دەوڵەتی چەوسنەر و قڕکەروو تورکی تا بەیاگەیاونای پلانەو قڕکەردەی و دلێنەبەردەی کوردا بیاونۆ ئامانج، سالاو نەوەداو سەدەی وەڵینینە بە سەدان دەگێش سۆچنێ و چۆڵێش کەردێ، ئا کوردێ کە یانە و زەمین و زەرعاتەکەشا سۆچیا و ئەشکەنجە دریێ،ڕوەشا شارەکا کەردە و بڕێوەیچشا ڕووەشا کەردە پانیشتوو کوردسانی. چەنی گردوو ئینیشایچە پالنەو قڕکاریی دوژمنی سەروو کوردارە سەرنەکەوت و گەلوو کوردی فرە زیاتەر خاوەندارییش وەنەو دەگێ و خاکوو وێشا کەرد. وەلێ پێسە موینمێ ئی کۆنسێپتە قڕکارییەو ساڵەکاو نەوەدەکاو دەوڵەتوو تورکی سەروو دەگایەکا و خاکوو وێشا کەرد. بەڵام پیسە موینمێ ئی کۆنسێپتوو قرکارییە ساڵاو نەوەدەکاو  دەوڵەتوو تورکی سەروو دەگایەکاوە، ئیساتێنە بە دەسوو بنەیانەو بارزانی زیندە کریانۆ و هەرمانەش پەنە مکەرا.

چی وتارەمانە تیشکە موزمێ سەروو ستراتیژوو سرووشتوو کوردسانی، کە سیاسەت و جەنگش ملەرە مبڕیانێ. کوردسان بەهەشتوو سەروو ڕوو ەو زەمینین، سەرو چێروو زەمینیش سامانیوی دەوڵەمەندەا و سەرچەمەو ژیواین. سەدان ساڵێن جەنگێوی سەختوو قڕکەردەی نەتەوەییش سەرۆ کریان و جەنگ نەمەنەن سەرشۆ تاقی نەکریۆوە. جگە جە ئینیشایچ کوردستان جە بەهەشتنەبیەی وێش نەبڕیانەرە. وەختێ ئێمە باسوو  کوردسانی مکەرمێ، هەڵبەت نمەتاومێ کوردا و سرووشتوو کوردسانی بڕمێرە جە یۆترینی. چونکوم سرووشتوو کوردسانی پێسەو نامێ ئینا دلێ دڵوو  گرد کوردێوەنە. پاسە جوان و بەرزا. سیاسەتەکاو قڕکەردەی و تالانکەردەی کوردسانی کە ماوێوە فرە درێژا،لاو ونچەکناو کوردیوە میاونیۆ یاگێ، تا بێ قووڵتەر مبۆوە. چی ماواو کۆتایینە وەختیوە وەنەو کوردسانی لا مکەرمێوە، ئینسان ئا ڕاسییە موینۆ کە پانیشت، سەرنیشت، وەرنیشت، وەرکەوت گڕەش گێرتێنە و مسۆچنیۆ.

پێسە چەنی ئانەیە دەوڵەتوو تورکی ساڵاو نەوەدەکانە بە دەسوو جەردەوانەکاوە چەتەکاوە دەگایەکا سۆچنێ، چۆڵێشا کەرێ و کەرێشا یاگێ جەنگی و ئاڵۆزی، ئیساتێنە دەوڵەتوو تورکی بە دەسوو بنەیانەو بارزانی ئایرش وەنەو کوردسانی وەردان و دەگایەکا چۆڵێ مکەرۆ. ١٦و نیسانیوە دەوڵەتوو تورکی ئەرەگیر بە دەسوو بارزانییەکا گەرەکشا هجوومە قڕکەر، فاشیست، ئەرەگیرا و لکنایەکاو سەروو پانیشتوو کوردسانی وەرفراوانتەر بکەرۆ. پەی ئینەیچە ئەوەڵۆ دەوریوە گەورە و کاریگەرشدان بە یانەو بارزانی. ئی دەورەیچە بە چۆڵکەردەی دەگا و کویسانەکاو پانیشتوو کوردسانی جە خەڵکی و وەڵاکەردەیوە تۆڕە سیخوڕییەکا بێ. پەی ئینەیچە ئانە زانییان، کە پەدەکە بەنامی دەوڵەتوو تورکیوە بە دەگانشیناش واتەن، دەگایەکا چۆڵێ بکەردێ حەرچی زەرەر مکەردێ پەیتا قەرەبوو مکەرمێوە، حەر سەبارەت پا دەرەو پەدەکەی ئا دەگانشینێ کە گەرەکشا نەبییەن دەگا و کویسانەکا چۆڵێ بکەرا،پەدەکە هەڕەشێ کوشتەی و فارایوەش وەنە کەردێنێ. چا چوارچوەنە  ئیساتێنە ڕێژێوە فرەو دەگایەکا چۆڵێ کریێنێ و دەوڵەتوو تورکیچ بە عارەزوو وێش گرد وەختێوە دەگایەکا بۆردومانێ مکەرۆ و ئایر وەنەو کویسانەکا وەر مدۆ.

ڕۆو ئەوەڵوو سیاسەتوو لکنایوە تا ئیساتێ بەهەزارا ئاژەڵ و گیانەوەرێ سرووشتی و یانەی و باڵندێ سرووشتو کوردسانی کوشیێنێ. بە سەدان یانێ، کێڵگێ و باخێ دەگاییەکا سۆچیێنێ و چۆڵێ کریێنێ، سەدان درەختێ عومردرێژێ سەدان ساڵێ کوردسانەنە ورکێشیێنێ و سۆتێنێ و بڕیێنێوە کە سۆچنایشا سۆچنای تارێخوو کوردسانین و دەگاییەکاو هەرێمەکەی ماچا" نەک حەر ئاویرەکە، بەڵکوم ئا بێدەنگییە ئیساتێ ئادیشا مسۆچنۆ".

پەنەوازا خاس بزانیۆ، کە سۆچنای کوردسانی یۆ جە کۆنسێپتەکاو قڕکەردەی کوردی و کوردسانین، سەرنیشتوو کوردسانینە گرد ڕوێ جەردەوانێ دارێ و سرووشتوو سەرنیشتی قڕ مکەرا. ئیساتێچەنە هەمان شێواز سەروو سرووشتوو کوردسانیوەمبریۆنە ڕاوە. ئانە فرەتەر ئێشش هەن حەر چوار پارچەو کوردستانینە  بە دەسوو کوردە نۆکەراو کوردسانی قڕ مکریۆ. خودوو ئا کۆنسێپتەینە تارێخ مسۆچنیۆ. پەوکای وەراوەروو پلانەو قڕکەردەی و دلێنەبەردەی کوردسانینە تەنیا یەک ڕا هەنە، ئادێچ پارێزنای وەڵاتین. شانە بە شانەو گەریلای دژوو قڕکاری و خیانەتکارا. پەنەوازا خاس بزانیۆ کورد بە تارێخوو سرووشتو وێشۆ هەنم ئارۆنە هجوومێوی گەورە و سەخت سەروو تارێخ و سروشتو کوردسانیوە هەن.پەنەوازا گەلوو کوردی و ئازادیوازێ بە وەرفراوانی تارێخ و شرووشت و وێسا بپارێزنا، گەر تارێخ و سرووشت نەمەنا، گەل هیچ مانێوەش نمەمەنۆوە و کورد بە سرووشتوو وێشۆ هەن.