مەزڵووم عەبدی، فەرماندەو گرڎینو قەسەدەی و ئیلهام ئەحمەدە، هامسەرۆکۊو پەیوەندییەکا جبەرو ئیدارەو ۋێڕاوەبەری شارو هەولێرینە چنی وەزیرو جبەرو فەڕەنسای کوۍ بیێوە و سەرو دما پێشئامایەکا ناوچەکەی گفتوگۆ کریا.
شارو هەولێرو پانیشتوو کوردەسانینە، گلېرۊبیەو بەینو مەزڵووم عەبدی فەرماندەو گرڎینو هێزکاو سووریای دیموکراتیکی (قەسەدە)ی، ئیلهام ئەحمەدە، هامسەرۆکۊو پەیوەندییەکا جبەرو ئیدارەو ۋێڕاوەبەری سەرنیشت و ۋەرکۊتوو سووریای و ژان نوێل بارۆ، وەزیرو جبەر فەڕەنسای لوواڕاوە.
جە گلېرۊبیەکەینە، شێوازەکاو پاڵپەشتیکەردەی چارەسەری سیاسی و ئەمنی جە ناوچەکەنە، پەرەپنەدای گفتوگۆی جە ما بەینو لایەنەکا سووریاینە، هەرپاسە دەورو فەرەنسای جە پاڵپەشتیکەردەی هەوڵەکا چارەسەری سیاسینە گفتوگۆشا سەر کریا.
وەڵتەر فەرەنسا پاڵپەشتی ۋێش پەی ڕێککەوتەی بەینو هێزەکاو سووریای دیموکراتی (قەسەدە)ی و دەسەڵاتو دیمەشقی بەیان کەردەبۍ و پېسە هەنگامېوە بەرەو چارەسەری سیاسی کە یۊگێرتەیی سووریای و مافەکاو گرڎو پێکئامایەکا دەسەبەر مکەرۆ، هۊرسەنگنا بۍ.
