دەیان ڕۊنامەنویسۍ پانیشتوو کورڎسانی، کەرڎەی ئامانجوو تیمێوە ڕۊنامەوانیی ژەن تی ڤی لاو دەوڵەتوو تورکی ئەرەگیەریشاوە، شەرمەزار کەرد و داوا جە سەرجەموو ڕێکوزیایەکاو مافوو ئینسانی و داکۊکیکاراو ڕۊنامەنویسا کەرمۍ، ڕاگێری جە ئەوەخوایکەرڎەیۊ ئا نۊعە تاوانا کەرا.
دمانیمەڕۊو هیزی، فڕۊکێوە بێفڕۊکەوانوو دەوڵەتوو تورکی ئەرەگیری سەیارێوە تیموو کەناڵوو ژەن تی ڤی-یش سەروو ڕاو قامیشلۊ-عامودێوە بۊردوما کەرد، پی بۊنەوە کارمەندێوە کەناڵەکەی مەرڎە و ژەنە پەیامکیانێوەیچ بریندارە بییە.
چا بارەوە چنڎ ڕۊنامەنویسۍ پانیشتوو کورڎسانی جە ئەرەیاوناێونە وەڵاشا کەرڎەنۊ، دەوڵەتی ئەگیر و قاڕچنوو تورکیای سەرەڕاو ئەرەگیرکاری و تاڵانکاریی ژیوگەیی و فاڕای دیمۊگرافیاو وەرنیشتوو کورڎسانی، جە ڕاو چەتەکاشۊ ڕەوایەتییش دان بە هجووم و دەسدرێژی پەی سەروو ژەنا و خودوو وێچش بەرڎەوام هجوومۍ پەی سەروو سازییەکاو ژەنا کەرۊ.
ھەرپاسە ئەرەئاوناکەیچەنە ئامان، "ئێمە پێسە ڕۊنامەنویسە ئازاڎا پانیشتوو کورڎسانینە، بەتندی ئیدانەو ئا هەرمانە نائینسانانۍ دەوڵەتوو تورکی ئەرەگیری کەرمۍ، کە ژەنا و ڕۊنامەنویسە ژەنا کەرۊ ئامانج، هاموەخت پەشتیوانیی وێما پەی ئەرەیاونای ئازاڎیی وەرکەوتوو کورڎسانی و ئاژانسوو ژنهای و ژەن تیڤی-ی ئەوەخوای کەرمۍ، سەرەو ڕێزی ئاستوو گەشمەرڎانە کۊمنمێرە".
دەقوو ئەرەیاونیاکەو ڕۊنامەنویساو پانیشتوو کورڎسانی:
دەوڵەتی ئەرەگیروو تورکی بۍ گۊشدای بە هیچ یاسێوە میاننەتەوەیۍ و مافەکاو ئینسانی ئا دەوڵەتە ئەرەگیرە ژەنۍ، زاڕوۍ، ڕۊنامەنویسۍ و بەشێوە فرەو هاموەڵاتە مەدەنییا کەرۊ ئامانج، پەی دلێنەبەرڎەی و تەسفییەکەرڎەی شۊڕشوو وەرنیشتوو کورڎسانی، کە بە سەرمەشقایەتیی ژەنا تاواشا چەتەکاو داعشی ماڕا، کە تەرسۍ گەورۍ بێنۍ سەروو جیهانیوە و تا ئیساتێچ ئا تەرسۍ حەر هەنە.
ئیساتێچنە دەوڵەتی ئەرەگیروو تورکی و تورکیا سەرەڕاو ئەرەگیری و تاڵانکاریی ژیوگەیی و فاڕای دیمۊگرافیاو وەرنیشتوو کورڎسانی، جە ڕاو چەتەکاشاوە ڕەوایەتییش دان بە هجووم و دەسدرێژی پەی سەروو ژەنا و خودوو وێچش بەرڎەوام هجووم پەی سەروو سازییەکاو ژەنا کەرۊ.
