هامسەرۊکایەتی دەسەی ڕاوەبەری کەجەکەی  جە بارەو هجومەکا دەوڵەتو تورکی ئەرەگیری پۍ سەرو ۋەرنیشتی و پانیشتی ئەرەیاۋنېوەش ۋەڵاکەرڎۊ.

دەقو ئەرەیاۋناکەی:

دماو ئانەی ئاکەپەو مەهەپە دەسەڵاتشا گېرتۊ دەس، دەوڵەتو تورکی هجومەکېش پۍ سەرو  گەلو کورڎی و هېزەکا ئازاڎیی زیاڎ کەرڎېنۍ جە ماوەو چن حەفتەی وەڵینیەنە هەم جە ۋەرنیشت هەم جە پانیشت ژمارېوە فرە جە خەڵکو ئېمە گەشمەرڎۍ بیېنۍ. ئېمە ئا هجوما بەتنی شەرمەسار کەرمۍ. حەرپاسە سەرەۋەشی جە خانەواڎەو ئا کەسا کەرمۍ کە گەشمەرڎۍ بیېنۍ و جە گرڎوو گەلو کورڎی.

هۊلېرو  بەغڎا بېدەنگېنۍ

ۋەران ۋەر پا هجوم و کۊکوشیا بڕۍ ڕېکوزیۍ دیموکراتیکۍ  وڵاتپارېزۍ ناڕەزایشا بەربڕیەن، بە ڵام کەسۍ خۊتان ۋەرپەرسۍ و دەوڵەتی و ئەرەمەرزیا پەیۋەنڎیدارەکۍ دەوڵەتا یاگۍ قبوڵکەرڎەی نیا. دەوڵەتو تورکی ئەرەگیری بە ئەنەیاۋای دوژمنکارانەی ۋەران ۋەر بە کورڎا یاساکا پاشېل کەرۊ جە گرڎ یاگېنە سەرەمڕە هجوم کەرۊ و کۊکوشی کەرۊ. تەنیا جە حەفتەی وەڵینەنە جە پانیشتوو کورڎسانی بە فڕۊکەی بۍ فڕۊکەوان ژمارېوە فرە خەڵک گەشمەرڎۍ کریېنۍ.بەڵام نەحکومەتی عېراقی و نە حکومەتو پانیشتوو کورڎسانی ۋەران ۋەر پی هجوما نتقشا جە ۋېشا بڕیەن. مشۊم ئی دۋە حکومەتە ۋەران ۋەر پی  هجوما مرڎاوە و ۋەڵۍ پا هجوما گېرا. چینەی زیاتەر بېدەنگی بە ماناو هامکارین چنی ئی کۊکوشکاریە و هجومەکا دەوڵەتو تورکی. ئا ئاژە بەتایبەتی پۍ حکومەتو سیاسەتو پانیشتوو کورڎسانی ڕاسا. ئانۍ کە جە ۋەران ۋەر بە کۊکوشی و  کوشتەی کورڎانە دەنگشا چۊوە نمۍ، ناڕەزایی بەرمەبڕا چنی متاۋا واچا کە ئېمە کورڎېنمۍ نوېنەرایەتی گەلو کورڎی کەرمۍ؟ ئا هەڵۋېسە مایۍ قبوڵکەرڎەی نیا. ئنڎەو حکومەتو هەرېمێ ڕېکوزیاو پارتە کورڎیەکېچ چا ئاژەیە ۋەرپەرسېنۍ مشۊم گنا جمای هەڵۋېش برمانا.+

ڕېکوزیا میان نەتەوییەکۍ مەبۊ با بە هامبەشو کۊکوشیەکا

دەوڵەت و ڕېکوزیا میان نەتەوەییەکۍ ناڕەزایشا ۋەران ۋەر پا هجوما بەرنەبڕی. دەوڵەتو تورکی کۊلۊنیالیستی جە گرڎ یاگېنە بە تایبەتی ۋەرنیشتوو پانیشتوو کورڎسانینە هجوم ئەنجام مڎۊ، ڕۋانە کورڎۍ کوشۊ، بەڵام حکومەتە نامبریېکۍ چنی دەوڵەتو تورکی پەیۋەنڎی ئابوری و سیاسی بەسا. مامەڵېوە پی جۊرە ۋەران ۋەر بە گەلو کورڎی مایەو قبوڵ کەرڎەی نیا. جارېوەتەر داوا چا دەوڵەت و ڕېکوزیا وئەرەمەرزیا میان نەتەوەیی کەرمۍ، کە واز چا هەڵۋېسەیشا بارا، کە بیە و بەهاکا گەلو کورڎی پەشتگۊش وزیا، نەبا بە هامبەشو هجومی و کۊکوشیەکا دەوڵەتو تورکی دژ پا کرڎەوا هەڵۋېس نیشانە بڎا.

مشۊم هەڵۋېسېوە  بەقوەت نیشانە بڎریۊ

دەوڵەتو تورکی قڕکەری بە مەبەست و پۍ شېۋنای ڕاسیەکا پاسە نیشانە مڎۊ، کە ئا جۊرە هجوما دژ بە پەکەکەی ئەنجام مڎۊ. ئا خائینۍ کە پەی مەسڵەحەتی و سەروەتی چنی دۊڵەتو تورکی هەرمانە کەرا، بە مامەڵېوە پا جۊرە گەرەکشانە خیانەتەکەیشا شاراوە. هجومەکۍ ئی دماییە جە پانیشتوو کورڎسانی  جارېوەتەر بەرشا وست، کە ئامانجو دەوڵەتو تورکی دلېنەبەرڎەو بیەو کورڎین. جە ۋەران ۋەر پانەیچ زەرورا وڵاتپارېزۍ و ڕېکوزیا دیموکراسیەکۍ ڕۊشنۋیرۍ و هونەرمەنڎۍ کورڎی هەڵۋېسۍ بە قوەتشا بۊ فشاری سیاسی وزا سەرو ۋەرپەرسا ناچارشا کەرا ئەرک و ۋەرپرسیاری جابەجۍ کەرا. حەرپاسە پەنەوازەن گەلو کورڎی و دۊسەکېش جە گرڎ یاگېنە ناڕەزایی بەربڕا بېدەنگی دەوڵەتی و ڕېکوزیا میان نەتەوەییەکا ۋەران ۋەر بە هجومو کۊکوشیەکا دەوڵەتو تورکی شەرمەسار کەرا و نیشانەش بڎا کە مامەڵېوە پا جۊرە یاگۍ قبوڵ کەرڎەی نیا.

هـ . ش