تەڤگەروو ژەنە ئازاڎا (تەژەئا) بە دروشموو "بە ژەنی، ژیوای، ئازاڎ بەرەو ئازاڎی" ئەرەیاونیاو کەمپینەکەی مێمانخانەو یەڵدزی سەراینە شاوو ڕحاینە ئاشکراش کەرد، کە تا ڕۊو ٨وو ئازاروو ٢٠٢٤، ڕۊو جیهانیی ژەنا بەرڎەوام بۊ. هامسەرۊکوو پارتوو هەرێمە دیموکراتیکەکا (دەبەپە) ساڵیحە ئایدەنیزە، ژەنە پەرلەمانتاراو پارتوو چەپی سەوزوو شارەکاو سەرنیشتوو کوردستانی، ئەدایاو ئاشتی، ئەنداما و ڕاوەبەراو پارتوو هەرێمە دیموکراتیکەکا (دەبەپە)، پارتوو چەپی سەوزی و پارتوو دیموکراتیکوو گەلا (هەدەپە)و ڕحای، ئەرەمەرزیا و ڕێکوزیا مەدەنییەکاو  شاروو ڕحای و بڕۍ فرۍ جە ژەنا بەشدارییشا ئەرەیاوناکەینە کەرد.

تەماموو ئەرەیاوناکەی لاو چالاکەو تەژەئایۊ، سوزان ئاکیپایە ونییاوە.

پوختەو ئەرەیاوناکەو تەژەئای پێسنەن:  

" ئارۊ، ئینایمۍ چارەکوو یوەموو سەدەو ویسوویەکینە، کە پێسە سەدەو ژەنۍ مشناسیۊ، ئینایمۍ قۊناغێوەنە، کە شۊڕشوو "ژەنی، ژیوای، ئازاڎی" یاگەپەنجێش سەروو ئی سەدەیۊ جیا ئاستێنە، جە ئەرەیاوناکەینە بە پلۍ ئەوەڵی پەی ژەناو کوردی، پەی گردوو ژەناو دنیۍ، بە دروشموو "بە ژەنی، ژیوای، ئازاڎی، بەرەو ئازاڎی" دەسمان بە خەباتی کەرد و کوۍ بییەیمێوە. ئەرەیاونای ئی کەمپەینەیە هاموەختا چەنی سەدەمین ساڵیادوو لۊزانی... لێوە تەرۊ، چارەکە سەدێوەن، گۊشەگیریی ڕەهاو سەروو ڕابەروو گەلوو کوردی عەبدوڵڵا ئۊجالانی یاوان چارەکە سەدێوە، لاو تورکیای و هێزەمیاننەتەوەییە کۊڵۊنیاڵیستەکاوە بریۊ ڕاوە".  

سڵام وەنەو گردوو ژەناو دنیۍ کەرمۍ

درێژەو ئەرەیاوناکەینە ئامابێ: " سەدەو ویسوویەکی وەرپەرسبییەیش وستەن سەروو شانەیما، تا کۊشیای ئازاڎیی ژەنا بیاونـمۍ بگەیەنینە سەرکەوتەی. ئارۊ وەرکەوتوو کوردستانی ئا خاکەنە، کە کۊشیاکەیش بەرەکەتش یاونان بە گردوو ژەناو دنیۍ. پێسە شۊڕشوو ژەناو وەرنیشتی... ئێمە شایەتۍ شۊڕشی جڤاکیی ژەنی، ژیوای، ئازاڎینمۍ، کە وەرکەوتۊ دەسش پەنە کەرد و یاوا پارچەکای تەروو کوردستانی و دنیارە وەڵا بییۊ. بە ڕۊحوو ئی شۊڕشی و بە باوڕیما بە کۊشیای ژەنا، وەعد مدەیمۍ، کە ئی شۊڕشی فراوانتەر کەرمۍ و سڵام وەنەو کۊشیای ئازاڎیی گردوو ژەناو دنیۍ کەرمێ!"