حەرچنڎە بە پاو یاسا میاندەوڵەتییەکا و بەندەکاو جاڕنامەو مافوو ئینسانی بەئامانجگێرتەی ڕۊنامەنویسا خەتەی سوورە و ڕاپەنەنەدریێنە، وەلۍ بێدەنگیی وەڵاتە میاندەوڵەتییا و ڕێکوزیایەکاو مافوو ئینسانی و جیهانی داواش کەرڎێنە، کە دەوڵەتۍ پێسە تورکیای بۍ گۊشدای بە حیچ بەها و ئەخلاقێوە ئینسانی ژەنا و ڕۊنامەنویسە ژەنا کەرۊ ئامانج، بە دیاریکریایی جە دووە ساڵی ویەرڎەنە ئی هجوومێشە چڕۍ کەرڎێنیوە بە ئامانجوو ماڕای ئیراڎەو گەلوو وەرنیشتی و بەتایبەت ژەنا.
جە وەختێوەنە گەلوو وەرنیشتی ڕۊژئاوا بە سەرمەشقایەتیی ژەنا قەراروو بەرڎەوامیی کۊشیای و تەسلیمنەبییەیشا دان، پەوکای هەرمانەنە سەروو تەماموو ڕۊنامەنویسە ئازاڎا و دەسەو ڕێکوزیایەکا و داکۊکیکارا جە ڕۊنامەنویسا و ڕێکوزیایەکاو ژەنان و تاک بە تاکوو ژەنا ئاستوو ئی تاواناو دەوڵەتی قڕکەروو تورکینە بێدەنگۍ نەبا و پێسە هەرمانێوە نەتەوەیۍ و ئەخلاقیۍ و ئینسانیۍ هەڵوێستی جیددی ورگێرا چونکوم دماجار تەرسەکۍ پەی سەروو گرڎوو کورڎانە نەک شارۍ و بەشێوە.
پەوکای ئێمە پێسە ڕۊنامەنویسە ئازاڎا جە پانیشتوو کورڎسانینە بەتندی ئیدانەو ئا هەرمانە نائینسانانۍ دەوڵەتوو تورکی ئەرەگیری کەرمۍ، کە ژەنا و ڕۊنامەنویسە ژەنا کەرۊ ئامانج، هاموەخت پەشتیوانیی وێما پەی ئەرەیاونای ئازاڎوو وەرنیشتوو کورڎسانی و ئاژانسوو ژنها و ژەن تیڤی ئەوەخوای کەرمێوە، سەرەو ڕێزی وەراوەروو گەشمەرڎاوە کۊمنمێرە، داوایچ جە سەرجەموو ڕێکوزیایەکاو مافوو ئینسانی و داکۊکیکارا ڕۊنامەنویسا دلێوە و بەرۊ کەرمۍ، کە هەرمانە کەرا پەی ناستەی و ئەوەخواینەبییەیۊ ئا تاوانە نائینسانانا و هجوومە عاسمانییەکاو ئا دەوڵەتە ئەرەگیرەیە.
ئاخریچۊ ماچمۍ بە هیچ ئەرەگیرێوە ڕاو ڕاسی و حەقیقەتی تاریکە مەبۊ و دەنگوو ئازاڎی و ڕۊنامەنویسە ئازاڎایچ کپ مەکریۊ.
