ئاهەنگەکاو نەورۆزی ئەڵمانیانە بەینوو ١٠-٣٠ ئادارینە بە درووشموو "ئازادیی پەی عەبدوڵا ئۆجالانی، چارەسەری سیاسی پەی پەرسەو کوردی" چند شارێوەنە بەجۆشۆ کریا.

فرانکفۆرت یۆ چا شارانە کە ئاهەنگەکێ دلێشنە بەگەرموگوڕییوە کریا.  

ئامادەکارییەکێ پەی ئاهەنگوو ٢٣ ئاداری فرانکفۆرتنە بەردەوامێنێ، شاروو ماربۆرگینە ئاهەنگەکاو نەورۆزی کریێ.  

سەدان کوردستانیێ و دۆسەکێشا بەشدارێ ئاهەنگوو نەورۆزی بێنێ  بە سەرمەسقایەتیی کۆمەڵەو دۆساو کوردی.

سەرۆکوو شارەوانیی ماربۆرگ تۆماس سپایس ئاهەنگەکەنە واتش: "نەورۆز وەنەو گەلوو کوردی مەبارەک کەروو، ژیواێوە ئازاد پەی کوردا موازوو و سڵام وەنەو کۆشیای ڕەواو کوردا کەروو ".

بەشدارێ تەرێ چالاکییەکەنە واتشا: "ئەندازەگێروو شۆڕشوو کوردستانی عەبدوڵا ئۆجالان وەڵێ ٥٢ ساڵا چیوەڵتەرینە ڕۆو نەورۆزینە هەنگامەی یوەمەش بەنامێ  "ئەوەڵوو" کۆشیای ئازادیی گەلوو کوردیوە نیا".

هونەرمەند ئازاد بەدران  ئامەدۆ بەشداریی ئاهەنگەکەیش کەرد و چند ساتێوە جەیادنەکریاش پێشکەش کەرد.

چالاکییەکەنە بێمردای درووشموو "بێ سەرۆکی ژیوای مەبۆ" و "ژەنی، ژیوای، ئازادی" و "نەورۆز مەبارەک بۆ" بەرز کریاوە.