کوردیناسیۆنو گلێرگەو ئێزدی-ئۆروپای داواو خاوەنداریکەردەیش جە شەنگالی کەرد
کوردیناسیۆنو گلێرگەو ئێزدی-ئۆروپای (KCE-E) پەی خاوەنداریکەردەی جە شەنگالی داواو بەشداربیەیش جە چالاکیەکانە کەرڎ.
جە ئەرەیاۋناکەینە ئامان، هرووژمەکۍ شەوەی ۋیێەردۍ دۆڵەتو تورکی ئەرەگیری پەی سەرو شەنگالی، بە مەبەسو حەقکەردەیۆن جە شکسەکا داعشی.
هەرپاسە کوردیناسیۆنو گلێرگەو ئێزدی-ئۆروپای ئەرەیاۋنانش هرووژمەکۍ مەرامو ۋێشا مە پێکا و سەرۍ نمەگنا. دۆڵەتو فاشیستو تورکی نمەتاوۆ پا هرووژمە وەحشیانەیە ئاڵۆزی و وڕای سەروازی، کۆمەڵایەتی، ئابووری و هەمەلایەنەو ۋێش بشارۆوە و ڕزگارش بۆ.
جە پرۆسێوەنە کە قەرارا باس جە واقیعو کوردی بکریۆ، پی هرووژما ڕوەی حەقەتینەشا ئاشکرا بۆنە.
هیچ هێز و هرووژمێوە نمەتاوۆ لوای بەرەو خۆسەری شەنگالی مردنۆنە.
هەرپاسە جە ئەرەیاۋناکەینە داوا جە گرڎ کەسێ کریان خاوەنداری جە شەنگالی بکەرا و بەشدارۍ چالاکییەکا با.
هامکات داوا جە ناوەندە پەیوەندیدارەکا کریان کە جە دژو هرووژمەکا ئەرکو ۋێشا جابەجێ بکەرا.
