ناوەندوو ئەرەیاونای هێزە سەروازییەکاو عەفرینی و شەهبای وەڵاش کەرڎۊ مانگەو ئابینە دەوڵەتوو تورکی ئەرەگیری، لاو کەمیوە ٥١ جارۍ هجوومش کەرڎەن سەروو هەردووە مەنتێقەکەی. هاموەخت چوار جارێچ هێزەکاو حوکمەتوو دیمەشقیش کەرڎێنۍ ئامانج و ١٠ سەروازۍ بریندارۍ بیێنۍ.
بەپاو ئامارێوە، کە لاو ناوەندوو ئەرەیاونای و چاپەمەنیی هێزە سەروازییەکاوعەفرینی و شەهبایۊ وەڵا کریانۊ ، سوپاو تورکی بەینوو ڕوەکاو ٣ پەی ٣١وو ئابوو ٢٠٢٣ێنە، ٣٣ دەگۍ، ناحیۍ، قەزۍ و سەدان مەیدانۍ کانتۊ نەکاو عەفرینی و شەهبایشا بۊ ردومانۍ کەرڎێنۍ.
حەر بە پاو ئامارەکەی، جە ٥١ هجووما کە بە هاوەنۍ، فڕۊ کەی بێفڕۊ کەوان و کاتیوشۍ کریێنۍ، ٢٥٦ گولـلە هاوەنۍ، ١٦٤ کاتیوشۍ، ٦ موشەکۍ، ٦ فڕۊ کۍ بێفڕۊ کەوانۍ بەکار ئامێنۍ. حەرپاسە هجوومەکۍ زەرەری ماددییشا وستەن.
هاموەخت دەوڵەتوو تورکی ئەرەگیری چا ماوەنە، ٤ جارۍ بنکە سەروازییەکاو حوکمەتوو دیمەشقیشا بۊ ردومانۍ کەرڎێنۍ. کە جە ئەنجاموو ئا هجوومانە ١٠ سەروازۍ حوکمەتوو دیمەشقی بریندارۍ بیێنۍ.
س.ز
