جەنگاوەرا ئازادی کوردەسانی (ماک) ئەرەیاوناشا، جە چوارچێوەو هەڵمەتەو ئازادی ڕابەر ئاپۆینە، یەرێ چالاکیێشا جە گەڤەر و سێوەرەگەنە ئەنجامدێنۍ. جە ئاکامو چالاکییەکەینە، ٢ پۆلیسێ زامڎارێ بیێۍ، گەڵابێوەیچ دلێنە بریا.
جەنگاوەرا ئازادیی کوردەسانی (ماک) ئەرەیاوناشا، ڕۆو ٢٢ۍ ئۆکتۆبەری سەعات ٢٢:٠٠ جە مەنتیقەو گەڤەرو جۆلەمێرگینە، دژو بنکەو پۆلیسو گەڕەکۊو ئەسکی کشلای بە تەقەمەنی وەشکریای و چەکو شەخی چالاکیشا کەرڎەن.
ئەرەیاوناکەینە ئامان: "جە ئەنجامو چالاکییەکەینە، ٢ ئەرەگیرێ وەردەمو بارەگاو پۆلیسینە زامڎارێ بیێ. ئەرەگیرەکۍ دەمودەس دەسشا بە جوابدایۆ کەرد پەی ماوێوە جەنگ جە مابەینو جەنگاوەرەکامانە و ئەرەگیرانە رووەشدا. دماو ڕووەداکەی، ئەرەگیرەکۍ بە ترۆمبێلی زرێپۆش دەسشا بە وشکنای گەڕەکەکا کەرد.
هەرپاسە ماک ئەماژەش پانەیچە کەردەن، دووۍ ترۆمبێلۍ جۆرو فۆرد رانجەری جە جەنگەکەنە کۆتێ وەرو هرووژمەکاما و جەنگاوەرەکێما بە سڵامەتی یاوێوە یاگێ پارێزیاو وێشا.
ماک جە بەشێوە بەیاننامەکەینە ئەرەیاوناش جە ١٩و ئۆکتۆبەری، ئۆپەراسیۆنێوە سابۆتاژشا جە نزیک بە لادەگاو کایناری مەنتیقەو سێڤەرەگی ئورفای دژو گەڵابێوە "فاشیستی" ئەنجامداو گەڵابەکە بەتەمامی دلێنە بریا.
