کۆن-مەد داواش جە کوردسانیا و دۆساشا کەرڎ، جە چالاکییەکانە بە دروشمەو 'قەوارۍ پۍ کورڎی و ئازاڎیی پۍ ڕابەروو گەلوو کورڎی' بەشڎاری کەرا، کە قەرارا ڕۊو ٢ۍ ئەیلولی جە فرەو شارەکا ئەڵمانیاینە بلۊڕاوە.
کۆن-مەد، کە یۊن جە گۊرەتەرین ڕێکوزیا چەترئاساکا کورڎی جە ئەڵمانیا جە ئەرەیاۋنېوەنە ۋەڵاش کەرڎەنۊ، جە ١٠٠ەمین ساڵەو پەیماننامەو لۆزانینە بە دروشمەو 'قەوارۍ پۍ کورڎی' و 'ئازاڎیی پۍ ڕابەروو گەلوو کورڎی، عەبدوڵا ئۆجالان'ی ڕۊو ٢ۍ ئەیلولی جە فرېوە جە شارەکا ئەڵمانیاینە ڕاپیمای و چالاکیۍ ئەنجام مڎەیمۍ.
کۆن-مەد حەرپاسە داواو بەشڎاریش جە چالاکییەکانە کەرڎەن و ئەرەیاۋنانش، "دماو گۆشەگیرکەرڎەی ڕابەر ئاپۆی، هجومە ئەرەگیریەکا پۍ سەر و کوردسانی فرەتەرۍ بیېنۍ. ڕێکوزیا و دۊڵەتا میان نەتەوەی پەیوەندیدارېچ بێدەنگېنۍ جە ۋەران ۋەروو ئی هجومی و تاوانانە کە دژ بە مرۆڤایەتی و بە نایاسایی ئەنجام مڎریا. پېسە گەلوو کورڎی جە دژوو ئی بێدەنگییە ڕووە کەرمۍ مېڎانەکا، کۊشیایما پۍ قەوارەو کوردسانی و ئازاڎیی جەستەیی ڕابەر ئاپۆی بەگوڕتەر کەرمۍ".
بەپاو ئەرەیاۋناکەی، بەرنامەو چالاکییەکا ڕۊو ٢ۍ ئەیلولی پی جۆرەنە:
دوسێلدۆرف: ۋەرو دەموو دی جی بی هاوسینە
وەخت: سەعات ١٣:٠٠
بەرلین: Breitscheidplatz
وەخت: سەعات ١٦:٠٠
هامبۆرگ: ۋەرودەموو Hauptbahnhof
وەخت: سەعات ١٥:٠٠
هـ.ش
