ڕێکوستەکا گەنجاو ئیزمیری وەرا وەر بە گێرتەی و دەس سەرەرەگێرتەکا چن ڕۆی وییەردەی جە سەرەتاو بازاڕو کارشیاکای تا وێسگەو کارشیاکای ئیزبانی ڕاپیمایشا کەرد. جە ڕاپیماکەینە لافیتەو"فەلەستین هینوو ئێمەن، تەقسیم هینوو ئێمەن، وان هینوو ئێمەن، کایپاکایا هینوو ئێمەن، مەوزیارە! بەرزکریاوە و دروشمەو، "بە دەس سەرەرەگێرتەی،گێرتەی و فشاری مەتاودۍ ڕاگیریما ونە بکەردێ"، "بژیۆ کۆشیای شۆڕشگێڵناما"، "زیندانیا سیاسی کەرامەتوو ئێمەنێ" و "بژیۆ مدرامانوو زیندانیا" بە بەردەوامی وچیێوە.

بەنامۍ ڕێکوستەکا گەنجاوە یوسف مەتین کاراکایا قسێس کەردێ و واتش: " فرەو شارەکانە بە بەهانێ بێ بنەمای چالاکێ گیریێنێ، جە سەردەمێوەنە کە جە بوارو سیاسەتی بۆرژوازینە باس جە 'نەرمبیەی' کریۆ ،کرێکارا، ڕەنجدەرا، گەلا چەوەسیای و شۆڕشگێڵنا ئینێ چنیشا، چی چن حەفتەنە دیەنشا کە 'نەرم بیەی' ماناش چێشەنە.

کۆشیای وێما گردوو شارەکانە پەرە پنەمدەیمێ

کاراکایا ئەرەیاوناش کە سیاسەتوو "نەرمبیەی" پەی گەلو کوردی مەبۆ و ئاماژەش پانەیچ کەرد، دەسەڵات بێجگە جە جەنگی و قەیرانی ئایندێوەش پەی ملیۆنان کەسا نییا. حەرپاسە واتش، ئیمپریالیستەکێ چا ئیرادە شۆڕشگێڵنیە متەرسا کە جە گەزی، وەرنیشت و فەلەستینەنە وێڕاگری مکەرۆ و جە درێژەو قسەکاشەنە واتش، با بزاندێ ئاژێوە خراپا کە شمە پەی شۆڕشگێڵنا، ژەنا، کرێکارا، خۆنکارا وەشتا کەردەن و ڕووانە پا سیستمە ڕێزایتاوە کوشدێشا، نەکەردێ خیاڵ پا ئاسانیە نمازمێ سەرتارە وییەرۆ. بە پەرەدای بە کۆشیایما جە گردوو شارەکانە هەڤاڵاما هۆرگێرمێوە."