مامۊستا جەمال بابان  یۊن جە کەسە دیار و تارێخنویسە گەورەکاو کوردی و کتێبەکێش تاکە سەرجەمەی تارێخینۍ پەی بڕۍ بابەتا، بەتایبەت تارێخوو سلێمانی، چوار بەرگێش بە نامۍ "سلێمانۍ شارە گەشیاوەکەم" نویستێنۍ یۊ بیییەن جا سەرۊکشارەوانییە وەڵینەکاو سلێمانی وڕاوەبەروو ناحیەو خورماڵیچ.

جەمال بابان کێن بە کوڵی:

*جەمال عەبدولقادرعەزمی بابان بە پەنج پەشتۍ ملۊوە سەروو ئەوڕەحمان پاشاو کوڕوو مەحموود پاشاو خالید پاشاو بابانی.

*ساڵەو ١٩٢٧ سلێمانینە پەیدا بییەن چاگەیچ قۊناغەکاو وانایش گرڎ بڕیێنۍ و ١٩٥٠ کۊلێجوو حقووقووو زانکۊو بەغڎایش وانان. *وەزیفەکاو ڕاوەبەروو ناحیەی، یاریدەیدەروو ڕاوەبەری گرڎینیی، شارەوان، ئەمینی گرڎیی کۊڕەو زانیاریی کوردی و ڕاوەبەروو دەزگاو ڕۊشنویری و وەڵاکەرڎەیۊکوردین جە بەغڎانە.

*یوەم سەرۊکوو یۊبییەی نویسەراو کوردی بییەن، بە ورچنییەی ساڵەو ۱۹۷۰ ی لە بەغڎانە.  کە:

"د.ٲحسان فوئاد یاگەدارش بییەن . کاکەمەم بۊتانی سکرتێر و . د. مارف خەزنەدار. د.عیزەدین مستەفاڕەسوڵ. د.نەسرین فەخرییە . حسێن عارف. خالید دلێر و محەممەدوو مەلاکەریمی ئەندامۍ یۊبییەی نویسەرا بیێنۍ.

* ساعیبوو چنڎین بەرهەمە ئەدەبی و تارێخییان و سەرنویسەر و چنڎین گۊڤارا بییەن و چنڎین دەسۍ و سەنتەرۍ ڕۊشنویرییش مەرزنێنێرە و شەوەی ویەرڎۍ جە عومروو ٩٦ساڵینە کۊچی دماینش کەرد.

س.ز  

–