زەروورا پەشتگیریی کۊشیای ئازاڎی کریۊ

جە ئەرەیاوناکەینە ئانە وزیان ڕووە، ئا هجوومۍ کە گرد لێوە کریا، بەتایبەت وەرنیشت و پانیشتوو کوردستانینە، ماچۊ: " بەتایبەت وەرنیشت و پانیشتوو کوردستانینە بەکارئارڎەی چەکی کیمیاوی دژ بە کۊشیای ئازاڎیی کوردی و ژەناو ئی کۊشیایە، وەنەکەوتەیەکاو ئی جەنگیشە قووڵتەرۍ کەرڎێنێوە. چی چوارچوەنە، جە هەڵمەتەکێمانە، کە دژوو جەنگی "مدرامان" و "بەهاو ئازاڎیی ئی مدرامانی" گێرۊ وێش، بە دەنگی بەرز ئەرەیاونمێش؛ وەڵۍ گرد چێوێنە زەروورا ئەرەمەرزیۍ و دەزگا میاننەتەوەییەکۍ گردوو بازنە دیموکراتیکەکا و ڕای گردینەو دنیۍ، دژوو ئی جەنگ و ئەرەگیرکارییە مردنا؛ پەشتیوانی کۊشیای ئازاڎی کەرا!".

" با پێوە کۊشیا قەوەتتەر کەرمێ"

هەرپاسە تەژەئا داوا وەنەو ژەنا و گردوو ئازاڎیوازا کەرۊ، دژوو بەئامانجگێرتەی ژەنا، هەوڵۍ سەرکوتکەرڎەی گەلوو کوردی، قڕکەرڎەی کوردی و تاڵانکەرڎەی سرووشتوو کوردستانی، گرد یۊگێرتۍ با و کۊشیای قەوەتتەر کەرا.  

"هجووموو سەروو ژەنا بەرڎەواما"

هەرپاسە باس چانەیچە کریان، ڕەوشەکە پانەیۊ نەمرڎان نەوەستاوە پیۍ ژەنی کوشا و دەسدرێژی کەرا سەرشا و توندوتیژییشا وەنە کەرا، بەڵکوم دەسەڵات چی دژایەتییەو ژەنا تلیان چۊوە، بە ئازاڎکەرڎەی تاوانبارا و سزانەدایشا. ماچۊ: "پەوکای هجوومێوە فرەلایەن و قووڵ و سیستماتیک دژ بە ژەنا هەن. ئێمە پێسە تەژەئا؛ وەعد مدەیمۍ چی کەمپینیوە کۊشیایما پەی سەرکەوتەی فاڕمۍ، ماتەمینییی وێما فاڕمۍ بە ئەرەپڕای و گردوو ئا ژەنا، کە بە دەسوو پیای کوشیێنۍ کەرمۍ بە کۊشیای!".

هەرپاسە ئاماژە کریان پانەیە ی هجوومەکە گردوو سیاسەتمەدار و چالاکاش گێرتەنۊ، حەرڕوێوە بە ئۊپەراسیۊنی سیاسی هەزاران ژەنی گیرییا. دەسەڵات کورد و ژەنی و چالاکۍ و ڕۊژنامەوانۍ و سیاسەتمەدارۍ و ڕەنجدەرۍ و گردلایۍ کەرۊ ئامانج.

"پەنەوازا مدرامان و ئازاڎیی ژەنا فراوانتەر کریۊ"

ئەرەیاوناکەینە، ئەوەخوای کریانۊ، ژەنا و گەنجاو کوردی  لاو ئەرەمەرزیا ئاینپەرس و دماکەوتەکاوە کریا ئامانج و ئی سیاسەتی بە دەسوو قەیومەکا میاونۊ یاگۍ. سیخوڕیکەرڎەی و ماددەی هۊشبەر و خراپەکاری وەڵا کەرۊوە. پێسە ئاماژە کریان بە هجوومە بەرڎەوامەکاو سەروو ئەدایاو ئاشتی. هەرپاسە ماچۊ: "ئێمە پێسە تەژەئای، پی کەمپەینەیە سەروو ڕاو "ژەنی، ژیوای، ئازاڎی"یوە دەسمان پەنە کەرڎەن، ئەرەیاونمێش کە بە پاو ڕاسیی کۊشیای ئازاڎیی ژەنۍ، هاگاما زیاتەر ئینا جە ئیرادە و شناسنامە و دەسکەوتەکاما. ئەگەر دلۍ دیواریچنە بیمۍ، ئەگەر دلۍ گردوو ئا مەنتێقانە  کە ژیومۍ چەنەش، دژوو ئی سیاسەتە قێزەون و کۊنا، داواو وەنەو گردوو ژەنا کەرمۍ کە مدرامان و ئازاڎییشا فراوانتەر کەرا!".