ڕۊنامەنویسۍ ئازاڎۍ جە پانیشتوو کورڎسانینە:
هێمن حەسەن- ڕۊنامەنویس
باران گەرمیانی- ڕۊنامەنویس
بێخاڵ قادرە– ڕۊنامەنویسە
شایی ئارامە– ڕۊنامەنویسە
ئاراس ئیبراهیم_ڕۊنامەنویس
توانا مستەفا_ ڕۊنامەنویس
هێرۊ بەهادینە_ ڕۊنامەنویسە
عەلی ئەحمەد_ ڕۊنامەنویس
شاهۊ عەبدوڵڵا_ ڕۊنامەنویس
هێمن ئەحمەد – ڕۊنامەنویس
تەوار عادلە – ڕۊنامەنویسە
ئەڤین نەسرینە- ڕۊنامەنویسە
سۊزیار عەلییە – ڕۊنامەنویسە
شنیار بایزە– ڕۊنامەنویسە
شیرین ساڵحە – ڕۊنامەنویسە
هێلێن ڕەشیدە – ڕۊنامەنویسە
سروە نێرگزە– ڕۊنامەنویسە
ڕۊزا ڕزگارە– ڕۊنامەنویسە
نەرمین ئەحمەدە– ڕۊنامەنویسە
بێریڤان شاهۊە– ڕۊنامەنویسە
ناسیار مستەفا – ڕۊنامەنویس
میهران ڕەمەزان – ڕۊنامەنویس
ئاكام جەزا – ڕۊنامەنویس
بۊتان گەرمیانی – ڕۊنامەنویس
ئەركان محەمەد- ڕۊنامەنویس
ڕۊمان ئەحمەد – ڕۊنامەنویس
سیهام ڕۊژ – ڕۊنامەنویس
سلێمان ئەحمەد – ڕۊنامەنویس
عەبدولڕەحمان حسێن_ ڕۊنامەنویس
ڕێبین هەورامی_ ڕۊنامەنویس
خالید خەلیل_ ڕۊنامەنویس
دەنیز جان- ڕۊنامەنویس
هاوژین شوانە_ ڕۊنامەنویس
بینایی عومەرە_ ڕۊنامەنویسە
کەسەر بوڵدان_ ڕۊنامەنویس
سنوور ڕەحمانە_ ڕۊنامەنویسە
دەریا محمەمەدە_ ڕۊنامەنویسە
میران سابر_ ڕۊنامەنویس
ژینا ئیسماعیلە_ ڕۊنامەنویسە
ئاڤێستا لاولاوە_ ڕۊنامەنویسە
سەرحەد ئەحمەد_ ڕۊنامەنویس
سەمیرە سەعیدە_ ڕۊنامەنویسە
هێڤی سەلاح_ ڕۊنامەنویس
بینایی عیزەدینە_ ڕۊنامەنویسە
شیار شەمسدەینە_ ڕۊنامەنویس
بەهرە عومەرە_ ڕۊنامەنویسە
هەوار محمدە_ ڕۊنامەنویسە
بەرهەم هەورامی_ ڕۊنامەنویس
شاتوو ئەحمەدە_ ڕۊنامەنویسە
محمد بابانی_ ڕۊنامەنویس
سیروان هەورامی_ ڕۊنامەنویس
زانا مستەفا_ ڕۊنامەنویس
سەلمان عوسمان_ ڕۊنامەنویس
بەرهەم لەتیف_ ڕۊنامەنویس
ڕێبین ئەبوبەکر_ ڕۊنامەنویس
شادیار شۊڕش_ ڕۊنامەنویس
شەیدا حەسەنە_ ڕۊنامەنویسە
نێچیر لەتیف_ ڕۊنامەنویس
کاروان مەحمود_ ڕۊنامەنویس
ئاڤان نادرە_ ڕۊنامەنویسە
کارزان محمەد_ ڕۊنامەنویس
بەڵێن لەتیف_ ڕۊنامەنویس
میران عەبدوڵڵا_ ڕۊنامەنویس
هێرش سیروان_ ڕۊنامەنویس
لاوی هەورامی_ ڕۊنامەنویس
محمد عەزیز_ ڕۊنامەنویس
سەروەر قەرەداغی_ ڕۊنامەنویس
کەلسوم حسێنە_ ڕۊنامەنویسە
هێمن مامەند_ ڕۊنامەنویس
گوڵی محمەدە_ ڕۊنامەنویسە
ڕۊژان ئەبووبەکرە_ ڕۊنامەنویسە
ئاریان مستەفا_ ڕۊنامەنویس
ئومێد ئەحمەد_ ڕۊنامەنویس
س.ز
