کۊن-مەد جەئەرەیاۋنېوەنە ۋیرش ئارڎەنۊ، "کە جە مانگەو ئابوو ٢٠١٩ یۊ تا ئیسە حیچ زانیاریېوە جەبارەو ڕابەر ئاپۊیۊ بەدەس نامان و گەلوو کورڎی زانیاری جە بارەو تەندروستی، ئاژەو ڕابەر ئاپۊیۊ هۊرمەگېرۊ. ئی بېدەنگیە نیگەرانیەکۍ ئېمەش جەبارەو گۊشەگیری سەرو ڕابەر ئاپۊی قوڵتەر کەرڎېنۍ".

جە بەشېوەتەرو ئەرەیاۋناکەینە ئامان،"بە ملۋېنان کورڎسانیۍ ئی هەڵسوکۊتە نا ئینسانیەیە ۋەران ۋەر بە ڕابەر ئاپۊی قبوڵ مەکەرا و پېسە هجومېوە پۍ سەرو ئیراڎەو ۋېشا ۋیناش، گەرەکشانە دەموودەس زانیاریشا جە بارەشۊ دەسگنۊ. ڕابەر ئاپۊ کەسېوە ئاسایی نیا، تەمامو ژیۋای ۋېش پەی ئازاڎیی گەلوو کورڎی بەخشان و خۊتان فەلسەفەی ڕۊشنگەری وئازاڎیی سەردەموو ئېمەن".

جە ئەرەیاۋناکەنە تەئکیدکریانۊ،"مشۊ جە زووتەرین وەختەنە ڕا بە ڕابەر ئاپۊی بڎریۊ، کە چنی پارېزنەراش و خانەواڎەکەیش دیڎار ئەنجام بڎۊ".

حەرپاسە کۊن-مەد داواو بەشڎاریکەرڎەیش جە چالاکیەکا دژ بە گۊشەگیرینە کەرڎوو ئەرەیاۋناش،"ئەگەر ئارۊ زانیاریما جەبارەو ژیۋای، تەندروستی و ئا ئاژەیە نەبۊ، کە ڕابەر ئاپۊ چنەشەنە مژیۋۊ، ئانە ئا ڕاسیە بەروزۊ، کە خۊتانکەرڎەیما پېسە پەنەوازی نیا. حەرپۊکەی پېسە کۊن-مەدی داوا جە خەڵک و کورڎسانی و دۊسا و تەرەفڎارا چەپی سۊسیالیستی و گرڎوو ئا کەسا کە قەناعەتشا بە بەهاکا ئازاڎیی هەن، کەرمۍ کە ڕۊو ٢ ئەیلولی، بەدروشمەو 'ئازاڎیی پۍ ڕابەر ئاپۊی و چارەسەرکەرڎەی قۊرتەکا کورڎی'، بەشېۋېوە ۋەرچەم و جە بەرزتەرین ئاستەنە بەشڎاری جە چالاکیەکانە کەرا.

بەپاو ئەرەیاۋناکەی ڕۊو ٢ۍ ئەیلولی جە ٥ ناوەنڎېنە دژوو گۊشەگیری چالاکی ئەنجام مڎریۊ، وەختو یاگۍ دەسپنەکەرڎەو چالاکیەکا پی جۊرەنە:

دوسێلدۆرف

یاگۍ: دوسێلدۆرف DGB Hsus

سەعات ١٣:٠٠

بەرلین

یاگۍ: بەرلین بریتشایدپلاتز

سەعات ١٦:٠٠

هامبۆرگ

یاگۍ: هامبۆرگ، هاوپتبانهۆف

سەعات ١٥:٠٠

هانۆڤەر

یاگۍ: ئێرنست ئۆگستۆسپلاتز

سەعات ١٧:٠٠

ستراسبۆرگ

یاگۍ: لەبەردەم ئەنجومەنی ئەوروپا

سەعات ١٠:٠٠

هـ.ش