منبجەنە چەتەکۍ گورزېوەتەرەی قورسەشا وەرکۊتە
دماو ئانەی چەتەکۍ سەر بە دۊڵەتوو ئەرەگیری ترکی، هجومشا کەرڎ سەروو دەگاو دەندەنیەی منبجی، جە لاو جەنگەوانا ئەنجومەنوو سەروازی شارەکەیۊ گورزېوە قورسەشا وەرکۊتە.
چا بارۊ ناۋەنڎوو ئەرەیاۋناو ئەنجوومەنی سەروازی منبجی ۋەڵاش کەرڎۊ، چەتەکۍ سەر بە دۊڵەتوو ئەرەگیری ترکی جە دەگاو دەندەنیەی هجومشا کەرڎ سەروو نوقتەکا ئەنجوومەنی سەروازی منبجی.
ناۋەنڎەکە ئاماژەش پانەی کەرڎەن، چەتەکۍ نیازشا بیەن بلا دلۍ دەگاو دەندەنیەی، کە گنۊ سەرنیشتوو شاروو منبجی.
ئانەیچش وست ڕووە، هېزەکېما ۋەرپەرچ و هجومەکاشا داوەو جەنگ ئاما ئاراوە. جە ئاکام و ئا جەنگەینە چەتەکۍ ناچار بە بڕەمای کریۍ و شۊنەو ۋېشارە کوشیۍ و زامڎارەکېشا جیا ئاستۍ.
