کەجەدەک-ئە، بەیاننامەکەشنە پاسە باس مکەرۆ: "ئێمە سیستموو گۆشەگیری و ئەشکەنجەو ئیمرالی، کە ٢٦ ساڵێن بە بەردەوامی مکریۆ قبووڵش نمەکەرمێ، داوا وەنەو گەلەکەیما مکەرمێ گرد یاگێوە خاوەنداریی وەنەو ڕابەر ئاپۆی بکەرا."

'بەحیچ شێویوی زانیاری ئیمرالییوە ورنمەگیریۆ'

"ڕابەر ئاپۆ ماوەو ٢٦ ساڵان سیستموو گۆشەگیری و ئەشکەنجەو ئیمرالینە مەنەنۆ. بنەیانە و پارێزنەرێش بە هیچ شێوێوی ڕاشا پنە نمەدریۆ دیدارش چنی بکەرا. ماوەو چوار ساڵان هیچ زانیاریێو سەروو ژیوایش نیارێ. پەیوەندییەکێش چەنی بەری تەمام پڕچیێنێ و ڕا نمەدریۆنێ هیچ زانیاریێو سەروو تەندروسی و ژیوایش بۆ. تانە و داواکاریی پارێزنەرا وەڵام نمەدریۆوە و سەپنای سزاو دیسیپلینی پێسەو بەهانێ نیشانە مدریۆنێ. ئی ڕێباز و هۆکارێ بە شێوی سیستماتیک ساڵەو ٢٠٢١-٢٠٢٤ بەکارێ مەیانێ، هەر جارە و ٣ مانگێ سزاو دیسپلینی مسەپنانێ. 

دمایین جار بەپاو زانیاریی پارێزنەرەکا، ٣ ئایارینە قەرارو قەدەغەکەردەی تازەو دیداروو پارێزنەرا پەی  بۆ ماوەو ٦ مانگای تەری سەپنییا. پێسە ماوەو ٨ ساڵی ویەردەینە لاو کەمیوە ١٣ جارێ دیداروو پارێزنەرا وەنەو  ڕابەر ئاپۆی قەدەغە کریان.

بە ملوێنان کەسێ ڕابەر ئاپۆی بە نوێنەری سیاسی ڕەواو وێشا مزانانێ. ڕابەر ئاپۆ ماوەو ٣٨ مانگان  زیندانوو دورگەو ئیمرالیینە دەوڵەتوو کۆکوشوو تورکی چێروو سەختتەرین بارودۆخینە گێرتەن، هەرپاسە پی گۆشەگیرییە نائینسانانەیە ڕا نمەدریۆ پەیوەندییش چەنی جیهانوو بەری و بەتایبەت پارێزنەر و بنەیاکەیش بۆ. هاموەخت ڕا نمەدریۆ هیچ زانیاریێو جە ڕابەر ئاپۆی زیندانوو ئیمرالییوە بێ بەرۆ، داوا مکریۆ ڕا جە بەردەوامبییەی ئی دۆخەیە بگیریۆ.

ئیمرالی، دوورگەو ئەشکەنجەدای میاندەوڵەتییا، زیندانوو گۆشەگیری و ئەرەبڕیەی ڕەهایا. ڕابەر ئاپۆ، کە ئیساتێ ٧٥ ساڵێن، ماوەو ٢٦ ساڵان ئینا قورستەرین بارودۆخەنە بە گۆشەگیریێوی دڕندانە ئەشکەنجە مدریۆنێ. پا نۆعە ماوەو ٣٨ مانگی ویەردەینە هیچ زانیاریێو سەروو تەندروسی و ژیوایش نییارێ، دووروستەیوە وئەرەبڕیاێوی هەس ئینا ئارانە. 

'گەلوو کوردی  ئیتر سەبرشا نەمەنەن'

گەلوو کوردی جە  بەرزتەرین ئاستنە گومانیشا پەی وەشە بیێنە و سەبرشا نەمەنەن. ملوێنان کەسێ گەرەکشانە ئی سیستموو ئەشکەنجە و گۆشەگیرییە دماییش پەنە بێ. سی پی تی کە چی ناڕۆشنییەینە و بە بێدەنگی بەشدارا، مافوو ئانەیشە هەن کە گردوو زیندانەکاو وەڵاتە هامپەیمانا بە تورکیایچوە بوشکنۆ. هەرپاسە متاوۆ شاندی پسپۆڕوو وێش  بکیانۆ پەی ئیمرالی. داوا وەنەو سی پی تی مکەرمێ بەبێ هیچ بەهانێوە بلۆ ئیمرالی و دەمودەس بارەو بارودۆخوو ڕابەر ئاپۆیوە زانیارییەکاش وەڵا بکەرۆوە.

دیسان داوا وەنەو ئەنجوومەنوو ئەورووپای مکەرمێ دەمودەس هەوڵێ بدانێ. مشۆم مافەکاو ئینسانی و بەهرەمەندبییەی جە ئازادییە بنەڕەتییەکا، کە جە ماددەو ٣ێ یاسای یۆبییەی ئەورووپاینە ئامان، بیاونیا یاگێ. ڕابەر ئاپۆ جە گردوو مافەکاو ئینسانی بێبەش کریان. ماوەو ٣٨ مانگان نە بنەیانە و نە پارێزنەرەکێش نەتاوانشا بویناش. پێویسا شاندێو پەی ئیمرالی بکیانییۆ و بویناش و زانیاریی ڕۆشن سەروو بارودۆخی تەندروسییش و ژیوایش پەی ڕای گردینی وەڵا بکریۆوە.

پێویسا سی پی تی و ئەنجومەنوو ئەوروپای بە هەڵوێسوو بێدەنگانەو ۋێشا کە خزمەت بە کۆمکوشی کوردی مکەرۆ دوور بگێرۆ و گۊش بە دەنگ وداواو ملیۆنان کوردا بڎا.

'با بە ڕۆحی سەفەربەرییوە خاوەنداری جە ڕابەر ئاپۆی بکەرمۍ'

ئێمە مزانمۍ ئی پیلانگێڵنییە دژوو ڕابەر ئاپۆی میان دەوڵەتییا. هێزە میان دەوڵەتییەکۍ هەر جە سەرەتاوە پلانمجۍ و جابەجێکارۍ ئی سیستەمەیە بێنۍ  و بە هەڵوێسەکاشا جە بەردەوامیی سیستموو ئیمرالینە بەشدارێنۍ. دەوڵەتوو تورکی جەنگی کۆمکوشی دژوو گەلو کوردی بەرۆڕاوە، خزمەت بە مەسڵەحەتوو زلهێزە میان دەوڵەتییەکا مکەرۆ. پەی ئانەی تورکیای جە سیاسەتوو مەسڵەحەتەکاشانە جە ۋەرکەوتوو دلێڕاسەینە بەکار بارا، گەلوو کوردی مکەرا بە قوربانی.

ئێمە پېسە کەجەدەکە-ئەی، داوا جە گرڎ کەسۍ مکەرمۍ دژوو تاوانە نامرۆڤانەکاو دەوڵەتوو تورکی کە جە ڕاو سزای  دیسپلینیوە جە ئیمرالینە ئەنجام مڎریا، بە ڕۆحی سەفەربەرییوە ڕووەبکەرا مێڎانەکا و خاوەنداری جە ڕابەر ئاپۆی بکەرا."