کۆنسەی گردینوو کەبەدەهەی بە بۆنەو ٨ ئاداری ڕۆو جیهانیی ژەنە کرێکارا، داواش کەردە دژوو فاشیزمی و پیاسالاری سەرەوردای گەورە کریۆ و واتش: "ئینە جەنگوو ئێمەن؛ ئێمە ڕیزەکاو وەڵێوە بیمێ و جەنگوو ئازادیی قەوەتتەر کەرمێ".
کۆنسەی گردینوو تەڤگەری شۆڕشگێڵنیی دیموکراتیکوو ژەنا (کەبەدەکە) ئەرەیاوناێوەش وەڵا کەردۆ و داواش جە گردلاێوە کەردە دژوو چەوسیایۆ ڕەنی و جەستەی، سیاسەتوو دوژمنایەتیی ژەنا، ئەرەگیرکاری و هەژاری و فاشیزم و سەرمایەداری ئەرەپڕا.
کەبەدەهە ئاماژە کەرۆ بە تاریخوو ٨ ئاداری، چەنی سیستمی ونوەری سەرمایەداری چا ڕووەنە نیوۆرکنە دژوو مدرامانوو ژەنە مانگێرتا مرداوە و دڕندانە ١٢٩ ژەنێ کوشیێنێ، هەرپاسە سڵام چا ژەنا کەرۆ کە مدرامانوو ژەناشا یاونا ئارۆی و ئا ژەنێچە ئارۆنە پەی ئازادیی وێشا کۆشیا.
هەرپاسە تیشکە وزۆ سەروو سەرەوردای ژەنا جیهاننە و بەتایبەت وەرکەوت وسەرنیشتوو کوردستانینە، هەرپاسە ئاماژە کەرۆ بە ئامانجگێرتەی ژەنە سەرمەشقاو کوردی لاو دەسەڵاتی فاشیستوو تورکیوە، ماچۆ: "بەڵام تەڤگەروو ژەنا وەراوەروو سیاسەتی دوژمنایەتیی ژناوە پاشەکشێ مەکەرۆ، بەپێچەوانەوە بەپاگێرتەیرەوە جە گرد مەیدانێوەنە بەردەواما جە مدرامانی، ئینەیچ بییەن هومێدوو گردوو کۆشیایە جڤاکییەکا. ئی هەڵوێسەو تەڤگەروو ژەنا بییەن بە تەرسەی حەرە گەورێ دەوڵەتی پیاسالاری".
حەرپاسە داوا وەنەو ژەنا کەرۆ کە کۆشیای گەورەتەر کەرا دژوو سیستمی سەرمایەداری پیاسالاری و ماچۆ: "٨ ی ئاداری پەی ژەناو تورکیای و سەرنیشتوو کوردستانی داراو گرنگییێوە تایبەتین، چونکوم تەڤگەروو کەبەدەهەیما جە ٨ وو ئاداروو ٢٠١٧ ئەرەمەرزیا. ٧ ساڵی ویەردەنە، سەرەڕاو گردوو کەموکوڕی و کەمتەرخەمی و هجوومەکا، تاواما کۆشیاێوە گرنگ و چالاک دژوو سیستمی فاشیستی و پیاسالاری ڕابەرایەتی کەرمێ".
هەرپاسە ماچۆ : "داوا وەنەو گردوو ژەنا و شناسنامە ڕەگەزییە بندەسەکا کەرمێ، بە بۆنەو ٨ ئاداریوە دژوو چەوسنایۆ ڕەنج و جەستەی، سیاسەتوو دوژمنایەتیی ژەنا، ئەرەگیرکاری و هەژاری و فاشیزم و سەرمایەداری ئەرەپڕا. مشۆم بزانمی دەسەڵاتی فاشیستی پیاسالار، پێویسا تێکەڵوو ڕیزەکاو گەریلای و جەنگاوەرا بیمێ، ئانە ڕزگارما کەرۆ قەوەتکەردەی خەتەو کۆشیای ڕێکوزیا و جەنگی. ئینە جەنگوو ئێمەن، ئێمە ئینایمێ ڕیزەکاو وەڵێوە جەنگوو ئازادی قەوەتتەر کەرمێ".
