خۆشناڤ عه‌تا كه دۋۍ برازېش جەئاکامو هجومەکا ده‌وڵه‌تو توركینە به‌چه‌كی كیمیاۋیی گەشمەرڎۍ بیۍ، ماوه‌و ساڵێوەن ۋەردەمو ڕێكوزیاو قه‌ڎه‌غه‌كەرڎەی چه‌كی كیمیاۋیینە چالاكی ئه‌نجام مڎۊ. جە یۋەمین ساڵیاڎو چالاكییه‌كه‌یشەنە كۆنگرېۋە ڕۊنامه‌نۋیسی سازکەرۊ.
قەرارا ڕۊو ٢٨و ته‌مووزی بۊنەو یۋەمین ساڵیاڎو چالاكییه‌كه‌یۊ ،خۆشناڤ عه‌تا وەردەمو ڕێكوزیاو قه‌ڎه‌غه‌كەرڎەی چه‌كی كیمیاۋیی (ئۆ پی سی ده‌بڵیو)ینە كۆنگرېۋە ڕۊنامه‌نۋیسی ساز کەرۊ.
جە گلېرۊبیەکەینە نوێنه‌رۍ ڕێكوزیا كورڎییه‌كا ئاماڎۍ با و چنەشەنە سه‌باره‌ڎ پانەی پۍ چی ڕێكوزیاو قه‌ڎه‌غه‌كەرڎەی چه‌كی كیمیاۋیی ئەوەکۊڵیای سەرو هجومەکا ده‌وڵه‌تو توركی به چه‌كی كیمیاۋیی مەکەرۊ؟، ئەرەیاۋنای دریۊ.
عه‌تا زیاڎ جە ساڵێۋەن جە لاهای ۋەردەمو ڕێكوزیاو قه‌ڎه‌غه‌كەرڎەی چه‌كی كیمیاۋیینە چالاكی ئه‌نجام مڎۊ و حەتا ئیسە جەلایەنو حیچ ۋه‌رپەرسێوە ئا ڕێكوزیایۊ جواب نه‌ڎریانۊ.
ساڵەو ٢٠٢٢ ڕێكوزیاو قه‌ڎه‌غه‌کەرڎەی چه‌كی كیمیاۋیی سەرو هه‌ژمارو ۋېشۊ جە تویته‌رەنە په‌یامێوەش ۋەڵاکەرڎۊ و چنەشەنە ئەرەیاۋنابېش، پۍ ئانەی ده‌سکریۊ به ئەوەکۊڵیای جە تۆمه‌ته‌كا به‌كارئارڎەی چه‌كی كیمیاۋیی، مشۊم ۋڵاتا ئه‌نڎامی داوا کەرا.
ۋەران ۋەر پا پەیامیە خۆشناڤ عه‌تا ئەرەیاۋناش، ئێمه‌ی كورڎ ٥٠ ملۋېن كه‌سېنمۍ و ده‌وڵه‌تما نییا. ئایا ئا كه‌سۍ کە ده‌وڵه‌تشا نییا، مافیچشا نییا؟ توركیا ئیمزاش سەرو قەرارو قه‌ڎه‌غه‌كەرڎەی به‌كارئارڎەی چه‌كی كیمیاۋیی کەرڎەن، به‌ڵام وەختۍ پەرسه‌كه په‌یوه‌س بۊ پا كه‌ساوە كه ده‌وڵه‌تشا نییا، ئی قەرارە جابە‌جۍ مەکریۊ.
هـ . ش
