بێریڤان ماکوە، گەریلاو یەژاستاری ئرەیاوناش، "ئا کۊشیایە دماو یوەم فیشەکوو ساڵەو ١٩٨٤ دەسش پەنە کەرد، تا ئارۊیچ کەشەکاو کوردسانینە بەرڎەواما". واتیچش: میراتوو مدرامانوو هامڕا عەگیدی پەی وێما بە بنەما گێرمۍ.
بێریڤان ماکوە، گەریلاو یەژاستاری بە بۊنەو ٣٩مین ساڵیادوو هەنگامەو ١٥و ئابیوە، کە جەژنەو ژیوایۊ گەلوو کوردینە، پەی ئاژانسوو فورات (ANF)ی، قسێش کەرڎۍ.
بێریڤان ماکوە مەبارەکبایی هەڵمەتەو ١٥و ئابیش کەرد و واتش: "سەرەتا مەبارەکبایی جەژنەو ژیوایۊ وەنەو ڕابەر ئاپۊی و گرد لاێوە کەروو، بە ڕێز و پەنەزانایۊ یادوو فەرماندەی نەمر عەگیدی کەرووە. ماناو ١٥و ئابی پەی گەلوو کوردی و گەریلاکاو ئازادی سەرجەنۊ ژیواین. ئێمە و گەلەکەیچما بە هێز، مۊڕاڵ و حەزوو مدرامانیوە، یادوو هەڵمەتەو ١٥و ئابی جەژنەو ژیوایۊ بەرز مرمانمۍ. پەوکای ١٥و ئابی مانێوە گەورێش هەنە. کۊشیای چەکداری کە دماو تەقنای یوەم فیشەکی دەسش پەنە کەرد، تا ئارۊیچ کەشەکاو کوردستانینە بەرڎەواما".
ئەو گەریلۍ یەژاستاری واتیچش: هامڕا عەگید سەلەمناش کە کۊشیا پەی ئازادی و ژیواێوە ئازادی جە حیچ بارودۊخێوەنە ئەسەم نییا. هامڕا عەگید بە کەسایەتی و یارایەکەیش، قارەمانێوە بۍ. ئێمە سەروو میراتوو هامڕا عەگیدی بەرڎەوامێنمۍ و درێژە بە کۊشیای مدەیمۍ. ئیساتۍ مدرامان جە هەرێمەکاو زاپی، ئاڤاشینی، مەتیناینە و خواکورکنە هەن، ئا ڕۊح و هەڵوێستە چاگە نیشانە دریۊ، ڕۊحوو هامڕایا عەگید، مەزڵوم، کەمالی و ساراکان. ئی مدرامانە دایمە بەرڎەوام بۊ. چێش بۊ با بۊ، ئێمە قابیلۍ ڕەنجوو ڕابەر ئاپۊی بیمۍ. گردوەختێوە چەنی ڕابەرەکەیما و ئەندێشە و فەلسەفەکەیش بیمێ".
س.ز