 "زوان و چاندەکەما، بییەی ئێمەن"

هەرپاسە ئاماژە کریان پا قڕکەرڎەیە چاندییەو سەروو زوانی و شناسنامەی و نرخەکاو کوردیوە هەن.  ڕۊشنایی وزیان سەروو ئانەیە وەراوەروو ئی هجوومانە، سەروو بناغەو "ژەنی، ژیوا، ئازادی" دژوو ئی سیاسەتا مرڎاوە.  هەرپاسە  داوا وەنەو گرد لاێوە کەرا، بەتایبەت کورد، هاگاشا جە زوانی و چاندی و شناسنامەیشا بۊ و جیاوازییەکا بپارێزنا، کۊشیای چی مەجالێنە فراوانتەرم کەرا.

"گۊشەگیریی ئیمراڵی"

هەرپاسە ئاماژە پانەیە کریان، هجوومە هەمەلایەنەکۍ پەی سەروو تەماموو ژیوای، ئەنجاموو گۊشەگیریی ئیمراڵیین. ئانە چارەکە سەدێوەن گۊشەگیریی سەروو ڕابەروو گەلوو کوردی عەبدوڵڵا ئۊجالانی بەرڎەواما و قووڵتەر بۊ، پەوکای قڕکەرڎەی ژەنۍ، کێشە سیاسی و جڤاکی و ئابووری و سرووشتپارێزییەکا قووڵتەرۍ با. تەژەئا، ئەوەخوایش کەرۊوە، چارەسەروو کێشەو کوردی و گردوو کێشەکای تەری، هەر جە ئیمراڵیینە هەنۍ. ئەوەخوایش کەراوە: "ئامانجی سەرەکیما ماڕای گۊشەگیریی سەروو ڕابەروو گەلوو کوردی عەبدوڵڵا ئۊجالانی و بەدیئارڎەی ئازادیی جەستەییشا. پەی ئی ئامانجی داوا وەنەو گردوو ژەناو تورکیای و دنیۍ کەرمۍ پەشتگیریی کۊشیاکەیما کەرا".

"بە ژەن، ژیوای، ئازادی بەرەو ئازادی"

ئاخرۊ ئامان: "چی ڕوەنە و پی کەمپینەیە سەروو بناغەو مدرامانوو ژینا ئەمینی-ێوە دەسما پەنە کەرد، کە بی بە هێماو شۊڕشوو ژەنی، ژیوای، ئازادی جە سەدەو ویسوو یەکینە، جارێوە تەر ماچمێ؛ باوەڕما بە کۊشیای ئازادیی ژەنا سەد جە سەدین! وەروو ئانەی ئی باوڕە زیاتەر بۊ، ژەناو کوردی پلەی یەکەمنە؛ داواو وەنەو  گردوو ژەناو تورکی و ڕێکوزیایە فێمینیستەکا و ژەنا و چالاکا و گردوو ژەناو دنیۍ کەرمۍ، کە پاڵپەشتیی کەمپەینەکەیما کەرا، تا دژوو گردوو هجوومەکاو سەروو بییەی ژەنا، بە سەرمەشقایەتیی ژەنا، ئازادیی جڤاکیی زیاتەر کەرمۍ. با گردما پێوە، گرد شۊن و کاتێوەنە؛ هاوار کەرمێ: بە ژەنی، ژیوای، ئازادی، بەرەو ئازادی!"

بەرنامەکە بە تەماشاکەرڎەی سینڤزیۊنێوە دماییش ئاما.

س.ز