کۆردیناسیونو کەژەکەی دەسنیشانش کەرڎ ئایدۆلۆجیاو ڕزگاری ژەنا و چوار گوڵە نێرگزەکەو ڕابەر ئاپۆی بەقیمەتتەرین و زەریفتەرین سەوقاتیا و واتش: "ئینا دەسو ئێمەنە کە پی سەوقاتیۆ ژیۋای ۋێما، ژەنا، زاوڵا، جوانە ژەنا بکەرمۍ بە نێرگز. بکەرمۍ بە وەهار، بکەرمێش بە نموونەو باخچێوی. شاڎومانێنمۍ پی جۊرە پێشوازی جە وەهاری مکەرمۍ و پی ماناڎارییۆ ڕاپەڕین و ئەوەکۊشای ئەرەمەرزنای دیموکراسی و هیواما پەی ئایندەی گۊرە مکەرمۍ."

ئەرەیاۋناکەو کۆردیناسیۆنو کەژەکەی پی جۊرەنە:

"بە پەیامو مانیفیستۆو ڕزگاری ژەنەو سەدەو ٢١و ڕابەر ئاپۆیۆ پێشوازییما جە ٨و ئادارو ئێساڵیما کەرڎ. ڕابەر ئاپۆ ئا سەردەمەی کە ئینایمێش چنە پېسە سەردەمو ڕێنساسو ژەنۍ و ڕۊشنبیەیۆ ژیۋای ئازادی هۊرسەنگنا و گرڎو کاتەکەیش هۊرچەرخنا سەرو ٨و ئاداری، ولی و وەهار. سڵام جە ڕابەر ئاپۆی و مانیفیستۆکەیش مکەرمۍ!

ژەنی جە مېڎانەکەنە بێنۍ

ژەنی کە گۊششا دارانە مانفیستۆکەی جە ٨ـو ئادارینە سەرمەشقیشا جە بانگەوازو "ئاشتی و گلېرگەی دیموکراتیکی" کەرڎ و جە سەرنیشت، تورکیا، سەرنیشت و ۋەرکۊتوو سووریای – ۋەرنیشت، شەنگال، مەخموور، ۋەرکۊت، پانیشت و ئۆرووپانە جە جاڎەو مېڎانەکانە بێنۍ. بە قەرارداری ئازادی، دیموکراسی و یەکسانی جە کوردەسانەنە و ژەنا کوردی جە لێوەو جە وەرا وەرو تنووتیژییەکا دەسەڵاتداری پیاسالارینە هەڵوێسو ۋێشا نیشانە دا، جە لېوەتەرۆ قەرارداری ۋێشا پەی سەرمەشقی جە پرۆسەو "ئاشتی و گلېرگەی دیموکراتیک"ی بەروست. جە تورکیا، سووریا و ئۊرووپانە ژەنی بە چاند، زوان و ڕەنگی جیاوازۆ چنی یۆی کوۍ بیێوە. جە گرڎو ناوچەکا جەهانینە ژەنی جە دژو دۊڵەتی-دەسەڵاتداری پیای و زایەنپەرسی، جە دژو هرووژمەکا سەرو ژەنا و زاوڵا هەڵوێس، دەنگ و ئەرەپڕای ۋێشا گۊرە کەرڎ. پېسە کەژەکەی سڵام جە گرڎو ئا ژەنا مکەرمۍ کە جە شوباتۆ تا ٨و ئاداری بە چڼین چالاکیۍ جە جاڎەکا، مېڎانەکانە گرڎ ڕوۍ کەرێنۍ بە ٨و ئاداری و ئی ڕەنجە دیموکراسی و ئازدییە پیرۆز مکەرمۍ!

