کۆنسەو سەرۆکایەتیی گرڎیی کەجەکەی بۊنەو ٤ و نیسانیوە ئەرەیاۋنێوەش وەڵاکەرڎۆ و واتش: "ئی جە ئەڎابیەیە، سەرجەنۆ ژیۋایۆ گەلو کوردین، وە هیواو ژیۋایۍ دیموکراتیکین پەی گەلا ۋەرکۊتوو مېیامینی".
کۆنسەو سەرۆکایەتیی گرڎیی کەجەکەی بۊنەو ٤ و نیسانی، ڕۊبیەو ڕابەر ئاپۆی، ئەرەیاۋنێوەش وەڵاکەرڎۆ. کەجەکە ئەرەیاۋناش ٤و نیسانی، مزانی ڕزگاریی گەلو کوردین جە چارەنوویسو قڕکەردەی، واتش: "گەلو کوردی و ژەنا و جوانا پا هەڵوێسە بەجۆش و پەڕ هیوا و قەرارەی جە مېڎانەکا نەورۆزی و ڕاپیماو ئاماراینە نیشانەشا دا، پاسە مکەرۆ کە ئېساڵ بیاوا بە ئاستێوە بەرزو چالاکی و هێزو ڕێکوستەی بەهێزی. پېسە تەڤگەری، ئێمەیچ ئازاڎیی بەڎەنی ڕابەر ئاپۆی مکەرمۍ بە بناغەو ئەوەکۊشایما و پی دیدگایۆ کۊشش مکەرمۍ. سەرو ئی بناغەیە بانگەواز جە گەلی وڵاتپارێزنیما و بەتایبەت ژەنا و جوانا و دۊسا قارەمانیما مکەرمۍ، بەشدارۍ با جە ئەوەکۊشای پەی ئازادیی بەڎەنی ڕابەر ئاپۆی، سەرو ئی بناغەیە، ڕێکوستەی بەهێز بکەرا و چالاکی دیموکراتیک کاریگەرتەر ئەنجام بڎا".
ئەرەیاۋناکەو کەجەکەی پی جۆرەنە:
"٤ و نیسانی، جە ڕابەر ئاپۆی و ژەنا و جوانا و گەلەکەیما و گرڎو گەلا و دۆسا و تەمامو جەهانی دیموکراتیکی پیرۆز مکەرمۍ.
دیسان هەمڕا مسەفا داغ و مەعسوم کارائۆغلانی، گەشمەرڎا ٤ و نیسانی کە بیۍ بە هێماو جوانۍ دڵسۆزۍ ڕابەر ئاپۆی، بە ڕێز و سوپاسۆ یاڎ مارمېوە.
سڵام جە ڕاپیمایکەرا ئامارای مکەرمۍ کە جە کەسایەتی ڕابەر ئاپۆینە ڕووەشا کەرڎە بەهاکاو دیموکراسی و ئازادی، سڵام جە گرڎو ئا کەسا مکەرمۍ کە بەشدارۍ چالاکییە دیموکراتیکەکاشا کەرڎ.
گەلو کوردی تا بەرکۊتەی ڕابەرایەتی، مەحکوم بۍ بە چارەنوویسو قڕکەردەی چن بارەی. ڕووبەڕوو قڕکەردەی کەلتووری و بەڎەنی بێوە و نامۆکریابۍ جە حەقەتینەو تاریخی ۋێش. سەرو بناغەو سیاسەتو نکۆڵی و دلېنەبەردەی کە جە کوردەسانەنە پیادە کریۍ، تەنیا ژیۋایۍ بایۆلۆژی بە کوردا بە ڕەوا وینیۍ، ئاڎیچ بە مەرجو نکۆڵیکەردەی جە شناسنامەو کلتووریی ۋێشا. نامۍ وڵات و کلتووری کوردا جە تاریخەنە ئەسڕیابێوە. پی مەعنۍ جە ئەڎابیەی ڕابەر ئاپۆی، نوێنەرایەتی سەرجەنۆ ژیۋایۆو بیەو کوردین کە گەرەکشا بۍ نامەکێش جە تاریخەنە سڕاوە. ماناو یاوایۆ وڵاتو کوردەسانیمانە بە وەرەتاو ژیۋای ۋێش. پۊکەی، ٤ و نیسانی، ڕۊبیەو ڕابەر ئاپۆی، مزانی ڕزگاریی گەلو کوردین جە چارەنوویسو قڕکەردەی سەڎ ساڵەی.
