دەسەی ڕاوەبەری کەژەکەی داواش جە گەلوو کورڎی کەرڎ کە دژوو خیانەتەکەو پەدەکەی و خانەواڎەو بارزانی هەڵۋېسېوە بەرجەسە نیشانە بڎا، مدرامانی بە گوڕتەر کەرا و هەنگامەو یەکڕیزی و یۊبیەی نەتەوەیی بەقوەتتەر کەرا. تەئکیدش کەرڎۊ، ئا یەک ڕیزیە بۊ بە گۊرەتەرین جواب.
دەسەی ڕاوەبەری جەمەو ژەنا کورڎسانی (کەژەکە)ی جە ئەرەیاۋنېوەنە هجومەکۍ سەروو نوېنەرایەتی پانیشتوو کورڎسانی کەنەکەی و فڕگەخانەو عەربەتېش شەرمەسار کەرڎۍ.
کەژەکە ئەرەیاۋناش، جە کورڎسانەنە بناغەو یۊبیەی نەتەوەیی دیموکراتیکی پەشتی بە ئیراڎەو ژەنا بەسۊو ۋاتش،"جە ۋەران ۋەروو فاشیزموو دۊڵەتوو ترکی و پەدەکەینە کە پېسە هامکارېوە سەروو خەتەو خیانەتیۊ ڕا کەرۊ، مشۊم ئېمەی ژەنا واچمۍ'مردە' و کۊشیایما گەشتەر کەرمۍ. جە دژوو ئا هجوما پۍ سەروو ژیۋای، نەتەوە و ئشناسنامەی، پەنەوازەن جە گرڎ یاگېنە بە ئیراڎۊ کۊشیای کەرمۍ، دژ بە پلانەکا دلېنەبەرڎەی کوردایەتی جە سەڎەو ٢١ینە، ئېمەی ژەنا کورڎی مشۊم پارېزنای جە بیەو، ۋڵاتی و ئشناسنامەکەیما کەرمۍ و ڕا بە خیانەتی و کۊکوشی نەڎەیمۍ.
دەقوو ئەرەیاۋناکەی پی جۊرەنە:
ڕۊو ١٨ و ئەیلولی جە هۊلېر، هجوم کریا سەروو نوېنەرایەتی پانیشتوو کورڎسانی کەنەکەی، جە ئاکامەنە هەڤاڵ دەنیز جەودەت بولبون گەشمەرڎە بی. هەمان ڕۊ هجوم کریا سەروو فڕگەخانەو عەربەتۍ جە سلېمانی یەرۍ پېشمەرگۍ دژەتیرۊر و یەنەکەی گەشمەرڎۍ بیۍ. ئېمە بە ڕېزۊ یاڎوو هەڤاڵ دەنیزی و یەرەپېشمەرگەکەو یەنەکەی کەرمېوە و سەرەوەشی ۋېما ئاڕاسەو خانەواڎەکاشا و گەلوو کورڎی کەرمۍ، پەنەوازەن بزانیۊ کە ئېمە بە حیچ جۊرۍ ئا هجوما قبوڵ مەکەرمۍ، بە گەشتەرکەرڎەی کۊشیایما دژوو خیانەتی و قڕکاری فاشیستی ۋنەپەرسایۊ کەرمۍ.
پۍ بەرز ڕاگېرتەی یاڎوو دەنیز بولبونی ئېمە خەبات پەی یۊبیەی نەتەوەیی میاۋنمۍ بەبەرزتەرین ئاست
هەڤاڵ دەنیز کە پۍ وەڵۍ وستەی یۊبیەی نەتەوەی دیموکراتیکی جە کورڎسانەنە ڕەنج و مانیایۍ فرەش کېشا، جە کەسایەتی ئاڎینە هجوم کریا سەروو حۊلە نەتەوەییە بەنرخەکا کەنەکەی.هوشیاری نەتەوەیی و تەجرووبەو هەڤاڵ دەنیزی و کەسایەتی کولتوری کە ئینسانەکېش جە دەورو هەنترینی کوۍ کەرڎۍ، پاسەش کەرڎ جە هەرمان و خەباتەنە پەی یۊبیەی نەتەوەیی نمونېوە سەرمەشق بۊ. جواب پۍ بەرز ڕاگېرتەو یاڎوو هەڤاڵ دەنیزی، پارچەکەرڎەی خیانەتی و گەشتەرکەرڎەی هەرمانۍ و خەباتی پەی یۊبیەی نەتەوەیی دیموکراتیکیا.ئەگەر دووژمن بە هجوم کەرڎەی سەروو بارەگاو کەنەکەی و هجوم کەرڎەی سەروو هەڤاڵ دەنیزیگەرەکشا شکس بە هەرمانەکاش پەی یۊبیەی نەتەوەیی پېک بارۊ و قوارەی کۊڵۊنیالیستی سەڎ ساڵەی پېسە ۋېش بازۊوە، وەرپەرچدایۊ ئانەی مشۊم بەقوەتتەرکریۊ، گۊرەکەرڎەی یۊبیەی و یەکڕیزی نەتەوەیی و دمایی ئارڎەی بە خیانەتی بۊ. تەنیا پی جۊرە متاویۊ یاڎوو ئاڎیی بەرز ڕاگیریۊ.
