بنەیانەو شەنیاشاری کە جە ١٤وو حوزەیرانوو ٢٠١٨ینە جە مەنتێقەو پرسوسوو رحاینە کەسوکارەکەشا، جە ڕاو پاسەوانەکاو پەرلەمانتاروو ئاکەپەیۊ ئیبراهیم خەلیل یڵدزیوە کوشیێنۍ، درێژە پا ئێشکگرییە داڎپەروەرییە مڎا، کە جە ٩و ئاداروو ٢٠١٨یۊ وەرڎەموو داڎگاو رحاینە دەسشا پەنە کەرڎەبۍ.

وەروو ئانەیە ئاخیروو حەفتەین و داڎگا وزیانەرە، بنەیانەو شەنیاشاری یانەو وێشانە پرسوسنە درێژەشا بە چالاکییەکەیشا دا. چالاکییەکەشا پاش نییا ڕۊو ٨١٨یەمینی.

بنەیانەکە سەروو هەژماروو وێشاوە تۊڕەکۊمەڵایەتییەکانە داواشا جە وەزیروو داڎی یڵماز تونچی کەرڎە و واتشا، "وەروو ئانەیە ستەم، دروۍ و ناپاکی دماییش بۍ  مشیۊم کۊشیای ئێمە بەرڎەوام بۊ! مشۊم وەزیروو تازەو داڎی هەوڵەکاش وزۊ هەرمانە".

س.ز