نویسەر و کۊڵیاری ئەمریکی مایکڵ ڕۊبن تازەتەرین وتارشنە ئەزموونوو حکومڕانیی پەدەکە و بەتایبەتی مەسرور بارزانی وزۊ چێروو پەرسۍ و باس چانەیچ کەرۊ "بارزانییەکۍ هەرگیز بە بۍ پاڵپەشتیی جبەری هیچ سەرکەوتەێوەشا بەدەس نارڎەن. ".
مایكڵ رۊبن نویسەری ئەمریکی وتارێوەشنە بە نامۍ "مه‌سرور بارزانى "وێگێر(چەنی یاگەپاو سه‌دام حسێنی و عیدی ئه‌مینیرە ملۊوە پەی كونه بۊر)ی، کە ئەرەمەرزیای ئەمریکی ئینتەر پرایس (AIE) وەڵاش کەرڎەنۊ، بەراوردوو دەسەڵاتوو سەدام حسێنی دیکتاتۊری وەڵینوو عێراقی و مەسرور بارزانیی سەرۊکوو حوکمەتوو هەرێموو پانیشتوو کوردستانیش کەرڎەن و هەرپاسە ئاماژەش بە وەنەشیەیەکا و بەینوو مەسروور بارزانی و عیدی ئەمینوو دیکتاتۊری وەڵینوو ئۊگەندینە کەرڎەن.
رۊبن لە وتارەکەشنە بە ئاماژەدای بە بەرهەمئارڎەی بەڵگەفیلمێوە بە نامۍ "سەرۊکوەزیرانی وێگیر" بارەو مەسرور بارزانیوە بە یادش وستۊ، کە سەدام حسێن و عیدی ئەمینیچ هەمان هەنگامەشا نیا. چا ڕوێوە نویستەنش: "کەلیمۍ "وێگێر"ی كه ئیساتۍ بە ڕوخساروو مه‌سروریوە لکێنە،جە ڕاو به‌رهه‌مئارڎەی فیلمێوە دۊكیۊمێنتاریی‌وه، ته‌نیا پەی ئانەینە كه مه‌سرور بارزانى وەسفوو وێشش پەنە کەرۊ".
جە بەشێوە تەروو وتارەکەیشنە مایکڵ رۊبن نویستەنش: " هه‌رچهنده به‌شێوە فرەو گه‌لوو كوردی رێزوو مه‌لا مسته‌فا بارزانى، باباو مه‌سرور بارزانیی گێرێنۍ، وەلۍ وەشەسیای پەی ئی خێزانی کەم بیۊ وەختێوە، كه مه‌سعود بارزانى تاتەو مه‌سرور هامپه‌یمانیه‌تىیش چەنی سه‌دام حسێنی به‌ست، ساڵەو ١٩٩٦. ڕە‌نگه مه‌سرور کەلیمۍ ناشیرینێش وەراوەروو تاڵه‌بانییه ڕكابه‌ره‌كاش به‌كار بارۊ، وەلۍ مەتاوۊ ڕەمۊ جە دووۍ ڕاسییا، كه یۊشا ئانەن، كه مه‌سعود بارزانى تاتەش جاش بییەن، دووه‌میچ ئانە کە ئی خێزانه جگه چا یاگۍ وەشەشا کەرڎێنە پەی وێشا، به درێژایی تارێخی هه‌رگیز نەتاوانشا به‌بۍ پاڵپەشتى جبەری هیچ سه‌ركه‌وتەێوە به‌ده‌س بارا، پەی نموونه‌ی سه‌ركه‌وتەکەیشا جە ویەرڎەنە به پاڵپەشتىی شاو ئێرانی و سه‌دام حسێنی بییەن، جە ئیسەیچەنە به هامكاریى ڕه‌جه‌ب ته‌یب ئه‌رڎۊغانوو سه‌رۊكوو توركیاین. ته‌نانه‌ت جەنگوو دژوو داعشیچنە، پێشمه‌رگه ڕەما و ئێزدیه‌كێشا جیا ئاستۍ تا رووبه‌ڕووۍ چاره‌نویسوو وێشا باوه".
هەرپاسە نویسەرە ئەمریکییەکە واتەنیچش، " گێرا مه‌سرور بارزانى قه‌ناعه‌تش پانەیە كەرڎەبۊ، كه کریۊ فیلمێوە، كه دلێشنە ژیری و ده‌وڵه‌تمه‌داریى ئادیش چەنە نیشانە دریان، یارمه‌تیى جوانكەرڎەى ڕسمەکەیش دلۍ خەڵکینە بدۊ، وەلۍ فرە به‌ڕۊشنی ئانە مزانیۊ، كه وەشەسیا و نامیە نییا".
ڕۊبن جە بەرڎەوامیی وتارەکەیشنە بارەو کێشەو دابیننەکەرڎەی خزمەتگوزارییەکا وێنەو ئاوۍ و کارەبۍ و کێشە ئابوورییەکا پێسە بێهەرمانی و دماکەوتەی مووچەی کەرڎەن، ئینە جگە جە زیادبییەی کۊچوو گەنجاو هەرێمی بەرەو جبەروو وەڵاتی، پینەیچە ئەزموونوو دەسەڵاتداریی پەدەکە و مەسرور بارزانییش وستەن چێروو پەرسێوە و نویستەنش: "پێسە چەنی پەی ئید ئه‌مینی و سه‌دام حسێنی نەواردش، سووراوكەرڎەی جە بڕۍ به‌رازا نمۍ. ئیساتۍ كورده‌كۍ فرە به‌ڕۊشنی داواو بڕۍ چێوا کەرا كه بارزانى نەتاوانش بارەشاوە وێگیر بۊ: وەختێوەنە کە مووچه‌كه‌شا مەدریۊ، واریاتوو بارزانى هه‌رگیز جە زیادبییەی مەگنۊ. وەختێوەنە كه كورده‌كۍ وە‌رده‌موو گه‌رماى تاقه‌تپڕووكنی و بێهەرمانینە مژیوا، كاره‌باو كۊشكه‌كۍ بارزانى هه‌رگیز مەبڕیۊ و هه‌رگیز مەوینیچ، كه حه‌وزوو ئاوه‌كاشا بێئاو بۊ.وەختێونە كه توركیا گه‌شتوو فڕۊكه‌خانه‌كاو كوردستانی مردنۊ، فڕۊكه تایبه‌ته‌كه‌و بارزانى به ئاسانى گه‌شت کەرۊ و تووشوو هیچ قۊرتێوە مەبۊ.".
ئەو نویسەرە ئاخریچۊ جەختیچش کەرڎەنۊ" مه‌سرور هه‌رگیز وێگێر نه‌بییەن، به‌ڵكوم ئانۍ وێگیرێنۍ کە چێروو ده‌سه‌ڵاتدارییشانە مژیوا، وەلۍ پەرسەکۍ ئانێنە، پشوودرێژی و دانوێرەگێرتەی ئی خه‌ڵكییە تا كه‌ى بڕ کەرۊ؟ هه‌ر ئانە كه مه‌سرور پەی پەرڎەپۊشکەرڎەی كه‌موكوڵییه‌كاش فیلم به‌رهه‌م مارۊ، نیشانۍ ئانەینە کە مزانۊ په‌تەو سەبروو خه‌ڵكی ئاندەش نەمەنەن پڕچیۊ."
س.ز
