کژار جە بانگەوازېنە کە ئاڕاسەو ڕای گرڎینەی، ڕېپۊرتەری تایبەتی نەتەوە یۊگېرتەکا پۍ مافەکا مرۊڤی جە ئېران و ڕېکوزیا میان نەتەوەییەکا داکۊکیکار جە مافەکا مرۊڤی کەرڎەن و ئەرەیاۋنانش:" جە ١٠ و گەلاوېژوو ٢٧٢٣، (١ و ئاب و ٢٠٢٣)وە یۊ جە ئەنڎاما ڕېکوزیاکەیما(گلېرگەو ژەنا ئازاڎیی ۋەرکەوتوو کورڎسانی کژار)ی، بەنامۍ  وریشە مورادیۍ ئشناسیۍ   بە جوانا سنەیۍ، کە سەرحاڵەو ڕاوەبەرڎەی جەمۍ جە هەرمانوو کاری سیاسی و ڕېکوستەی پەیوەنڎیدار بە ژەنا جە ۋەرکەوتوو کورڎسانی بۍ، نزیک بە شاروو سنەی جە تەرەفوو هېزە ئەمنیەکا جمهوری ئېرانیوە ئەڕفیا پۍ شۊنۍ نا دیارۍ.

ئاماژە پانەیچ کریان،"چی ماوەنە سەرەڕاو شۊنیرەلوای ۋەردەوام و خانەواڎەو هامڕېما وریشە مورادیۍ پۍ داموودەزگا ئەمنیەکا، حیچ زانیاریېوە سەروو چارەنۋیسوو نامبریۍ دەس نەکۊتەن. ئی مژارە نیگەرانیش جە ڕېکوزیاکەو ئېمەنە و حەرپاسە خانەواڎەکەیشەنە، سەبارەڎ بە ئاژەو نادیاروو نامەبریۍ زیاڎ کەرڎەن".

کژار ئەرەیاۋنانیچش:"سەبارەڎ بەبۍ سەروو شۊنکەرڎەی ئی هەڤاڵېما جە لایەن و هېزەکا دەزگاو سیخوری سپاو پاسداراو وەزارەتوو ئیتڵاعاتی، ئېمە جمهوری ئېرانی بە ۋەرپەرس مزانمۍ جە پارېزنای گیانوو مافەکا هەڤاڵە جوانېنە".

جە دمادمایینە ئەرەیاۋنانش:"حەرپۊکەی داوا جە ڕای گرڎینەی، ڕېپۊرتەری تایبەتی نەتەوە یۊگېرتەکا پۍ مافەکا مرۊڤی جە ئېران و ڕېکوزیا میان نەتەوەییەکا کەرمۍ، کە ڕاو جای پەنەواز سەبارەڎ بە شۊنیرە لوای پۍ بۍ سەروو شۊنکەرڎەی هەڤاڵە جوان سنەیۍ و حەرپاسە سیناریۊسازی ئەرەمەرزیا ئەمنیەکا دژوو نامەبریۍ گېرانە وەر.