ڕێکوزیاو ژیوای هاگایینامێونە ئەرەیاونانش کە درێژەو چالاکییە کولتوورییەکاشانە بە هامکاریی ڕاوەبەریی گردینوو ڕۆشنویریی هەڵەبجەی کۆنیشتوو ئرمانای دەفتەرەشیعروو "کەشکەشان"وو شاعیر"فاتێح بەختەوەر"ی بەرۆ ڕاوە، کتێبەکە جە کۆنیشتەکەنە مرمانیۆ و هەردوووە نویسەرێ و شاعیرێ هەورامانی "جەلیل عەباسی" و "ناسێح خارگێڵانەیی" ئەوەوانای سەروو دەفتەرە شێعرەکەی کەرا.

یاگێ واتەینە "فاتێح بەختەوەر" شاعیرێوە هەورامی ئیسەو هەورامانین و سەردەمیوەن قەڵەمەکەش مەیدانوو شیعراو هەورامانینە هەرمانە کەرۆ و سرووشت و ژیوای هەورامییانە کەرەسێ شیعرەکاشنێ و فرەو کۆبیەیۆ و بەرنامە و مەراسیم و جەمۆبییەیە هەورامییەکانە شیعرەکاش وانۆوە و پەلیانە و گۆڤارە هەورامییەکایچەنە وەڵاشا کەرۆوە.