نوێنەرایەتیی کۊنگرەی نەتەوەیی کورڎسان (کەنەکە)ی هەولێرنە، سەبارەت بە هجووم و کوشتەی دەنیز جەودەت بولبونی، ئەرەیاوناێوە لاو هامسەرۊکەو کەنەکەی، زەینەب مورادێوە ونیاوە. مورادە کوشتەی دەنیز جەودەت بولبونیش شەرمەزار کەرد و واتش: "ئی هجوومە ئاسایی نییا. بەئامانجگێرتەی نوێنەرایەتیی کەنەکەی هەولێرنە بەئامانجگێرتەی خەباتوو یۊبییەی نەتەوەیی و گردوو کورڎان".

مورادە واتیچش، ئی  کرڎەوە تیرۊریستییە نەک هەر تاوان و دەسدرێژیکەرڎەین پەی سەروو گیانوو ئەندامێوە  کەنەکەی و چالاکێوە سیاسی، بەڵکوم هجووما پەی سەروو خاکوو کورڎسانی و ئاسایشوو هەولێری. مورادە واتیچش، پی هجووما دوژمنۍ نیشانەش مدا، کە چندە جە یۊبییەیی نەتەوەیی تەرسا و واتش: "چونکوم یۊبییەی کوردی جوابوو پلانە ئەرەگیرکارانەکاو دژوو گەلەکەیما و تەڤگەروو ئازادیی کورڎان".

س.ز