کەجەدەکە-ئە، هجومەکۍ ئی دماییەو دەوڵەتو تورکی پۍ سەرو هاموڵاتیا مەڎەنی و سروشتو کورڎسانی شەرمەسار کەرڎو ئەرەیاۋناش، "ئەرەگیری و هجومو بۊمبۋاران و دەوڵەتو تورکی مەتاۋۊ شکس بە گەلو کورڎی بارۊ".
کۊنگرەو گلېرگەی دیموکراتیکی کورڎی جە ئۊروپا(کەجەدەکە-ئە)، ئەرەیاۋنېۋەش جەبارەو هجومەکا دەوڵەتو تورکی پۍ سەرو هاموڵاتیا مەڎەنی و سروشتو و کورڎسانی ۋەڵاکەرڎۊ، کە چنەشەنە ئامان، "جە ماوەی ۋیەرڎەنە دۊڵەتو تورکی هجومەکۍ دۊڵەتو تورکی پۍ سەرو هاموڵاتیا مەڎەنی جە پانیشتوو کورڎسانی زیاڎشا کەرڎەن، کە ئامانجو ئی هجوما کۊچبەرکەرڎەی گەلو کورڎی و چۊڵکەرڎەی پانیشتوو کورڎسانیا".
کەجەدەکە-ئە ئاماژەش پۍ ئانەیچ کەرڎەن، دەوڵەتو تورکی پا ئامانجەی سەروەری خاکو عېراقی پاشېل کەرۊ، هاموڵاتیا مەڎەنی کۊکوش کەرۊ. تەنیا جە مانگەی ۋیەرڎېنە، ٥ کەرەتۍ هجوم کریان سەرو هاموڵاتیا مەڎەنی. ۋەرو چەما جەهانیۊ کۊکوشیش کەرڎ حکومەتەکۍ عېراقی و پانیشتوو کورڎسانی بېدەنگېنۍ و چەمېشا سەرو ئا کۊکوشیانە قوجنېنۍ. پی بېدەنگیە هجومە ئەرەگیریەکا قبوڵ کەرا.
جە درېژەو ئەرەیاۋناکەینە ئامان، ئی کۊکوشیۍ تورکی هەڕەشېنۍ پۍ سەرو ئارامی و ئاشایسو مەنتیقەکەی. حەتا دمایی بە ئەرەگیری دەوڵەتو تورکی جە مەنتیقەکەنە نۍ، ئاشتی و ئارامی مسۊگەر مەبۊ. پۍ دلېنەبەرڎەی هجو م کەرۊ سەرو جوگرافیاو گەلو کورڎی. دەوڵەتو تورکی مەتاۋۊ بە ئەرەگیری، هجومو بۊمبۋاران شکس بە گەلو کورڎی بارۊ.
کەجەدەکە-ئە جە دمادمایی ئەرەیاۋناکەیشەنە، داواش جە گرڎ لایۍ کەرڎ، ۋەران ۋەر بە هجومەکا سەرو گەلو کورڎی و جوگرافیا و کورڎسانی هوشیارۍ با، ۋاتیچش،"پەنەوازەن جە وڵاتانە دیبلۊماسیۍ بەقوەت ڕاوەبەر کریۊ و ئەرەگیریەکۍ دەوڵەتو تورکی ئاشکرا کریا".
هـ . ش
