جە چوارچوەو نرخنای و جەنەدوایەکاو کۊنفڕانسوو بەغڎاینە پەی یادوو نۊیەمین ساڵەو کۊکوشیی ٣ ئابوو گەلوو ئیزدی، لاو قسەکەرا و ئامادەبییاو کۊنفرانسەکەیۊ سڵام جە کۊشیای گەریلاکاو هێزوو پارێزنای گەلی (هەپەگەی) کریا، کە دەوری گرنگشا بۍ جە پارێزنایی شەنگالینە، ئازادکەرڎەی ئا شارەینە و ڕزگارکەرڎەی گەلوو ئێزدینە جە چەتەکاو داعشی.

 لە چوارچووە قسەکاو ئازاد عەبدوڵای یاگەداروو سەرۊکوو پارتوو ئازادی و دیموکراتی ئێزدی (پادێ) کۊنفرانسەکەنە واتش: یاگۍ وێشەنە هەوڵەکاو پەکەکەی پە پارێزنای گەلووو ئێزدی بەرز برمانمۍ، کە دەوری گرنگشا بییەن جە پارێزنای گەلوو ئێزدینە.

 هەرپاسە هەر ڕیهام حەسەن هامسەرۊکوو دەسەو ڕاوبەریی ئەنجوومەنوو گەلوو ئێزدییچ  قسەکاشنە باسش سەروو دەوروو پەکەکەی کەرد، کە شنگالنە دەورێوە ڕۊڵێکی تاریخی بۍ، واتیچش: "مشۊم دەوروو پەکەکەی ویرنەشۊوە  و هەمیشە یاد کریۊوە، ئێمە چێوە سپاسوو پەکەکەی و گەریلای کەرمۍ، کە تاواشا ڕاگێری جە فراوانبییەی کۊکوشیی شەنگالی گێرا و ئا شارەیە ئازاد کەرا".

درێژەو کۊنفرانسەکەینە ئامادەبیۍ جگە سپاسکەرڎەی پەکەکەی، هەمان وەختنە ڕەخنەشا جە سیاسەتوو پەدەکەیچ گێرت و بە سیاسەتێوە لەیەک دریاوە، کە ئینا خزمەتوو ئەرەگیری و کۊکوژیی سەروو گەلوو ئێزدینە.

س.ز