاش بەقافڵەو ترۊمبېلەکا  کە جە ئەنڎاما فیدراسیۊنی جەمەکا پەشتیوانی یاسایی جە زینڎانیا وسزادریایا مەد(مەد-توهایدەر)ی، ئەنجومەنو ئەڎایا ئاشتی، ڕاوەبەرا هەدەپەی، دەبەپەی، پارتو چەپی سەوزی و خزمو کەسو کارو ۋېش پېکئامابۍ ، گېڵاوە پۍ مەنتیقەو نسېبینی.

کاراکاش لۋاوە پۍ یانەو خزم و کەسەکاش جە کۊڵانەو سەلاحەدینی ئەیوبی و چا جە لایەن و جەماوەریۊ بە چەپڵۍ و هەلهەلە پېشوازیش ۋنەکریا.

عەدنان کاراکاش کە ٣٠ ساڵېن گیریان توشو نەوەشی سەرەتان و پۊسی وڕۊماتیزمی بیەن.

هـ . س