نێچيرڤان بارزانى و مەسرور بارزانی چنی هاكان فيدانی وەزیروو جبەروو دەوڵەتوو ترکی کۆبیېۊ و پێچەوانەو ۋەرپەرسا حکومەتوو عێراقی-ۊ، وەعدوو گرڎ پەشتیوانیېشا پۍ دەوڵەتوو ئەرەگیری ترکی واوەی کەرڎەنۊ.
نێچيرڤان بارزانى و مەسرور بارزانی چنی هاكان فيدانی وەزیروو جبەروو دەوڵەتوو ترکی کۆبیېوە و پێچەوانەو ۋەرپەرسا حکومەتوو عێراقی-ۊ، وەعدوو گرڎ پەشتیوانیېشا پۍ دەوڵەتوو ئەرەگیری ترکی واوەی کەرڎەنۊ، نێچیرڤان بارزانی ماچۊ: ئاماڎېنمۍ جە گرڎ بوارەکانە یاردەی تورکیای بڎەیمۍ.
سەرسەعبوو ئارۊی نێچيرڤان بارزانى یاگەگیروو سەرۆکوو پەدەکەی پێشوازىش جە هاكان فيدان وەزیروو دەوڵەتوو ئەرەگیری تورکی کەرڎ و بەپاو زانیارییەکا جە کۆبیەیۊکەینە پەرسوو کیاستەی نەوتەو هەرێمی و چن پەرسێوە تەری سیاسی و ئەمنی گفتوگۆشا جەبارۊ کریا.
نێچیرڤان بارزانی جە کۆبیەیۊکەینە ئەرەیاۋنانش، ئاماڎېنۍ جە گرڎ بواره‌كانە بره‌و به په‌يوه‌ندييه‌كا هۊلێری و ئه‌نقه‌ره‌ی بڎا، حەرپاسە سوپاسوو توركياىش کەرڎ پۍ پەشتگيریىش جە هه‌رێموو كوردسانی جە گرڎ بواره‌كانە و به تايبه‌تى جە وەختە سه‌خته‌كانە و ئاماژه‌ش پانەی کەرڎ كه هه‌رێموو كورڎسانی حەجگیز پەشگيریى و هامکارييه‌كا توركيای جە ۋیر مەکەرۊ.
دماو کۆبیەیۊیش چنی نێچیرڤان بارزانى، هاکان فیدان وەزیروو بەروو دەوڵەتوو ترکی چنی مەسرور بارزانی یاگەگیروو دووەموو سەرۆکوو پەدەکەی کۆبیۊ و هاکان فیدان جە کۆنگرېوە ڕۆنامەوانینە ئەرەیاۋناش: “سوپاسوو هەرێموو كوردسانی کەرمۍ، كە هامکارېمانۍ جە ڕووبەڕووبیەیۊ تیرۆرینە، پۊکاتی گرڎ جۆرە هامكاری و پاڵپشتیېوەشا کەرمۍ”.
لاو ۋېچشۊ مەسرور بارزانى ئەرەیاۋناش، جەبارەو پەیوەندی بەینوو عێراقی و تورکیای و بە تایبەتی هەرێم و ئەنقەرەیۊ گفتوگۆما کەرڎەن و باسما جە کیانای نەوتەو هەرێمی و دۆسیەی ئەمنی کەرڎ.
ئانەیچ جە وەختېنە، هېزی وەزیروو بەروو دەوڵەتوو تورکی یاۋا بەغڎا و چنی فرەو ۋەرپەرسا عێراقی جەبارەو پەرسوو کیانای نەوتۍ و ئاوېوە کۆبیۊ، شەوەی ۋیەرڎېچ هاکان فیدان یاوا هەرێموو کوردسانی، قەراریچا چنی مەسعود بارزانى و یۊگېرتەی ئیسلامى و تورکمانەکا کۊبۊوە.
هـ.ش
