کۊمیتەو پەکەکە-پاژکی ئاماژەش بە ئەشکەنجەی دژوو زینڎانییا جە زینڎانوو پاتنۊسینە کەرد و ئەرەیاوناش، ئەگەر ناڕەزایەتیی جەماوەری بەرنەگنۊ، سەروو دەەسوو حزبوڵکۊنترای ئا کرڎەوۍ گلێرگەنە وەڵۍ باوە، پەوکای دژوو ئا کرڎەوا داواو هەستیاربییەیش کەرڎە.
کۊمیتەو پەکەکە- پاژکی بە ئەرەیاوناێوە ناڕەزایەتییش وەراوەروو ئەشکەنجەی دژوو زینڎانییاو زینڎانوو پاتنۊسی بەروست. کۊمیتەکە واتش، "ئێمە سیاسەتەکاو جەنگی تایبەتی زینڎانەکانە دژوو هامڕایە ژەناما کریا، جە کەسایەتیی ژەنۍ ئازادێنە پیسە هجوومێوە دژوو ڕابەریما و خەتەو گلێرگەی ئازادی ورسەنگنمۍ. مشۊم گرد کەس وەراوەروو کرڎەوەکاو زینڎانوو پاتنۊسی، کە دژوو هامڕا ژەناما بەیاوە جواب.".
ئەرەیاونیاو کۊمیتەو پەکەکە-پاژکی ئینەن:
"زینڎان جە تاقیگەو سیستموو حکومڕانیین. وەروو ئانەیە ئانە ئەوەڵ مەیدانا، کە گەرەکشانە سیاسەتوو جەنگی تایبەتوو وێشا دلێشنە کەرا. هەوڵۍ مدا ئا سیاسەتۍ، کە موازییا تاقیگەنە تاقیۍ کریاوە، بە پاو ئاستوو سەرکەوتەیشا چەنی گلێرگەی گونجناش. گەورەتەرین تەرسەو دوژمنی جە زینڎانەکا پێکئاماێوە ڕێکوزیان.
گەرەکشانە پێکئامای ڕێکوزیایی ورشاناوە ملوو یۊیرە
فاشیزموو ئاکەپە – مەهەپەی گەرەکشا بە پرشووەڵایی بە پێکئامای ڕێکوزیای زینڎانەکانە و جە ڕاو ناڕێکوزیاییوە، بیاوۊ بە ئەنجام. بە ڕاو جەنگی تایبەت، ئامانجشانە مدرامانوو هامڕایاما وڕنارە، کۊشیاینە بڕاشارە و وزاشا دۊخوو پەشیمانییوە. دوژمن کە موینۊ دیارڎێوە، کە مدراان خولقنۊ ڕێکوستەی ئینسانەکان، پەوکای گەرەکشا بە دلێنەبەرڎەی و ناستەی پێکئاماو ڕێکوزیایی زینڎانەکانە و بە لاوازکەرڎەی هامڕایاما بیاوۊ ئەنجام.
دوژمن، کە مەتاوۊ چی بابەتەینە سەرگنۊ، هەوڵۍ مدۊ یۊ بەیۊ هامڕایاما کەرۊ ئامانج ئامانج. فرەو هامڕا ژەناما کە سزێکێچشا دماییش ئامان، وەلۍ بە سەپنای سزۍ تازۍ هەوڵۍ پەشیمانکەرڎەیۊشا مدا و گەرەکشانە، بە تندوتیژانە و شێوازی تازە زینڎانەکانە بیاوا ئەنجام. چی قۊناغەنە فاشیزموو ئاکەپە-مەهەپەی گەرەکشا حزبولکۊنترای، دژما پێسە بکوشێوە بەکار بارۊ.
ئەگەر کارڎایۊی جەماوەری نەبۊ، گلێرگەرە وەڵا بۊوە
جە ساڵەکاو ٩٠ینە دەوڵەت بە دەسوو ڕێکوزیاو حزبوڵکۊنترای فرەو خەڵکوو ئێمەشا دڕندانە کوشتۍ. فاشیزموو ئاکەپە-مەهەپەی، بە مەبەسوو دووەبارە بەکارئارڎەیۊ ئا شێوازەو ئەشکەنجە دڕندانەیە ساڵەکاو ١٩٩٠، جە زینڎانوو پاتنۊسینە لاو پاسەوانە بکوشاوە، ئەشکەنجەی دڕندانەش دژوو هامڕایاما نازلی بارشەر، میزگین کایتبەی و لالە ئابیشەرۍ دان. ئێمە سیاسەتوو جەنگی تایبەتی دژوو هامڕا ژەناما زینڎانەکانە، جە کەسایەتیی ژەنۍ ئازادێنە، پێسە هجوومێوە دژوو ڕابەرایەتیما و خەتەو گلێرگەی ئازادی ورسەنگنمۍ. پەوکای پێویسا گرد کەسێوە دژوو ئا کرڎەوا، کە زینڎانوو پاتنۊسینە دژوو هامڕا ژەنەکاما کریا، بە جددی دەنگ بەرز کەراوە. فاشیزموو ئاکەپە-مەهەپەی ئەوەڵ گەرەکش بۍ سیاسەتەکاو جەنگی تایبەتی سەروو هامڕا ژەناماوە تاقی کەرۊوە. ئەگەر ناڕەزایەتیێوە جیددی جەماوەری دژوو ئا کرڎەوا دروس نەبۊ، ئانە هەوڵۍ مدۊ ئی جارە هەمان سیاسەتوو جەنگی تایبەتی دژوو گلێرگەی بەکار بارۊ و دۊخێوە خولقیۊ، کە مەتاوییۊ وەرش پەنە گێرییۊ.ڕابەرایەتیما ماچۊ، "ژەنی ئازادکریۍ گڵێرگێوە ئازادکریان". پەوکای فاشیزموو ئاکەپە-مەهەپەی گرد یاگێوەنە ژەنی کەرۊ ئامانج. پەوکای هێزە هەژموونگەرێکۍ هجوووم کەرا سەروو ڕابەرایەتیما.
دژوو فشاری و پاشێلکارییە یاساییەکا زینڎانەکانە داوا کریۊ هەستیارۍ بیدێ
ڕابەرایەتیما ماچۊ 'وەروو ئانەیە ژیوای ئینسانی تەنیا وەختێوە کە ئازاد بۊ، مانادارا، حەر لاێنە بۊ ژیوای بۍ ئازادی دایمە زینڎانێوە تاریکا'. حەرکەسێوە چی ئاستەنە جە دیدی کۊمەڵایەتی و ئەخلاقییوە پەی دیارڎەو زینڎانی و ئازادی بدییۊ، چە زینڎاننە و چە جبەریچۊ، جەنگی تایبەتیی دوژمنی کاریگەرییش سەرۊ منیۊرە. پەوکای داوا وەنەو گەلەکەیما و کەسوکاروو زینڎانییا کەرمۍ هەستیارۍ با وەراوەروو فشاری و پاشێلکارییە یاساییەکاوە سەروو هامڕایاما زینڎانەکانە، بەتایبەتی دژوو ڕابەرایەتیما هەستیارۍ با".
س.ز