ژەنی ۋنەپەرسایۆ مکەرا

کۊشش و هۆشیاری ئازادی ژەنا، ئەوەکۊشایۍ کە سەدەو ٢١ ڕۊشن و ماناڎار مکەرۆ، چنی ئی وەهارەیە دەسش پنەکەردەن. ئەوەکۊشای ژەنۍ هۊرگیرو ئا هێزەینە کە ژیۋای ڕووانە و جەهانیما فاڕۆ. هەروێش جە ٨و ئادارینە ئینەما دی کە دەنگو سنوربڕی ئەوەگێڵای ژەنا، پێوەرە دەسو یۊیشا گێرت و بیۍ بە داراو چ هێزێوە و چ زەریفیێشا خوڵقنا. زانابیەی ژەنا هۆشیاری، ئانۍ هۊرئێستۍ و ڕاپیمایشا کەرڎ، هێزو ژەنۍ ئارۊنە ۋێش بە ڕێکوستەی مکەرۆ و ۋنەپەرسایۆ جە دەسەڵاتداری پیای مکەرۆ، دەنگ هۊربڕاو کە چ جۆرە ژیۋایێش گەرەکا،  درێژە بە ۋۍ ڕێکوستەبیەی مڎۆ. درووشمۊو "ژەنی، ژیۋای، ئازادی" جە دژو گرڎ جۆرە تنوتیژیێوە پیای، ئایدۆلۆژیا و کولتوورو زاینپەرسیش ئەرەمەرزنا، بیە بە چەترە و بەرنامەو ئەوەکۊشای هامبەش. ڕابەر ئاپۆ پیاسالاریش جە ناخو ۋێشەنە کوشت و بی بە هیواو ئازادیی ژەنا. ڕابەر ئاپۆ پی ٨و ئاداریوە ئاستو ئەوەکۊشای ژەناش گۊرەتەر کەرد و ئەرک و دەورش پەی ئەوەکۊشای گۊرەتەر کەردۆ.

پەنەوازا گفتوگۆ سەرو مانیفیستۆو ڕزگاری ژەناما بکەرمۍ

بە شۆڕشو ژەنۍ و ڕێنساسۆ سەردەم سەردەمو ئێمەن. پەی ئانەی گرڎو سەردەمەکەی بۆ بە سەردەمو ئێمە، مشۊم گرڎ ڕوۍ بە ماناڎاری ٨و ئاداریوە بژیومۆ‎ۍ و ئەوەکۊشمۍ. پا مەعنۍ مشۆم ئێمە فرە عالتەر گفتوگۆو مانفیستۆو ڕزگاری ژەنۍ ڕابەر ئاپۆی بکەرمۍ، کە دلۍ سەختەرین هەلومەرجو گۆشەگیری ئیمراڵیینە هەناسە و هێز مڎۆ بە ژەنا و گرڎو هێزو ژیۋای و ئەوەکۊشایش پەی ئازادی ژەنۍ تەرخان کەردەن. ۋەرپرسیاری ئیساتێمانە بە چالاکی جیاواز، پەروەردە، کۊبیەیۆ، وۆرک شۆپ و سیمینار گفتوگۆش بکەرمۍ، هەوڵو ئەنەیاوایش بڎەیمۍ و پەی ئینەیچ بە ئەرکی تازەو دەسوەڵێوستەی ئەوەکۊشای و ڕێکوستەبیەیما هۊربێزمۍ. داوا جە گرڎو ژەنا کوردەسانی و جەهانی مکەرمۍ فرە بە بەهێزییوە چی دەسوەڵێوستەیە بیاوانە و زیڼە بازاشۆ.

بی بە گۊرەتەرین و زەریفتەرین سەوقاتی

ژەنی سەنگ و مانا مڎا بە ژیۋای، ئازادی، ۋێشا و دەورووبەریشا، جەهانی ڕزگار مکەرا، ئازاڎ مکەرا، ڕۊشن و زەریف مکەرا، ڕابەر ئاپۆ جە ئیمراڵییوە چوار توێژۍ ئایدۆلۆژی ڕزگاری ژەنۍ و چوار گوڵە نێرگزێش سەوقاتی کەردیمۍ. ئی سەوقاتیە فرە زەریفو گۊرەن. ئینا دەسمانە ئینا دەسو ئێمەنە کە پی سەوقاتیۆ ژیۋای ۋێما، ژەنا، زاوڵا، جوانە ژەنا بکەرمۍ بە نێرگز. بکەرمۍ بە وەهار، بکەرمێش بە نموونەو باخچێوی. شاڎومانێنمۍ پی جۊرە پێشوازی جە وەهاری مکەرمۍ و پی ماناڎارییۆ ڕاپەڕین و ئەوەکۊشای ئەرەمەرزنای دیموکراسی و هیواما پەی ئایندەی گۊرە مکەرمۍ."

سەرو ئی بنەمایۍ جارێوەتەر ٨و ئاداری جە گرڎو ژەنا پیرۆز مکەرمۍ، سڵام جە زېڵۍ، هۆشمەندی و چالاکی پەڕ جە سەرهۊردایشا مکەرمۍ و داواشا ۋنەمکەرمۍ جە ٨و ئاداریوە تا ٢١و ئاداری بانۍ بە سردێوە و ڕۊو نەورۆزی فاڕا بە جەژنەو گەلا و جەژنەو ئەوەکۊشای."