جەمەو ڕۆنامەنۋیسا دیجلە و فورات (دەفەگە)ی جە ئەرەیاۋنېوەنە جەبارەو ڕۆنامەوان سەید ئەڤرانی، کە بەمەڵامەتوو مردای دڵیشۊ گەشمەرڎە بی ئەرەیاۋناش، "میراتی ئەڤرانی جە کۊشیای یاۋنەری ئازاڎیینە بەزینڎەیی مەنۊوە ".
جەمەو ڕۆنامەنۋیسا دیجلە و فورات (دەفەگە)ی جەبارەو گەشمەرڎەبیە و ڕۆنامەوان سەید ئەڤرانیۊ ئەرەیاۋنېوەش ۋەڵاکەرڎۊ.
جە ئەرەیاۋناکەو دەفەگەی بەنامونیشان و "یاڎوو سەید ئەڤرانی جە کۊشیای یاۋنەری ئازاڎیینە بەزینڎەیی مەنۊوە" ئامان، بە ئەسەفۍ فرۊ هەواڵ و گەشمەرڎەبیەو ھەڤاڵی ڕۆنامەوانیما، خەباتکاروو یاۋنەری ئازاڎیی سەید ئەڤرانی-ما پنەیاوا، کە ڕۊو ٢٢ۍ ئەیلولی بەمەڵامەتوو نەوەشی دڵیۊ گیانش جە دەسدان.
جە بەشێوە تەروو ئەرەیاۋناکەینە ئامان، سەید ئەڤران ژیۋای ۋېش پەی کۊشیای ئازاڎیی گەلوو کورڎی تەرخان کەرڎ. بە قەڵەموو کامێرەکەیش ئا چېوۍ جە سەرانسەروو کوردسانینە ڕووە دېنۍ، تۆمارشا کەرۍ. سەید ئەڤران کە سەرەڕاو گرڎوو دژواری و سەختییەکا مېڎانەکۍ جەنگیش جیاناستۍ، جە ساڵەکا نەوەکانە ئا ڕاپیما پیرۆزەی کە چنی غوربەتلی ئەرسوزەکا دەسش پنەکەرڎ، جە سەرنیشت، پانیشت، ۋەرکەوت و دماجاریچ جە ۋەرنیشت درێژەش پنەدا. سەروو خەتەو یاونەری ئازاڎیی جەنگ، ژیۋای گەریلاکا کوردسانی، ڕاسییەکا کۊشیای و مدرامانیش پۍ ڕای گرڎیی جەهانی فاڕاېوە.
ئاماژە پانەیچ کریان، "سەید ئەڤران چا کۊشیا پیرۆزەنە کە بە ھێز، جۆش و خرۆش و باوەڕیۊ ڕوانەش کەرڎ، لۋا دلۍ قافڵەو گەشمەرڎا یاۋنەری ئازاڎیۊ. یاڎەوەری و میراتەکەش جە کۊشیای گەورەو گەلوو کورڎینە بە زینڎەیی مەنۊوە".