کرڎەوەکۍ دۊڵەتوو ترکی و پەدەکەی
هجومو سەروو فڕگەخانەی جە سلېمانینە پۍ ئا مەبەسینە کە دۊڵەتوو ترکی هامکاری سیخوڕی و خیانەتی کە چنی پەدەکەی خولقنانش بە تەماموو پانیشتوو کورڎسانیرە ۋەڵاش کەرۊوە، چۊکشا پنە بڎۊرە. ۋەروو ئانەی ئا هېزۍ جە کورڎسانەنە بە ئشناسنامەو ۋېشاوە کۊشش کەرا مل بڎا بە دۊڵەتوو تورکی، هەڵمەتېوە پەلاماردایش پۍ سەریشا دەس پنەکەرڎەن. ئا هجومۍ کە ماوەو ئی چن ڕوەینە جە ۋەرنیشت تا شەنگال، برادۊست، سلېمانی و هۊلېر کریۍ، نیشانۍ ئا هەڵمەتېنە. ۋېش جە ۋېشەنە پەدەکە جە هەرېمەکا زاپی و مەتینایچەنە ماوېوە فرەن چەمساغی پۍ ترکی ئەرەگیری مکەرۊ. ماوېوەن پەدەکە گەرەکشا بلۊ دلۍ مېڎانەکا گەریلای جە هەرېموو برادۊستی، پی جۊرە ئاێروو جەنگی هورگیرسنۊ. جە هەمان وەختەنە هجومە ئاماژە پنەکریېکۍ ڕووەشادا کە ئانۍ گرڎ بە ڕۊشنی بەرش وزا کە سەرچەمەو ئا هجوما ترکی ئەرەگیروو پەدەکەنۍ. هجومەکۍ دماو سەرداکەو هاکان فیدانی پۍ عېراقی و پانیشتوو کورڎسانی ئەنجام دریۍ کە ئا کەسە وەزیروو بەرین و بکوژېوەن کە دەسش بە ۋنەو کورڎا سورەنە. حەرپۊکەی ئەنجامدەرۍ ئا هجوما بە ڕۊشنی دیارېنۍ.
دۊڵەتوو ترکی ئەرەگیری دژوو گەلوو کورڎی تاوانەو جینۊسایدی ئەنجام مڎۊ. پەدەکەو خانەواڎەو بارزانیچ جە دژوو ئشناسنامەو نەتەوەو ۋېشا هامکاری ئا کۊکوشیا کەرا. جە دژوو خیانەتەکا پەدەکەی و خانەواڎەو بارزانی و هجومەکا ترکی قڕکەری ئەرەگیری مشۊم گەلوو کورڎی هەڵۋېسی ڕۊشن ئەنجام بڎا. گوڕ بە مدرامانی بڎا و هەڵمەتەو یۊبیەی نەتەوەیی بەقوەت کەرا. ئینە بۊ بە گۊرەتەرین جوب دەرەوە.
ئانەی میاۋنۊما بەسەرکۊتەی مدرامانا دژ بە خیانەتی و فاشیزمی
ئی هەڵمەتەو هجوما پەی دلېنەبەرڎەو دەسکۊتەکا ٥٠ ساڵی ۋیەرڎەو کورڎان. گرڎ چېۋۍ بە ڕۊشنی دیارا. دۊڵەتوو ترکی جە هجومە قڕکەریەکاشەنە، هامکاری پەدەکەیچ جە خیانەتەنە یاۋېنۍ بە دما ڕادەو ۋېشا، بەشېۋېوە چالاک و ئاشکرا پېوەرە جماوە. مشۊم گەلەکەما و ژەنا کورڎی خەتەو پەدەکەی جە دژوو گەلەکەو ۋېش، جە دژوو گەریلاکا کە شکۊو کوردایەتی پارېزنا، جە دژوو ئەرەمەرزیا دیموکراتیکەکا و حیزبەکا جەنگ کەرۊ، دەسکۊتە کورڎسانیەکا هورشېونۊوەو پېشکەش بە دوژمنیشا کەرۊ، ئانیشا گرڎ بۋینا و جە دژوو ئانەی هەڵۋېس نیشانە بڎا. پانیشتوو کورڎسانی، هۊلېر، کەرکوک یانەو کەسی نیەنۍ، موڵکوو خانەواڎەو بارزانی نیەنۍ. چارەبۋیسوو گەلوو کورڎی، ژەنا کورڎی، چارەنۋیسوو کورڎسانی بەخەتەو خیانەتی دیاری مەکریۊ. جە دژوو ۋۍ دایدەسۊی و خیانەتی وەخت وەخت و مدرامانی و سەرکۊتەیا. جە سەڎەی ٢١ەمینینە ئانەی کورڎا میاۋنۊ بە سەرکۊتەی، پەرەپنەدای مدرامانین دژوو خەتەو خیانەتی، مدرامانا دژ بە فاشیزمی قڕکەری. جگە چانەی حیچ ڕېوەتەر بیەیش نیا، کە دەسکۊتەکا کورڎا پارېزنۊ و ۋەڵېشا وزۊ.