بە ڕۆوبییەو ڕابەر ئاپۆی جە ٤و نیسانینە، تاریخ جە کوردەسانەنە واوەی نوویسریاوە. تاریخێ تازە بێ و ئازادی بە ئەوەکۆشای ئازادیی کوردی کە بە سەرمەشقایەتی ڕابەر ئاپۆی دەسش پنەکەرد، نویسریاوە. زەمینەش پەی سەردەمێوە تازە پەی ژەنا و گەلا و گێرگەو دیموکراتیکی وەشکەرد. حەر وەرو ئی مەڵامەتەی گەلوو کوردی و ژەنێ و جوانێ کوردی مانێوە قووڵەشادا بە ٤و نیسانی. گەلەکەمان، بەتایبەت ژەنێ و جوانێ ٤و نیسانی پێسەو ڕۆو جەئەڏابییەی پەی وێشا پێناسە مکەرا و سەرو ئی بناغەیە جە گرڏ یاگینە خاوەنداری چی ڕووەیە مکەرمێنە و موبارەکش مکەرمێنە. ڕۆوبییەو ڕابەر ئاپۆی بە ڕۆوبییەو وێما مزانمێنە. ماچانە: "ڕۆوبییەو تۆ، ڕۆوبییەو ئێمەن". ئا حەقیقەتەی کە گەلەکە بە ٤ و نیسانی بەخشۆنە و جە گرڏ یاگینە موبارەکش مکەرمێنە و، تامێ زیاتەر بۆنە بەهێوە کۆمەڵایەتیی هامبەش.
گلیرگەو دیموکراتیکی و ژیوایۆ کوردی ئازاد بە ڕۆوبییەو ڕابەر ئاپۆی دەسس پنەکەرد، هامکاتەنە ماناو ژیوایۆ کلتووری و ئایینی و شناسنامەو گەلا تەرین جە وەرکەوتوو دلێڕاسەینە. ئی حەقیقەتەی کە کوردێ ئەزموونش مکەرا، چنی حەقیقەتو تاریخی و کۆمەڵایەتی گەلەکەیما یۆی گێرۆوە. ئا کەسەی ئی ڕۆح و کلتوورەو پێوەرە ژیواو و واڵەو_برایەتیی کلتوور و تاریخو گەلەکەیما بەروست، ڕابەر ئاپۆ بێ. جە دژو ئا زمسانە تاریکەی کە جەلایەنو دۆڵەتو_نەتەوەکاوە ئاما ئاراوە، ئارۆ ئی ڕۆح و یاواینەو کۆمەڵایەتی و کلتووریی و تاریخی کە پێسەو گلێرگەی دیموکراتیک و بنیادنیاو نەتەوەو دیموکراتیکی بە سەرمەشقایەتی گەلوو کوردی وەڵێ گنۆنە، تا مێ بەهێزتەر بۆنە.
گەلەکەما ئیسە ڕووەشکەردێنە ئامانجو ئازادیی ڕابەرایەتی. ڕۆژەڤی سەرەکیی گەلەکەیما ئینەن. گەلەکەما ئیتر گەرەکشا رابەر ئاپۆی بەشێوی جەسەیی دلێ وێشەنە وینۆنە. جە گرڏ دەرفەتێوەنە پاگیری وێش سەرو ئەوەکۆشای دیموکراتیک پەی ئی ئامانجەیە بەربڕۆنە. ئی حەقیقەتە دماین جار جە مێڏانە پڕ جۆشوخرۆشەکا نەورۆزینە وینریا. ئی داوا و ئیرادەو گەلەکەیما ئیتر جەڕووەو یاسای مییاننەتەوەیینە بییەن بە داوێوە مومکین، مشۆم جەلایەنو گرڏو موخاتەبەکاوە وینرۆنە و بەدرووسی هورسەنگنایش پەی کریۆنە. چونکە ئازادیی جەسەیی ڕابەر ئاپۆی یعنی چارەسەرو پرسو سەد ساڵەو کوردی، چارەسەرو پرسو کوردیچ، دیموکراتیکبییەو تەمامو تورکیای یاونۆنە.
پێسەو تەڤگەری، ئێمەچ ئازادیی جەسەیی ڕابەر ئاپۆی مکەرمێنە بناغەو ئەوەکۆشایما و پی سەرنجۆ خەبات مکەرمێنە. سەرو ئی بناغەیە داوا جە گەلوو وڵاتپارێزیما و بەتایبەت ژەنێ و جوانێ و دۆسەکاما مکەرمێنە، بەشدارێ بانە جە ئەوەکۆشای پەی ئازادیی جەسەیی ڕابەر ئاپۆی، سەرو ئی بناغەیە، ڕێکوزتەی بەهێز بکەرا و چالاکی دیموکراتیک کاریگەرتر ئەنجام دانە. هەرپاسە بانگەواز جە گرڏکەسێ مکەرمێنە، سەرو بناغەو سەرنجوو گلێرگەس ئیکۆلۆژیکو ڕابەر ئاپۆی جە گرڏ یاگێنە نەمامێ بنیانە و دەوروبەری سەوزپۆش بکەرا".
