کۆنفرانسو ئاشتی و دیالۆگی و دیموکراسی جە هۆتێل مەرجورەو بەرلینینە دەسشپنەکەرڎ و ژمارێوە فرە جە ڕۆشنۋیرا، نوویسەرا، ئەکادیمیسیا و ڕۆنامەنوویسا و سیاسەتمەدارا کورڎی جە ئۆروپانە ئاماڎۍ کۆنفرانسەکەی بێنۍ، هامکات ژمارێوە فرە جە ڕۆشنۋیرا، ئاکادیمیستا، ڕۆژنامەنوویسا و سیاسەتمەدارا تورکیایچ بەشداریشا جە کۆنفرانسەکەینە کەرڎ.

پرۆفیسۆر دکتۆر نەشێ ئۆزگەن، یۆ جە ڕێکوزا کۆنفرانسەکەی واتش: "مەرامو کۆنفرانسەکەی جە ۋەرا ۋەرو جەنگە جیهانیەکانە پارێزنای ئاشتی و دیموکراسیا، نەشێ ئۆزگەن ئاماژەش پانەیچ کەرڎ کە پەی ئاشتیێوە شکۆمەڼی و بەردەوامی دەسشا بە چالاکییەکەی کەرڎەن و ئاماژەش پانەیچ کەرڎ کە جەنگە جیهانیەکۍ دڎان بە جوگرافیاکارە نمەنیا و سەرو گرڎیشاوە دۆڵەتو تورکی جە دژوو گەلوو کورڎی جەنگو نکۆڵی و کۆمکوژی ڕاوەبەر مکەرۆ. هەرپاسە ئاماژەش پانەیچ دا کە دماییئارڎەی بە گۆشەگیریی سەرو ڕابەرو گەلوو کورڎی عەبدوڵا ئۆجالانی و ئازاڎکەرڎەی گرڎو زیڼانیا مکریۆ ئامانج و واتش، مشۆم گۆشەگیریی سەرو عەبدوڵا ئۆجالانی هۆربگیریۆ و پی جۆرە دمایی بە جەنگی بۍ جە تورکیانە."

"گەرەکشانە دمایی بە گەلوو فەلەستینی بارانە"

د. نۆرا ج.راگاب، توێژەرو پەنابەرا و ئەرەمەرزنەرو ئەرشیفو فێمینیزمی جە بەرلین، دکتۆر نۆرا ج ڕاگاب جە پانێڵەکەنە باسو جەنگوو ئیسرائیلیش جە غەززەنە و شەرعییەتدای بە جەنگەکەی کەرڎ جە سیاسەتی مېیاندەوڵەتینە و واتش: "متاومۍ بواچمۍ ئینە سیاسەتو دلێنەبەرڎەین سەبارەت بە فەلەستینی مشۆم بوچیۆ کە بە شێوێوە نایاسایی جە گرڎوو بوارەکا ژیۋاینە گەلی مکەرۆ ئامانج. ئینە بەتایبەتی پەی دلێنەبەرڎەی ئا گەلەیە مکریۆ."

ئەزموونو دیڎارەکا ئینا ئاشتینە

هەرپاسە جۆنی لێدێسما سەبارەت بە ئەزموونەکاش جە کاتو ئەرەنیشتەکا ئاشتینە جە فلیپین واتش: "جە ساڵەکا نەوەڎەکانە پرۆسەو ئاشتی جە پانیشتوو فلیپینی دەسش پنەکەرڎ. پرۆسەو ئاشتی چا جە مابەینو گروپە ئیسلامییەکانە بۍ. دماو ئی پرۆسەیە هەرێمە ئۆتۆنۆمەکۍ بە تایبەتی پەی موسڵمانا و خەڵکی تەرو فلیپینی کریێوە. چا دوۍ پرۆسۍ دەسشا پنەکەرڎ، یۆشا نیایرەو چەکی بۍ، دماو ئاڎیچی پرۆسەو دیموکراتیکی دەسش پنەکەرڎ، ئا پڕۆسە دەسکۆتی فرەش چنە بەدەسئاما.

هەرپاسە ئێدوارد شالالا، سەبارەت بە ئەزموونەکاش جە پانیشتوو ئەفریقای قسێش کەرڎۍ و جە درێژەو قسەکاشەنە واتش: "جە ئاکامەنە مافو مرۆڤی و دیموکراسی سەرکۊتەیۍ گۆرەش بەدەس ئارڎ.

'پەنەوازا پەی ئازاڎیی عەبدوڵا ئۆجالانی ئەرەکۊشایۍ جدیی بلۆڕاوە'

هەرپاسە پێشکەشکارێوەتەر جە پانێلەکەنە بە نامۍ پۆڵ گاڤانی ئەرەیاۋناش:

"گەرەکما باسو ئەرەکۆشای جە دژوو جەنگو گروپە چەکڎارەکا بکەرو. ئا جەنگە پەی ماوێوە فرەی بەردەوام بی. بەڵام بەڕاسی ئیرا وڵاتەکەما جە بواری ستراتیژی ئاشتیوە فرە چالاک بۍ. جە مابەینو کەسایەتیەکانە بە شێوێوە پەنهانی و ئاشکرا  کۊبیەیۆ ئەنجام دریا. جە ئاکامەنە ئیرا ئەرەکۆشایی چەکڎاریش مردنا. دماتەر دەرفەتەکۍ کریێوە ئەگەرچی پڕۆسەی چارەسەری سیاسی باس نەکریا، بەڵام قۆناغی فرە گرنگ ئاما وەڵێوە. پەنەوازا ئیساتۍ هامدەنگیێوە پا جۆرە جە ئاستو جیهانینە پەی فەلەستینی دەس پنە بکریۆ. هەرپاسە پەنەوازا پلاتفۆرمێوە پەی چەمڎاری یەکسانی گرڎوو گەلا دیاری بکریۆ.

چێگۆ پەشتیوانی ۋێم پەی ئەرەکۊشای گەلوو کورڎی ئەرەیاۋنو. ویرۆکە و ئەرەکۆشای عەبدوڵا ئۆجالانی نمەبۆ فەرامۆش بکریۆ بەڵکم مشۆم ئەرەکۊشایۍ هەستیار و جددی پەی ئازاڎیی عەبدوڵا ئۆجالانی ئەنجام بڎریۆ. دیسا پەشتیوانی ۋێم پەی گەلوو فەلەستینی پێشکەش مکەرو."