ئامانجېوەتەروو هجومەکا گەلا عېراقینۍ
ئامانجېوەتەروو ئا هجوما گەلۍ عېراقینۍ. هەمان ئا تاوانۍ جەنگی دژوو ئاڎیشایچ ئەنجام دریا.گەرەکشانە کە جە کەرکوک، شەنگال، مەخمور، سلېمانی و هۊلېرەنە ئاژاوۍ بنیاوە و پشېوی وەش کەرا. ئینە پلانەو دۊڵەتوو ترکینە کە گەرەکشا جە پانیشتوو کورڎسانیۊ دەسپنەکەرۊ و بڕۍ مەنتیقۍ دیاری کریۍ عېراقی ئەرەگیر کەرۊ، بۊ بە دۊڵەتېوە باڵا دەس جە مەنتیقەکەنە. دۊڵەتوو ترکی ۋەردەوام ماچۊ ئېمە ڕېز جە گەلوو کورڎی و گەلا عېراقی گېرمۍ دژوو ئاڎیشا نیەنمۍ جەنگەنە، دژ بە تیرۊروو پەکەکەی جەنگ کەرمۍ. پا قسۍ حۊڵ مڎۊ پلانە چەپەڵە فراوان وازیەکاش پەردەپۊش کەرۊ. جمیەرەکەما پەی یۊبیەی دیموکراتیکی گەلا کورڎسانی، گەلا عېراقی و گەلا ۋەرکەوتوو میامینی کۊشش کەرۊ. ئانەی بەشش کەرۊ و تیرۊریزەش کەرۊ دۊڵەتوو ترکی و هامکارەکېشەنۍ.گرنگا ۋەرپەرسا عېراقی جە بنەڕەتیچەنە گەلا عېراقی پلانەی قوڵەشا بۊ و هەڵۋېس ۋەران ۋەرشا نیشانە بڎا.
بانگەواز پۍ ژەنا کورڎی و هېزە کورڎسانیەکا
فەلسەفەو "ژەنۍ، ژیای، ئازاڎیی" جە کورڎسانەنە ژیۋایۍ تازەو ژەنی ئازاڎەش وەڵۍ وستېنە و ئا فەلسەفە بە جەهانی بیەن. ئا ژەنۍ جە کورڎسانەنە بیېنە بە ئیراڎە ژیۋاین، نەتەوەن، یۊبیەی نەتەوەی دیموکراتیکیا.کۊڵەکۍ یۊبیەی دیموکراتیکیجە کورڎسانیچ پەشتی بە ئیراڎەو ژەنا بەسۊ. جە دژوو فاشیزموو ترکی و پەدەکەی کە پېسە هامکاری و داردەسی سەروو خەتەو خیانەتی ڕاکەرۊ. مشۊم ئېمەی ژەنا واچمۍ'مردە' و کۊشیایما گەشتەر کەرمۍ. جە دژوو ئا هجوما پۍ سەروو ژیۋای، نەتەوە و ئشناسنامەی، پەنەوازەن جە گرڎ یاگېنە بە ئیراڎۊ کۊشیای کەرمۍ، دژ بە پلانەکا دلېنەبەرڎەی کوردایەتی جە سەڎەو ٢١ینە، ئېمەی ژەنا کورڎی مشۊم پارېزنای جە بیەو، ۋڵاتی و ئشناسنامەکەیما کەرمۍ و ڕا بە خیانەتی و کۊکوشی نەڎەیمۍ.
داوا جە ژەنا کوردی، کرېکارا، دەگا نشینا، ڕۊشنۋیرا، ژەنا ئەکادیمی جە گرڎوو بەشەکا کورڎسانی و بەروو ۋڵاتی کەرمۍ کە جە قۊناغېوە تاریخی پی جۊرەنە، قۊناغەو کۊشیای هامبەشی وەڵۍ وزاو دەوری تاریخی ۋېشا گېڵنا. مشۊم ژەنۍ کورڎی دەوروو ۋېشا گېڵنا و هەرمانۍ کەرا کە تاریخ واوەی نەبۊوە. حەرپۊکەی داوا جە گرڎوو هېزە کورڎسانیەکاو حەرپاسە ژەنا کورڎی کەرمۍ، کە سەروو خەتەو مدرامانی گوڕ بە کۊشیای بڎا و یۊبیەی کورڎسانی ئازاڎیی گۊرەتەر کەرا.
