کوردستانەنە ئەوەڵۆ تا ئیساتێ دووێ خەتێ خیانەتی و قارەمانی هامتەریبێ یۆی بیێنێ، دوێ ڕۆژمارێ کوردستانەنە بیێنێ. یۆشا ڕوە پەر جە شانازی و سەروەری و قارەمانییەکێش تۆمارێ کەردێنی. ئەوی تەرشا مۆرەی سیاوەو ناپاکییش وەنەو ڕوەکا دێنە.

مانگەو گوڵانی مانگەو گەشمەردانە و ڕوێوە ئی مانگێ نییا گەشمەردێ گەورێ پێشکەش بە دۆزوو ئازادی و دیموکراسی نەکریێبا. سەیرا چی مانگێنە خەتەو خیانەتیچ مۆرەی سیاوە وەنەو چندین پەڕاو ڕۆژمارەکەی دریان.

١٥و گوڵانی، یادوو تیرۆرکەردەی سەرکردەی دیاروو وەرکەوتوو کوردستانی سلێمانی موعینییا. کە دماو ئڕفانای و ئەشکەنجەدای و گەشمەردەکەردەیش لاو پەدەکەیوە جەنازەکەش بە ساواکی دریاوە.

١٦و ئایاریچ یادوو کۆکوشکەردەی دەیان ڕۆنامەنویس، هونەرمەند، شۆڕشگێڵن و کەمئەندامان وەڵێ ٢٧ ساڵانە سەروو دەسوو پەدەکەی و میتی کە هەولێرنە گەشمەردێ کریێ و تا ئێساتێچ قەبرەکێشا نەزانیێنێ.

پەدەکە پێسەو ئانەیە گەرەکش بییەبۆ پەلێوی تەروو ڕۆژماروو ئی مانگێ بە خیانەتەکاش زیاتەر چەپەڵ بکەرۆ، ڕۆو ١٤و مانگێ ڕاو ڕۆنامەو بە نام "خەبات"ی زوانحاڵیشۆ لاپەلێوی تەرش بە ڕۆژماری قایموو خیانەت و ناپاکییەکاش زیاد کەرد.

بەڵێ ١٤و ئایاری.. ڕێک هەمان ئا ڕوەنە کە سیاسەتمەداراو کوردی چوارچوەو دۆزوو کۆبانێنە سزای قورسە دریێنێ.. ڕێک هەمان ئا ڕوەنە وەزیروو بەروو تورکی و سەرچەتەی وەڵینو میتی هاکان فیدان هەڕەشێ وەنەو سلێمانیی کەرێ. هەمان ڕۆ لاپەلەو یوەموو ڕۆنامە فەرمییەکەو پەدەکەینە سەری سەرۆ، هانەو دەوڵەتوو تورکی دریێنە هجووم بکەرۆ سەروو سلێمانی.

پەدەکە ئەگەر دروێ و خیانەت و ساختەکاری جەن بسانیوە هیچ ئاسەوارش تاریخەنە نمەمەنۆوە، بە بانگەشەو ئانەیە "سلێمانیینە گرووپێوی چەکدار وەشێ مکریانێ و مکیانیانێ قەندیل و وەرنیشت" هەوڵێ مدۆ دەوڵەتوو تورکی بەرەو هجووم پەی سەروو سلێمانیی پەلکێش بکەرۆ.

جیا جە کرێگێرتەیی و چەمساقیی هەمیشەیی پەدەکەی پەی دەوڵەتوو تورکی، ئانە پەشتەو ئی هەوڵاو پەدەکەیوە موینیۆ، درێژەو یاوولەرزوو ئا حزبەینە جە کەردەی ورچنیەێوە بێساختەکاریینە، کە مزانۆ باڵۆنی فووکریانەش پڕۆسێوی دیموکراتی و یەکسانی ورچنیەینە فشەڵ مبۆوە و قەبارەی هەقەتینش بەرمگنۆ.

پەدەکە پێسەو فرەو جارای تەری سەلەمنانش کەی دەسەڵاتش بگنۆنە تەرسییوە، ئامادەو گرد جۆرە خیانەتێ و دەستتێکەڵکەردەێوە چەنی دوژمنا و نەیاراو گەلەکەیما هەن.

پەوکای ئیسەیچ بە چەمساقیکەردەی و پەلکێشکەردەی دەوڵەتوو تورکی پەی وەرفراوانکەردەی هجوومە داگیرکارییەکاش گەرەکشا، بە بەهاو متەی ونەو هاموەڵاتا و داگیرکەردەی کوردستانی وێش چا شکستە چەمەڕوانکریایە بدزۆوە.

دیمێوی تەروو ئی ئەم جۆرە هەوڵا و کۆدوو پەشتەو ئا لاپەلە سیاوەو "خەبات"وو پەدەکەی،وەشکەردەی فشارییا سەروو یەنەکەی تابارۆش چێرو بارو خەتەو دەوڵەتوو تورکیوە.

پەدەکە فرە خاس مزانۆ، کە دلێ خەڵکینە پێسەو خیانەتی و ناپاکییگەورەی پێناسە مکریۆنێ، تا باری قورسوو ئاخیانەتەیە کەم بکەرۆوە، هەوڵێ مدۆ لایەنەکای تەری، بەتایبەتی یەنەکە و حکومەتوو بەغدایچ پەلکێشوو ئا ئا ناپاکیاشە بکەرۆ.

بەڵام ئاخۆ حیچ لایەنێو پێسەو پەدەکەی هەن، کە بێ سڵکەردەیوە گرد خیانەتێو بکەرا؟ ئینە ئەسەما و گەلیچ بە جۆرێو هۆشیارێنێ کە جە هیچ لایەنێوە قبووڵ نمەکرانێو و دماجار خەتەو خیانەتی بە تەنیا ممەنۆوە و "خەبات"ـەکەیشا بە بێزیاتەرین حەرفەکا تاریخەنە تۆمار مکەرانێ.