سەرۊکوو حکوومەتوو قەرەباخی 'ساموێل چاکرامانیان' ئەرەیاۋناش، کە تەماموو دام و دەزگا ئەرەمەرزیاکا حکومەتی جە ٢٤ و کانون و دووەم و ٢٠٢٤ ینە مەمەناو دمایی بە کۊماروو قەرەباخی مۍ.

٢٠ و ئەیلولی ئازەربایجان کتوپڕ هجومش کەرڎ سەروو قەرەباخی. دماو شەوو ڕوۍ قەرەباخ قەرارش دا چەک بنیۊرە و قبوڵش کەرڎ خاکەکەش وزیۊ سەروو ئازەربایجانی.

زیاڎ جە ٦٥ هەزار کەسا یانەو مەنزڵ و ۋېشا جیا ئاستەن

دماو هجومەکەی قەرەباخ چۊڵ بۊنە. خەڵک یانەو مەنزڵ و خاکەکەیشا جیا مازا. بەپاو ئەرەیاۋناو کاربەدەسا ئەرمینیای ٦٥ هەزارۍ و ٣٦ کەسۍ قەرەباخی پېسە پەناهەندەی ڕووەشا کەرڎېنە ئا ۋڵاتیە. ئا ژمارە نزیکەو نیمەو ژمارەو ئەرەنیشتا قەرەباخین.

میل گیبسۆن: جارێوەتەر کۊکوشی ڕووە مڎۊ

ئەکتەروو بەرئاوەری ئەمریکی میل گیبسۆن ڤیدیۊیېش سەروو هەژمارەکاشۊ جە دیجیتاڵ میدیانە ۋەڵاکەرڎەنۊ، چنەشەنە ماچۊ"تاریخ بەشېۋېوە کارەساتبار واوەی بۊوە".

گیبسۊن جە درېژەو پەیامەکەیشەنە پۍ خەڵک و قەرەباخی ماچۊ،"ئېمە شایەتۍ کۊکوشیېوەنمۍ کە ۋەردەواما".

گیبسۊن ۋیرش ئارڎۊ کە سەڎان ساڵېن بە مەڵامەتوو دینەکەیشاوە فشار سەروو ئەرمەنیەکا ۋەردەواما و پۍ ئانەی خەڵک و قەرەباخی بتاوا گېڵاوە پۍ مەنتیقەو ۋېشا داواش جە گلېرگەی میان نەتەوەیی کەرڎ، پۍ ئانەی گنا ۋېشاو حۊلە دیبلۊماسیەکا وزانە گەڕ.

گیبسۊن جە دمادمایی پەیەمەکەیشەنە پی جۊرە ماچۊ،" پا ئەرمەنیا ماچوو کە ئېش چەشانە، ورە ۋەرمەڎەیدۍ خوڎاتا ئینا چنی".