کۊنگرەو نەتەوەیی کورڎسان (کەنەکە)ی، سەبارەت بە گرژییەکاو ئارۊو دلۍ کۊمەڵەی ئەرەیاوناێوە نویسییاش وەڵا کەرڎۊ و ماچۊ: "بەکارئارڎەی چەکی وێکۊشتەین و ملۊ خزمەتوو ئەرەگیراو کورڎسانی و زەخموو دەیان ساڵەو دلێچ کۊلنۊوە".
ئارۊ گرژی بەینوو کۊمەڵەو زەحمەتکێشاو کورڎسانی و کۊمەڵەو شۊڕشگێڵنانە وەش بی، دۊخەکە یاوا بەکارئارڎەی چەکی و پا بۊنەوە دووۍ پێسمەرگۍ کۊمەڵەو زەحمەتکێشا گیانشا جەدەس دا، پی بۊنەوە کۊنگرەو نەتەوەیی کورڎسانی (کەنەکە) ئەرەیاوناێوە نویسیاش وەڵا کەرڎۊ، دلێسەنە داوا کەرۊ لایەنەکۍ بە لۊژیک و گیانوو نیشتیمانپەرەوەی و تەباییوە قۊرتەکا حەل کەرا.
دەقوو ئەرەیاوناکەو (کەنەکە)ی پێسنەن:
"بە نیگەرانیێوە فرەوە، سەرسەعبوو ئارۊ ڕۊو پەنجشەممەی، ١ وو پوشپەڕوو ١٤٠٢ ی وەرەتاوی، گرژی کەوتەن دلۍ ڕیزەکاو کۊمەڵەی و یاوان حەدوو هجوومکەرڎەی وتەقەکەرڎەی و دووۍ پێشمەرگۍ کۊمەڵەی گیانشا جەدەس دان. ئەوەڵۊ ئی کرڎەوەیە مەحکووم کەرمۍ و کوشتەی ڕۊڵەو کوردی بە دەسوو کوردی شەرمەزار کەرمۍ. چا پێوەنڎییەنە کۊنگرەو نەتەوەیی کورڎسانی (ک ن ک)، جگە بەروستەی نیگەرانیی وێش چا قۊمیایە، کە چا هەلومەرجە هەستیارەنە ڕووەش دا، داوا کەرمۍ لایەنە ناکۊکەکۍ بە لۊژیک و ڕۊحیەتوو نیشتیمانپەروەری و تەباییوە مامەڵە چەنی ئەو دۊخە نەوازیایە کەرا، چون بەکارئارڎەی چەکی وێکوشتەین و ملۊ خزمەتوو ئەرەگیراو کورڎسانیوە و زەخمی دەیان ساڵەو دلێچ کولنۊوە. پەنەوازا گرد لاێوە ڕا نەدا دۊخەکە چانەیە زیاڎتەر وناوی بۊ ئاڵۊسکیۊ. ئی ڕووەدایە نە ئینا بەرژەوەنڎیی خەباتی ڕزگاریوازوو گەلەکەیمانە و نە ئینا بەرژەوەنڎیی نامۍ و نامبانگوو کۊمەڵەینە. تەنیا دوژمناو کوردی و کورڎسانی دڵ پی جۊرە ناکۊکییا وەش کەرا. پەی هێورکەرڎەیۊ دۊخەکەی و وەڵیگێرتەی جە حەر نۊعە ئاڵۊزیێوە کۊنگرەو نەتەوەیی کورڎسانی (ک ن ک)، ئامادەن میانجیی هەردووی لایا کەرۊ وبە دیالۊگ ویاواینەی حەلوو ناکۊکییەکا کریۊ، پەنەوازا بە گیانوو وەرپەرسبییەی و هەستیاریی دۊخەکەی، قۊرتەکی تا زوون حەلۍ کریا، ، پی بۊنەوە حەرچیما پەنە کریۊ چی پەرسێنە و گنۊ سەروو شانەیما بە هەرمانەی نیشتیمانییەو وێماش مزانمۍ ئامادێنمۍ پەوپەڕوو وەرپەرسبییەیۊ کەرمێش."
