قەرارا گەنجاو کورڎسانی و ئینتەرناسیۊنالیستۍ، ڕۊو ٣ۍ ئەیلوولی، شاروو دۊرتمۊندوو ئەڵمانیاینە کۊنفرانسێوە یەک ڕوە، بە دروشموو 'چەنی گەنجە ڕێکوزیایا بەرەو ئازاڎیی ڕابەرایەتی' ساز کەرا.

پێسە دەسەو ئامادەکاریی ئەرەیاونانش، کۊنفرانسەکەنە، هەرمانە و وەرپەرسبییەی گەنجا پەی ئازاڎیی جەسەیی ڕابەروو گەلوو کوردی، عەبدوڵڵا ئۊجالانی وزیۊ وەروو باسی، ھەرپاسە پارادیگماو دیموکراتیکی، ئیکۊلۊژی و ئازاڎیی ژەنا، کە بییەن هومێدێوە پەی گەلاو دنیۍ تاووتۊ کریۊ.

چەمەڕوان کریۊ، سەدان گەنجۍ فەڕەنسا، ئەڵمانیا، سویسرا، نەمسا، بەریتانیانە و چندین وەڵاتای تەروو ئەورووپاینە بەشداریی کۊنفڕانسەکەی کەرا.  

دەسەو ئامادەکاریی کۊنفڕانسەکەی ئەرەیاوناێوەنە یادشوستۊ، "ماوەو ٣٠ مانگان حیچ زانیاریێوە بارەو ڕابەروو گەلوو کوردی، عەبدوڵڵا ئۊجالانیوە نییا، ھەرپاسە "داواو بەشداریکەرڎەیشا لە کۊنفرانسەکەنە کەرڎێنە"  

جە ئەرەیاوناێوەنە ئامان، "داوا وەنەو گەنجاو کورڎسانی، ئینتەرناسیۊنالیستی، چەپ، شۊڕشگێڵن، سۊسیالیستی و دیموکراتەکا ئەورووپانە کەرمۍ، کە ڕۊو 3ۍ ئەیلوولی بەشداریی کۊنفرانسەکەیما کەرا، کە شاروو دۊرتمۊندوو ئەڵمانیاینە بە دروشموو 'چەنی گەنجە ڕێکوزیایا بەرەو ئازاڎیی ڕابەرایەتی'، ملۊ ڕاوە.

س.ز