کەجەدەکە-ئە چېرو نامونیشان و"پەدەکە دژ بە کۊشیای ئازاڎیی شان بەشان و دەوڵەتو ترکی مرڎان'' ئەرەیاۋنېوەش ۋەڵاکەرڎۊ و چنەشەنە سەرنجش وست سەرو دماین قسەکا عەلی عەونی.

کەجەدەکە-ئە ئەرەیاۋناش، یۊ چا ۋەرپەرسا پەدەکەی عەلی عەونی کە پارتەکەش خەتەو خیانەتیش گېرتەن ۋەر و بە حەق نیشانەش مڎۊ  و جە ئەرەیاۋناکەنە چا بارۊ ئامان:"پەدەکە کە حیچ پەیوەنڎیېوەش بە دۊزوو گەلو کورڎی و کورڎسانیۊ نەمەنەن، چارەنۋیسوو گرڎ چېوۍ ۋېش بەستەنۊ دەوڵەتو ترکیوە، مشۊم شۊنەو سیاسەتەکا دوژمنی نەگنۊ. پەدەکە کە تەنیا خجڵ و کۊکەرڎەیۊ سەروەت و سامانین، بۊنەو عەشرەتەکەیشۊ تجارەت بە گرڎوو بەهاکا گەلەکەیشۊ کەرۊ".

جە ئەرەیاۋناکەنە ئامان، کە پەدەکە درېژە بەهامکاریەکاش چنی دەوڵەتو ترکی مڎۊ و سورا سەرو خیانەتی و پی جۊرە ۋەردەوام بۍ،" بیەو زیاڎ جە ١٠٠ بارەگایا جە پانیشتوو کورڎسانی، پېسە قەرارگەو میتی و پەشتیوانی کەرڎەی جە دەوڵەتو ترکی و سوپا ئەرەگیرو قڕکەرەکېش خیانەتا. عەلی عەونی پەدەکەی جیای ئانەی جە دەوڵەتو ترکی قەڵس و وەڕس بۊ کە دەیان ساڵېن بارەگۍ سەروازیېش کورڎسانەنە هەنۍ، کەچی جە جمیەری ئازاڎیی کورڎسانی توڕەو وەرسا. ۋەرو ئانەی پەدەکە خەتەو خیانەتیش بەبنەما گرتەن هجومی ئەرەگیریش گرڎو کورڎسانینە ۋەڵاکەرڎەنۊ. جە دهۊک تا هۊلېر و سلېمانی میت و چەتە ئینسان کوژەکۍ بە ئازاڎیی سوڕیاوە".

جە دمادمایی ئەرەیاۋناکەینە داوا جە پەدەکەی کریان،" پەدەکە مشۊم ئیتر ۋېش بەئاشکرا یەکلایی کەرۊوە کە تەرەفڎارو کورڎین، یا تەرەفڎارو دەوڵەتو ترکین. مشۊم دەمودەس  دەس چا مامەڵەکەرڎەیشە هۊرگېرۊ کە مایۍ شەرمەزارین".

هـ.ش