ئیدارەو وێڕاوەبەری دیموکراتیکی شەنگالنە و تاژۍ، پەنج شەممە، ئەرەیاونیاێوە هامبەششا وەرڎەموو بەرەو "پارکوو ڕابەر ئاپۊ"ینە واناوە.

هامسەرۊکوو مەجلیسوو ئیدارەو وێڕاوەبەریی دیموکراتیکی شەنگالنە، نایف شەمۊ، واتش: "بەتنڎی هجوومە دڕندانە و نائەخلاقییەکەو سەروو وەرنیشتی و سەرمەشقەکاما شەرمەزار کەرمۍ، سەبەبی سەرەکی پەی هەسکەرڎەیۊ هجوومەکاو سەروو وەرنیشتی، هەوڵێنۍ پەی ڕاگێریکەرڎەی جە داڎگایکەرڎەی چەتەکاو داعشی، ئێمە ئینایمۍ چەنی گەلوو وەرنیشتی".

شەمۊ واتیچش: "پەنەوازا دوژمن خاس بزانۊ، مەتاوۊ پی هجووما ئامانجەکاش پێکۊ، ئی فکرە بە ئیراڎەی ئازاڎ بەرهەم ئامان، هیچ هێزێوە مەتاوۊ دلێشنە بەرۊ".

ڕەیحان هەجۊوە بە نامۍ تاژێ-وە واچێوەش پێشکەشە کەرڎە و واتش: "جە کەسێتیی یوسرۍ و ڕەیحانێنە، بە ڕێز و سوپاسۊ یادوو گرڎوو گەشمەرڎا کەرمێوە، ئامانجوو ئی هجووما پەی سەروو سەرمەشقەکاما وەرنیشتنە و شەنگالنە، پاکتاوو گەلوو کورڎی و ئێزدییان".

ئینجا ڕەیحان هەجۊوە واتیچش: "گرڎ ڕووۍ هجوومە دڕندانەکی سەرەمڕێنۍ، گرڎما ئینەیە زانمۍ، ئامانجوو ئەرەگیرا چی هجوومانە ڕاگێرتەین جە داڎگاییکەرڎەی چەتەکاو داعشی، چونکوم هەروەخت ئی چەتۍ داڎگایۍ کریۍ، ڕووەی هەقەتینەو دەوڵەتوو تورکی دووبارە بەرەگنۊوە".

س.ز