کەنەکە پەیامېوە سەرەوەشیش پۍ کۊچی دماین و هونەرمەنڎ بەیتۊجانی ۋەڵا کەرڎۊ، "بەیتۊجان میراسېوە هونەریش دماو ۋېش جیائاست، جە ئاسمانوو هونەری گەلوو کورڎینە هەسارېوە گەش و درەوشاوەبۍ، وەشەویس و گەلەکەیش و دڵسۊزوو خەموەروو ۋڵاتەکەیش بۍ".
کۊمسیۊنی کولتوور، زوان و هونەری کۊنگرەی نەتەوەیی کورڎسانی(کەنەکە)ی بۊنەو کۊچی دماین و هونەرمەنڎوو کورڎی، بەیتۊجانی پەیامېوە سەرەوەشیش ۋەڵاکەرڎۊ.
جە سەرەتاو پەیامەکەینە ئامان،"پېسە کۊمسیۊنی کولتوور، زوان و هونەری کۊنگرەی نەتەوەیی کورڎسانی کەنەکەی، خەم و پەژارەو ۋېما پۍ کۊچی دماین و هونەرمەنڎوو کورڎی بەیتۊجانی بەربڕمۍ".
جە بەشېوەتەروو پەیامەکەینە ئامان،"بەیتۊجان میراسېوە هونەریش دماو وېش جیا ئاست، جە ئاسمانوو هونەری گەلوو کورڎینە هەسارېوە گەش و درەوشاوەبۍ، وەشەویس و گەلەکەیش و دڵسۊزوو خەموەروو ۋڵاتەکەیش بۍ، قەناعەتما هەن ڕۊشنایی هونەرەکەیش، جەهانی هونەری گەلوو کورڎی و کورڎسانی، حەجگیز بەبۍ ڕۊشنایی نمازۊوە".
جە دمادمایی پەیامەکەینە سەرەوەشی ۋېش ئاڕاسەو گەلوو کورڎی و کورڎسانیا و دۊس و ئازیزا و خانەواڎەو ئا هونەرمەنڎەیە کەرڎەن.
